20/04/1531
<61 recto>
Remission pour Loys Rengeard de
meurtre
commis par ledit Rengeard en la
personne d'un
Normans, la
verification au
seneschal
de
Nantes dont la teneur ensuilt.
[1] Francois,
etc, savoir faisons a tous
presens et advenir, nous
[2] avoir receu l'humble supplication et requeste des parens et
[3] amys consanguins de
notre pouvre subgect Loys Rengears, jeune
[4] homme, marinié, demourant a Bourgneuf en Rays,
Contenant comme
[5] le premier dymanche de la Passion dernier passé, arriverent
[6] au port
et havre
dudit Bourgneuf, une flote de navires normans
[7] jucques au numbre de quarante ou cinquante pour
[8] achapter
et charger du seel, et apres
ladite arrivee descendirent
[9] et vindrent en la ville
dudit Bourgneuff grant numbre des gens
<61 verso>
[10] et mariniers
desdits navires qui beurent et mengerent
parr
[11] les tavernes
et hosteleries
dudit lieu
et s'enyvrerent partie d'eulx
[12] entre lesquelz et aucuns des habitans
dudit Bourgneuf sourdit
[13] noise
et debat tellement
que deux ou troys
desdits demourans a
[14] Bourgneuf furent bleczez de coups d'espees ou pougnars par
lesdits
[15] Normans, et le lendemain qu'estoit le lundy XXVIIe de mars
[16] dernier, se trouverent en
ladite ville de Bourgneuf en la
maison ou
[17] demeurerent Pierres Pillays
et sa
femme tenant taverne
et hostelerie,
[18] deux de
sesdits Normans, et sur quelques
parrolles que lesdits Normans
[19] ou l'un deulx dirent a
ladite femme Pillays
contre son honneur
[20] ainsi
que ouyt par apres dire
ledit Rengeard, s'esmeut noyse
[21] et grant bruit entre elle
et lesdits Normans tellement
que ledit
[22] Rengeard
et ung
nommé Pierres Royer
et autres dudit Bourgneuff
[23] illecq estans en une chambre haulte de
ladite maison
[24] a boire
et fere quelzques marchez, ouyrent
ledit bruyct et
[25] en l'instant esperant
fere cesser
ledit bruyt
et debat, descendirent
[26] lesdits Rengeard
et Royer ayant
ledit Rengeard en sa main ung
[27] manche de ferree qu'il print d'un
nommé Julien Gary qu'estoit avec
[28] eulx a boyre en
ladite chambre haulte, et eulx descenduz, ouyt
[29] que
ladite femme Pillays avoit noyse
et querelle a l'un
desdits
[30] Normans luy disant
que se fust adreczé ailleurs
et que ce
[31] n'estoit a elle qu'il devoit dire
telle parrolle et aultres
parolles
[32] demonstrant que ledit Normant luy avoit dit quelque chose
[33] deshonneste. Surquoy
ledit Rengeard dist
ausdits Normans telles
[34] ou
semblables parrolles :
« Messires, retirez-vous ! vous feistes hier
[35] ung grant bruyt en ceste ville et y bleczastes des gens du pais
[36] qui n'estoit honnestement faict. » Et
pour ce que
lesdits Normans qui
[37] estoint emboitez de vin, ainsi
que sembloit, ne cessoint
leursdites
[38] parrolles et debat,
ledit Rengeart qui avoit
parreillement beu et
[39] estoit eschauffé de vin, apperceut une mante sur ung
[40] coffre illec estant,
quelle apartenoit a l'un
desdits Normans et
[41] la print
et porta en
ladite chambre haulte ou il avoit lessé
[42] ceulx de sa
compaignie a boyre
comme dit est. Et apres ce,
[43] oyant
que ledit bruyt et noise
desdits Normans,
femme Pillays
[44] et ung
nommé Moron
continuoit, descendit derechef
ledit Rengeard
[45] a bas ou estoit
ladite noise et dist
ausdits Normans
[46] qu'ilz estoint trop debatiffz
et querelleurs
et qu'ilz seroint
[47] cause de
fere quelque gros debat ou meurtre entre
[48] ceulx du pays
et lesdits estrangiers
et qu'ilz se retirassent ou
<62 recto>
[49] cessassent
leursdites parrolles et noises. Et
pour ce que
[50] lesdits Normans ne cessoint
leursdites querelles
et debat
[51] et estoint garniz de bastons, celuy Rengeard esperant
[52] fere cesser
ledit debat, s'adrecza a l'un
desdits Normans faisant
[53] ledit bruyt et luy osta son espee et la tira de son foureau
[54] et l'emporta nue a
ladite chambre haulte ou il et
autres
[55] surdits estoint a boire
et fere leursdits marchez
et se remist
[56] tout droit a la table en sa
premiere place avec
lesdits autres
[57] tenant
ladite espee en sa main et bientost apres l'un
desdits
[58] Normans par force
et oultre le gré
et volunté de l'hostesse et
[59] ses gens qui disoint
comme l'on dit
audit Normant qu'il
[60] ne fust monté en
ladite chambre
et qu'il seroit
cause de
[61] quelque debat, luy disant qu'elle luy respondoit
[62] de
sesdites mante
et espee, monta en
ladite chambre haulte
[63] ou estoint
lesdits Rengeard
et autres a boyre et ainsi
[64] que ledit Normant voulloit entrer en
ladite chambre
ledit
[65] nommé Mathurin Moron,
cordonannier qui demouroit
[66] audit Bourgneuf, marcha au-devant
dudit Normant
[67] pour l'empescher d'entrer en icelle chambre et le frappa
[68] entour les
espaulles quelzques coups de plat d'une espee
[69] qu'il avoit avecq luy
et hosta
audit Normant son
[70] foureau de son espee qu'il tenoit en la main et en
[71] cest endroit, entra
ledit Normant en
ladite chambre
[72] demandant son baston
et qu'il voulloit
parrler en conseil
[73] sans voulloir
aucunement se retirer ne cesser d'entrer plus
[74] avant en icelle chambre, disant :
« Rendez-moy mon
[75] baston ! » Quoy voyant,
ledit Loys Rengerd craignant et
[76] doubtant
que ledit Normant qui s'adreczoit droit a luy,
[77] luy eust donné quelque coup de cousteau en traison
[78] ou a quelque autre de la compaignie, alla au-devant
[79] dudit Normant luy disant :
« Reculles toy ou je te frapperoy
[80] ou tueroy ! » Ne sceict lequel en ruant contre lui
quelzques
[81] coups de
ladite espee sans qu'il luy touchast lors et
pourtant
[82] que celuy Normant ne cessoit de marcher
et entrer sur
ledit
[83] Rengeard et aultres illecques estans ne saichant
[84] son intencion doubtant
comme dict est qu'il ne
[85] l'eust oultraigé, esperant le mectre en crainte luy
<62 verso>
[86] luy rua ung coup d'estoc de
ladite espee n'ayant
[87] touteffoiz intencion de l'en frapper lequel coup par
[88] fortune et mal aventure arriva
audit Normant
[89] au hault et au-dedans de la cuysse pres de l'enne et
[90] incontinent retira
ledit Rengeard
ladite espee et la mist
[91] ou foureau qu'il trouva illec et la laissa en
ladite
[92] maison, et sur ce
ledit Normant s'escrya et dist :
[93] « Helas, je suis mort ! Ribaud, tu m'as tué ! »
[94] descendit de
ladite chambre haulte
et se mist en
[95] une chaire illecq
estant ou bientost apres,
[96] comme l'on dit, il mourut
et decebda et
[97] a celle
cause se rendit
ledit Rengeard fugitif
[98] et a delaissé
sadite femme qui est
femme de bien, de
[99] bon rest
et gouvernement laquelle il marissoit
[100] et entretenoit
et vivoint honnestement ensemble
[101] sans
jamais auparavant ledit cas avenu celuy Loys
[102] avoir commis ne
perpetré ne
avoir esté accusé ne
[103] reproché d'aucun mauvaix ne villain cas
[104] blasme ne
reproche. Nous
supplians lesdits parens
[105] et amys qu'il nous plaise a ce avoir esgard
[106] et dudit cas impartir a iceluy Louys Rengeard,
[107] remission
et pardon, tres
humblement, les nous
[108] requerant. Pourquoy,
etc, la
verificacion
[109] a Nantes.
Lefourbeur