8 février 1530 [08/02/31]
<21 recto>
Remission pour Gabriel Bedier,
geolier
et garde des prisons de
Rennes.
[1] Francois,
etc, savoir faisons a tous
presents et a venir, nous
[2] avoir receu l'humble supplicacion
et requeste des parens et
[3] amys consanguins de
notre pouvre subgect Gabriel Bedier,
[4] geolier
et garde de nos prinsons de Rennes, a
present detenu
[5] prinsonnier en
nosdites prinsons de Rennes sur l'
accusacion
[6] luy faicte par
notre procureur dudit lieu auquel a esté
[7] vers
ledit Bedier le proces decreté pour avoir lessé sortir et
[8] eschapper
desdites prinsons cinq prinsonniers y detenuz
[9] savoir : dom Francois Travaille, ung
preptre appellé Sainct Jacques
[10] desparties de France,
et dom Jehan Bonesvart accuses d'avoir
[11] fabriqué faulce
monnaie, Jacques Rondel, accusé de cas
[12] de malefice, Jacques Evrart, fondeur, accusé d'avoir eu
[13] compaignie charnelle d'une
femme par force, lequel Jacques
[14] Evrart estoit ferré et en basse fosse
esdites prinsons,
ledit
[15] appellé Sainct Jacques aussi ferré estant en une chambre
[16] pres le
pavé et
lesdits Rondel, dom Francois Travaille, dom Jehan
[17] Bonesvart
et chacun estant aussi en une autre chambre
desdites prinsons
[18] pres
ledit pavé et non ferrez, mais
seullement enfermez
esdites
[19] chambres. Nous remonstrans
lesdits parens
et amys
supplians
[20] que, durant partie du temps que
ledit Jacques Evrart a esté
[21] detenu
esdites prisons,
ledit Bedier estimant qu'il fust plus
[22] convenable que celuy Evrard et
autres surdits prinsonniers
[23] se occupassent a quelque chose que demourer oyseulx,
[24] souffrit et tollera
audit Evrart, fondeur, de besougner
esdites
[25] prinsons de
sondit metier a
fere ung rouet a hacquebute,
[26] disant
ledit Evrart
audit Bedier qu' il faisoit
ledit rouet a
ladite
[27] hacquebute pour gaigner partir de ses despens. Et
pour ce
[28] fere, envoya
ledit Evrart querir en sa maison ou ailleurs dont
[29] ledit Bedier n'a congnoissance,
ladite hacquebute et
feirremens*
[30] convenables
audit mestier quels furent apportez
audit
[31] Evrart par gens
audit Bedier incongneuz. Aussi est-il que,
[32] durant partie du temps de la detemption, ung serviteur
[33] dudit Bedier, nommé Pierre Grinel qui avoit la garde de
[34] la porte de
sesdites prisons, fist
fere audit appellé Sainct Jacques
[35] et
audit Rondel une macze a sergent quelle estoit de boys
[36] et
pour icelle
fere ledit Grinel,
comme est venu a
congnoissance
[37] audit Bedier, leur bailla des sizeaulx, lymes, rapes
[38] et ung rabot et firent
lesdits Rondel
et appellé Sainct
<21 verso>
[39] Sainct[sic] Jacques
audit Bedier deux petitz crucifix de
[40] boys qu'ilz luy donnerent. Et estoint
lesdits surnommez
[41] ainsi besougnans
esdites choses en une chambre pres
ledit
[42] pavé en
laquelle lors couchoit et se tenoit
ledit Grinel,
[43] et en se faisant les a
ledit Bedier
[?venez?] besougner sur
[44] jour en
ladite chambre, et ainsi besoignans en icelles
[45] choses ou aultrement ont
lesdits prinsonniers trouvé
[46] moyen de recouvrer une faulce cleff de laquelle
[47] ainsi qu'est venu a notice
dudit Bedier, ilz ouvrirent
[48] la porte
et s'en sortirent hors
lesdites prinsons. Au temps
[49] de laquelle yssut
desdites prinsons qui fut l'
huictieme jour d'aougste
[50] dernier, y avoit
et longtemps paravant
et dempuix
[51] contaigion de peste en
notre ville
dudit Rennes et es
[52] envyrons
desdites prinsons
et jucques en
icelle ou
ladite
[53] peste print a une
servante desdites prisons dont elle
[54] mourut et pour
ledit dangier de peste qui estoit en
[55] notredite ville de Rennes noz
juges ordinaires dudit lieu
[56] et autres bons personnaiges dicelle ville s'en allerent et
[57] retirerent aux champs et n'y demoura
que peu de gens.
[58] Et a raison de ce, ont este
lesdits prinsonniers longtemps
[59] esdites prinsons sans
avoir delivrance ne
expedition. Et aussi
[60] a raison de
ladite contagion de peste
estant en
icelle prisons
[61] et es envyrons,
comme dit est, a cessé
ledit Bedier
envyron
[62] troys semaines de coucher
esdites prinsons, combien que
chacun
[63] jour il y allast sur
jour venir
lesdits prisonniers et y avoit
[64] et a tousiours laissé sa
femme et serviteurs. Et le
jour
[65] precedant
ladite issue
et sortie
desdits prisonniers qu'estoit
[66] le dymanche septiesme
jour dudit moys d'aougst
derroin,
[67] ledit Bedier ne coucha en icelles prinsons, ains s'en alla
[68] aux champs a une sienne maison pour envyron icelle
[69] achapter et
fere amener des pailles
pour servir esdites prinsons
[70] et avoit les cleffs dicelle et des chambres, y
estant
[71] ledit Pierre Grinel lors
serviteur dudit geolier qui estoit et
[72] est l'un de noz sergens generaulx
et d'armes et
audit lieu
[73] ou estoit allé
ledit Bedier, demoura
pour celle nuict et
[74] jucques au lendemain apres midi auquel
jour de
[75] lendemain
envyron les unze heures dudit
jour et comme les
[76] gens
et serviteurs dudit Bedier et aucuns aultres detenuz la
[77] estans en une chambre haulte
desdites prinsons
pour disner et
[78] prandre
leur reffection ainsi que de
paravant avoint acoustumé
[79] lesdits nommez et appellez Sainct Jacques
et Jacques Evrart
[80] lors estans en
ladite chambre ou avoit acoustumer coucher
<22 recto>
[81] et se tenir,
ledit Grinel, portier, ayant
ledit Grinel la charge
[82] desdites cleffs
dicelle prinsons en
absence dudit Bedier et lequel
[83] Grinel avoit promis en respondre si aucuns eschappoint
[84] desdites prinsons, enfermerent
lesdits gens
et serviteurs dudit Bedier
[85] en
ladite chambre ou estoint a disné
et fermerent l'huys du bas
[86] et vir
* de
ladite chambre qui est a venir
et entrer de
ladite chambre
[87] en la court et a la porte
desdites prinsons, et puix se deferrerent
[88] et oupvrirent l'huys de la basse chambre ou estoint lesdits
[89] Rondel, dom Francois Trouvaille et dom Jehan Benesvart qui
[90] estoint ferrez. Puis apres ce ouvrirent la porte
[91] desdites prinsons o faulces cleffs ou
autrement,
que ne sceit
[92] ledit Bedier,
et sortirent hors
icelle prinsons
et s'en allerent
[93] en franchise ou couvent de
Saint Francois de
notredite ville
[94] de Rennes. Nous remonstrans oultre
lesdits supplians
[95] que, sitost que
ledit Bedier sceut l'yssue
desdits prinsonniers,
[96] il fist
dilligence a luy possible diceulx recouvrer et
[97] fist mectre
oudit couvent gens a les garder tant de
[98] nuyct
que de jour par l'espace de plus de deux moys,
[99] a gros fraiz, coustz et mises ; en quoy faisant luy a cousté
[100] la pluspart de son bien et au moyen
pourchatz de il
[101] et aultres,
par luy a recouvert troys
desdits prinsonniers qui
[102] estoint les troys plus chargez des cinq, savoir : ledit
[103] appellé Sainct Jacques et l'autre appellé dom Francois
[104] Trouvaille et l'autre dom Jehan Bonesvart accusez de
fere
[105] et forgez faulce
monnaie. Quelz
nommez Sainct Jacques
et Trouvaille
[106] sont encores a
present prinsonniers en
nosdites prinsons de Rennes et
[107] ledit Bonesvart qui a esté trouvé en ceste
notre ville de
[108] Nantes par le
frere dudit Bedier, et a esté constitué
[109] prinsonnier en
notre Bouffay
dudit Nantes et depuix
[110] noz officiers
dudit lieu ont ordonné estre mené
[111] prisonnier en
nosdites prinsons de Rennes et faict
ledit
[112] Bedier de
jour en autre
dilligence a luy possible de
[113] recouvrer les autres, savoir :
ledit Jacques Rondel
[114] quel avoit esté trouvé clerc et rendu
comme tel
[115] a la court d'
eglise et estoit
seullement detenu
pour ses
[116] despens
esdites prinsons, et
ledit Jacques Evrart qui,
[117] comme dit est, estoit accusé d'avoir en
compaignie
[118] d'une
femme par force quelle estoit reputee paillarde,
[119] comme l'on dit
notoirement, ce qu'il n'a peu encores
[120] fere, mais de
jour en
avoir en faict
fere pourchatz
et dilligence
<22 verso>
[121] et ses despans et qui plus est tendant
ledit
[122] Gabriel Bedier recouvrer
lesdits prinsonniers, a envoyé
[123] requeste en nos
chancelleries et conseil
et court de
parlement
[124] de
cedit pais
et duché
pour devoir obtenir congié et
[125] licence de povoir prandre
lesdits prinsonniers lors estans
[126] en
ladite franchise, ce que n'a peu obtenir, ains a esté
[127] renvoyé pour en ordonner devant
notre senneschal
dudit
[128] Rennes qui a raison de
ladite contagion luy a dempuis
[129] ordonné et depuix icelle remonstrance
lesdits troys
[130] prinsonniers, ainsi qu'on dit, sont yssuz et sortiz hors
[131] ladite franchise et s'abcenterent ne sceit
[?t-on quelle?]
[132] part fors
ledit Bonesvart qui,
comme dict est, a esté
[133] trouvé en ceste
notredite ville de Nantes
[134] et que
ladite sortie
et yssue
desdits prinsonniers n'a
[135] esté par dol ne malice
dudit Bedier et si aucun
[136] dol ou malice y avoit, se seroit par
ledit Grinel
[137] lequel
parreillement est pour
ledit cas a
present detenu
[138] prinsonnier en
nosdistes prinsons de Rennes. Et a celle
[139] cause, nous ont supplié
et requis
lesdits supplians
[140] a tout ce que dessurs avoir esgard et actendre les
[141] dilligences par
ledit Bedier faictes a recouvrer
lesdits
[142] prinsonniers, aussi a la grant contagion et non
[143] [??] qui lors de
leurdite yssue estoit en
[144] notredite ville de Rennes, et que
ledit Bedier
auparavant
[145] ledit cas avenu, n'avoit jamais esté actaint ne
[146] convaincu d'aucun cas, ne crime et luy remeitre,
[147] quicter et pardonner
ledit cas et coulpe en quoy il
[148] peult estre cheu et encouru a l'occasion de ce que dessus,
[149] tres humblement le nous requerans.
Et pourquoy
nous,
etc,
[150] la verificacion a la court de Rennes.
Lefourbeur