15 février 1530 [15/02/31]
<27 recto>
Remission pour Yvon Texier de meurtre
commis en la
personne de
Charles Barbier,
la verification adressee au
senechal
de Rennes.
[1] Francois,
etc, a tous
presens et a venir, savoir faisons, nous
[2] avoir receu l'humble
supplicacion et requeste des parens et
[3] amys consanguins de
notredit subgect Yvon Texier, de la parroisse de
[4] Caulne soulz la
juridiction de
Becherel,
Contenant que, ou moys de
decembre
[5] en l'an mil cinq cens vingt huict,
comme a ung
jour de dimanche,
[6] ledit Yvon Texier s'en fust allé
audit bourg de Caune y ouir la
[7] messe et divyn service, apres
ladite messe dicte il trouva
[8] oudit bourg Raoullet Tournevache, Marc et Jehan Tournevache
[9] et autres
lesquelx s'en allerent ensembles boyre et prandre
[10] leur reffection en la maison de Jacques Berard estant
oudit bourg
[11] et ou il tenoit vin en vente, et se misdrent en une chambre
[12] haulte dicelle et firent les
dessurdits marché d'une pasture
[13] entre
lesdits Yvon Texier et Marc
et Jehan les Tournevaches.
[14] Et apres
avoir beu et prins
leurdite reffection
et faict
leurdit
[15] marché, ilz descendirent de
ladite chambre
et sortirent lors
[16] icelle maison et eulx estans soulz le porche dicelle
[17] maison, trouverent feu Charles Barbier lequel dist
[18] audit Yvon Texier quel s'en alloit, qu'il l'eust actendu.
[19] Et sur ce, se
departirent ensembles
lesdits Yvon, Marc
[20] et Jehan les Tournevaches
et autres et s'en allerent jucques
[21] a la croix
dudit Caune actendant
Guillaume Lehou qui estoit
[22] demouré
oudit bourg et apres
avoir esté quelque peu de temps
[23] a
ladite croix prindrent
leur chemyn allant vers ung
[24] lieu appellé Lourme Barbot, et
auparavant y estre arrivez
[25] ledit Charles Barbier actaignit en une piecze de terre,
nommee
[26] Sur le Hirel, lequel Charles sans aucunes parrolles de
[27] differend, print
ledit Yvon Texier au corps et l'abatit de dessoulz
[28] luy a terre, et ce voyant
ledit Texier estre
[??], craignant
[29] que
ledit Charles qui se monstroit couroucé
et tout esfrené, luy eust
[30] faict quelque outtraige, trouva moyen de le ostez de dessurs
[31] luy
et fist tant qui le mist
[??] et apres avoir
[32] ce faict et estre eschappé d'entre les mains
dudit Charles
[33] print derecheff
ledit Texier
sondit chemyn tirant vers
ledit
[34] lieu de Lourme Barbot fuyant
dudit Charles et apres
<27 verso>
[35] ledit Charles estre relevé, gecta a terre ung manteau
[36] qu'il avoit vestu
et se print a courir apres
ledit Texier
[37] luy disant
parr telles ou semblables
parrolles :
« Par la
[38] chair dieu, filz de putain, je te auray. » Lequel Texier,
[39] tousiours s'enfuyant au travers de
ladite piecze de terre,
[40] allant vers le villaige de Hirel, print en sa voye une mote
[41] de terre de laquelle il actaignit
ledit Charles envyron
[42] la teste
tellement que ses bonnet
et chappeau tumberent a terre.
[43] Sur lequel debat, arriverent
lesdits Lehou, Marc
et Jehan les
[44] Tournevaches quels blasmerent
lesdits Charles
et Texier
d'avoir
[45] ainsi differend ensemble et sur ce furent departiz, et
[46] ce faict, print derecheff
ledit Texier son chemyn pour s'en
[47] aller a sa maison
et luy estant en l'endroit d'une piece de
[48] terre
apartenant a
Guillaume Pierronne
joignant au grant
[49] chemyn conduissant
oudit Caune a Broon, craignant que
ledit
[50] Charles l'eust encore suyvy et oultraigé, print et aracha
[51] de la closture de
ladite piecze de terre ung pal de bois
[52] comme de troys a quatre piedz de long, et il estant ou
[53] grant chemyn s'en allant a
sadite maison, se apuya
contre
[54] ung hail estant pres
ledit chemyn et bientost apres arriverent
[55] lesdits Charles
et Lehou disant iceluy Charles
audit
[56] Texier
parr telles parolles ou semblables :
« Que je parle
[57] a toy en seurte* et sans nul mal ». Et
ledit Texier ayant
ledit
[58] pal de boys, cru que
ledit Charles ne l'eust voullu
[59] tromper de ses belles parrolles et l'eust voullu oultraiger,
[60] luy dist en recullant :
« N'aproche point de moy. » Et
neanmoins
[61] pour ce que
ledit Charles aprochoit
ledit Texier, luy donna
[62] ung coup dudit pal au travers des braz et comme
ledit
[63] Charles aprochoit encores derecheff dudit Texier, celuy
[64] Texier luy donna encores deux coups
oudit pal sur les
[65] corps et membres
dudit Charles, a raison desquels coups
[66] cheut
ledit Charles a terre. A occasion de quoy, ainsi que l'on
[67] dit,
ledit Charles, apres avoir esté confessé, sept ou
[68] oinct
jours apres, par faulte de pansement ou autrement,
[69] alla de vie a deceix. Si nous remonstrent, oultre
[70] que
ledit Texier est jeune homme, de l'aisge de vingt
[71] huit a trante ans, non marié, bien
bien[sic] vivant, sans
[72] jamais avoir esté reproché, accusé, ne actainct d'aucun
[73] autre mauvaix cas digne de
reproche, lequel depuix
[74] ledit conflict craignant rigueur de justice a esté
<28 recto>
[75] tousiours fuytif, et
ledit Charles Barbier decedé,
[76] estoit homme rumoreux
et coustumier de frapper du
[77] cousteau. Nous
supplians qu'il nous plaise a ce avoir
[78] esgard
et dudit cas conceder
et octroyer
audit Yvon Texier
[79] noz
lettres de grace, remission
et pardon, tres humblement
[80] requerant icelles. Pourquoy nous,
etc.
De Kerguern