7 février 1530 [07/02/31]
<20 recto>
Deux remissions : l'une
pour Francoys
de Rosmadec
et l'
autre pour Jehan Lemynntier
de l'omicide
par ceulx commis en la
personne de feu
Rolland Dollo
et la
verificacion adrecé
aux juges de Lamballe.
<20 recto>
[1] Francois,
etc, a tous
presents et advenir, salut. Receu avons l'humble
supplicacion et requeste
[2] des parens
et amys consanguins de
Jehan Lemyntyer,
gentilhomme, filz Herve Lemyntier,
[3] de
notre ville de
Saint Brieuc,
Contenant que, le
premier jour de
janvier derroin,
comme il et feu
[4] Rolland Dollo entre autres estoint a souper en la maison de
Pierres Moro en
notredite ville
[5] de
Saint Brieuc, y arryva durant ledit souper ung
nommé Guillaume Rouxel demourant
[6] en icelle ville, auquel ung
nommé Francois de Rosmadec dist en parolle rigoreuse
[7] qu'il ne se fust trouvé en sa voye ou
que autrement il luy eust faict desplaisir. A quoy
respondit
[8] celuy Rouxel
que il estoit son
serviteur, se c'estoit son plaisir
et qu'il n'entendoit jamais luy avoir
[9] faict desplaisir et que si
ledit de Rosmadec eust volu sesforcer de luy fere chosse qui
[10] ne fust bonne, qu'il eust mis paine de s'en desfendre au moings mal qu'il eust peu.
[11] Et apres,
lesdits Dolo, de Rosmadec
et Lemyntier,
avoir soupé
et faict grant chere en la
[12] maison dudit Moro, sortirent dicelle
et a ladite sortye iceluy de Rosmadec demanda
audit
[13] Dollo lequel de luy ou
duditRouxel avoit eu le tort. A quoy respondit
ledit Dolo
que c'estoit
[14] ledit de Rosmadec et surtout iceluy de Rosmadec dist
audit Dollo qu'il estoit tousiours
[15] contre luy
et qu'il n'aymoit point ledit de Rosmadec. Et sur ce, eurent autres
parolles
[16] ruddes ensemble sur
lesquelles ledit de Rosmadec evagina une espee qu'il avoit sur ledit Dolo ,
[17] lequel
pareillement avoit une autre espee et pour les empescher de s'entreoultraiger,
[18] ledit Lemyntier se mist lors entreulx
et les guarda lors de s'entrefrapper de
leursdites
[19] espees
et les leurs fist rendre
et mectre entre les mains d'un aultre homme estant
[20] en leurs compaignye. Et ce faict,
ledit Lemyntier les pria
et mena boyre en la maison
[21] ou demoure Jullien Dallier en
ladite ville en laquelle maison
ledit Lemyntier leur
[22] poya une quarte de vin
et ledit Dollo poya pinte que ils beurent
ensemblement et
durant
[23] ce sesforcza
ledit Lemyntier de debvoir appoincter
et mectre a ung
lesditsDollo
et de Rosmadec
[24] de leurs rudes
parolles et pria ledit Dollo de boyre
audit de Rosmadec, ce que fist
ledit Dollo
[25] et apres
lesdits Lemyntier
et Dollo prierent
ledit de Rosmadec de boyre qui respondit
[26] qu'il n'eust daigné boyre pour
ledit Dollo qui dist lors
audit de Rosmadec que il eust
[27] beu s'il eust volu
et que s'il faisoit de l'enragé
que ledit Dollo eust faict du
[?foul?],
[28] et eurent
lesdits de Rosmadec
et Dollo rudes
parolles ensemble durant le temps qu'ilz beurent
[29] chez ledit Dallier
et demonstrantz
avoir mauvaix vouloir l'un a l'autre,
ledit de Rosmadec
[30] print ung voyre
et apres
avoir beu en iceluy, cassa
ledit voyre
et en jecta une aultre
[31] contre la masiere et incontinant
ledit Dollo beut en ung autre voyre
et des
[32] que il y eut beu, cassa
paroillement ledit voyre contre la muraille. Et assez tost
[33] apres,
ledit de Rosmadec sortit hors la maison
dudit Dallier
et ledit Dollo apres ;
[34] et au regard dudit Lemyntier, il tarda
quelque peu en
ladite maison se excusant
vers l'hotesse
[35] de l'ennuyt que il
et lesdits Dolo et de Rosmadec luy avoint faict, et estans
lesdits de Rosmadec
[36] et Dollo en la rue eurent
parolles de defiance l'un a lautre
et dist celuy Dollo
audit
[37] de Rosmadec
parolles de tel ou semblable esfect :
« Filz de putain, meschant, lasche qui
[38] ne viendra ou fautdra a se trouver au molin a vent. » Duquel molin
lesdits
[39] Dollo
et de Rosmadec ne furent, mays sur ledit pavé incontinant
lesdites parolles par ledit
[40] Dollo dictes, iceluy de Rosmadec tira son espee nue
et courut sus
audit Dollo qui
[41] tira aussi la sienne
et s'entreruerent
plusieurs coups
et incontinant sortit
[42] de
ladite maison
ledit Lemyntier lequel voyant le debat evagina son espee pour
[43] debvoir les empescher de s'entreouttraiger
et a celle fin abatit
plusieurs
[44] coups d'espee que jectoint
lesdits Dollo
et de Rosmadec l'un a l'autre et en ce faisant
[45] ledit Lemyntier rua aulcuns coups despee pensant despartir
ladite noyse et
[46] eulx troys estans ainsi ensemble ruantz de
leursdites espees, coups d'estoc et
[47] de taille l'un
contre l'autre, furent bleczer et se trouva
ledit Dollo bleczé
[48] d'un coup d'estoc duquel il fut actaint au bas du ventre pres des genitoyres
*
[49] par ledit Lemyntier ou
par ledit de Rosmadec qui ruerent
chacun son coup d'estoc
[50] audit Dollo en l'endroit ou
ledit coup fut trouvé. A raison de laquelle bleczure celuy
[51] Dollo, a peu d'heure appres, alla celle nuyct de vie a trespas. Si nous ont oultre
[52] lesdits supplians remonstré
davantaige que ledit Lemyntier est jeune
gentilhomme, bien
apparenté
[53] et homme bien dispos pour nous
servir et a la chose publicque de
cedit pays,
et qu'il estoit grant
[54] amy
dudit Dollo qui
pareillement estoit noble homme et
oncqs n'avoit eu debat ne querelle
[55] a luy
auparavant ledit premier jour de
janvier derroin que advint
ledit cas de male fortune
[56] et tousiours
auparavant avoit esté
ledit Lemyntier vivant bien
et honnestement sans
[57] jamais avoir esté
reproché, ne attainct d'aucun mauvais cas, blasme ou
reproche,
[58] lors de celuy de
present, nous supliant
lesdits exposans sur ce
audit regard et
dudit cas
[59] impartir
avoir Lemyntier noz
lettres de grace, remission et pardon tres humblement
[60] les nous requerant. Pourquoy nous,
etc.
Mandart