4 janvier 1530 [04/01/1531]
<1 recto>
Abollicion pour Jehan Basset
de Couayron, la
verificacion de la court
de Nantes, la teneur de
laquelle ensuilt.
<1 verso>
[1] Francois,
etc, a touz ceulx que ces
presentes lettres verront,
[2] salut. Savoir faisons, nous avoir reccu l'humble
supplicacion
[3] et requeste des parens et amys consanguins de
notre povre
[4] subgect Jehan Basset et agé de dix oinct ans ou envyron,
[5] filz de Francois Basset, laboureur, demourant ou villaige
[6] de La Salle en Couairon soulz
notre juridiction de Nantes,
[7] Exposans, comme le vingt quatriesme
jour d'octobre
[8] dernier,
ledit Jehan Basset charroyoit et menoit de
[9] la maison de
sondit pere en une charrette de quatre
[10] beuffs de l'angreix
et frambray
*, en une piece de
[11] terre situee en la gaignerie de Blanchart pres le
[12] villaige de La Salle, sourvit ung jeune ensfant
[13] de l'aisge de sept ans ou envyron, nommé Georget
[14] Martin, filz de feu Jehan Martin, demeurant pres le
[15] villaige de La Salle ; lequel jeune ensfant avoit
[16] auparavant acoustumé de souventesfoiz aller de
[17] suyvre
ledit Jehan Basset lors qu'il estoit a charrier un
[18] charroy de pres et envyron
ledit villaige de La Salle,
[19] et ce pour raison de labourer et recrue
* que faisoit
[20] celuy Basset
audit ensfent lorsqu'il le trouvoit et
[21] rencontroit,
a cause de l'amytié qu'il avoit a luy.
[22] Et ainsi charroyant,
ledit Jehan Basset entendant a
[23] conduire et toucher
sesdits beuffs
et charrecte chargee
[24] dudit angres, celuy jeune enffent allant
et suyvant
[25] et allant quant
et quant[sic] ladite charrecte par fortune
[26] ou chemyn cheut, tomba par terre au-dessoulz et
[27] au-devant l'une des roues de
ladite charrecte chargee
[28] dudit angreix ; laquelle roue ainsi que depuix
[29] aperceut ledit Basset, passa
par dessus la teste
[30] dudit jeune ensfent, dans ce que
ledit Jehan Basset
[31] en
aperceust aucune chose jucques a ce que apres
[32] ladite [sic] passee en se destournant pour toucher
[33] sesdits beuffs, il vid et
aperceut ledit ensfent choist
[34] et tombé a terre. Devers lequel il retourna et
[35] courut en
dilligence quel il trouva mort et le
[36] print et mist illecq pres d'une haye et on
[37] l'instant, s'en alla en la maison de
sondit pere ou il
[38] trouva sa
mere a laquelle il dist et declarra
[39] que
ledit ensfent estoit mort, ce que
ladite roue
[40] l'avoit tué. Et bientost apres,
ledit Jehan Basset,
<2 recto>
[41] doubtant rigueur de justice, se abscenta et alla vers
[42] ce pays
et duché. Nous remontrans oultre
lesdits suppliants
[43] que dudit cas celuy Jehan Basset est innocent et n'a esté
[44] diceluy agent ni consentant, ains
* est arrivé par cas
[45] de fortune et malle adventure, et
n'avoit eu jamais aucune
[46] inymitie, hargne ne
malveillance avec
ledit ensfent, ne
[47] aucun de ses parens et amys ; et
celluy Jehan Basset estre
[48] de bonne vie et
conversacion, sans
jamais avoir esté acusé,
[49] ne noté, actaint ne convaincu d'aucun mauvaix cas,
[50] blasme, ne reproche. Et nous ont tres
humblement
[51] supplié et requis ait avoir esgard et
dudit cas
impartir
[52] audit Jehan Basset, nos
lettres de abbolicion,
quictance et
[52] pardon. Et pourquoy nous
etc, la
verifficacion a la
[53] court de Nantes.
Lefourbeur