03/05/1531
<69 recto>
Remission pour Pierre
Perennes, la
verificacion au sennechal d'Auray dont la teneur ensuilt.
[1] Francois,
etc, a touz
presens et advenir, salut. Savoir faisons,
[2] nous avoir receu l'humble supplication et requeste
[3] des parens et amys consanguins de Pierre Perrenes du
[4] diocese de Vennes soulz
notre juridiction d'Auray,
Contenant
[5] que ledit Perrenes, quel est jeune
gentilhomme, de l'aige
[6] d'envyron trante ans, a ung
jour de foeaire qui fut
[7] au bourg de
Ploezvigner ou moys de decembre deroin,
[8] se fust trouvé a icelle foyre pour aucuns ses
afferes
[9] et eust celuy
jour souppé en la maison de
Gile
[10] Gesfroy, situee
oudit bourg, en la
compaignie de Jehan
[11] Cangnart,
Sr de
[?Clamchap?], Olivier Lebeire, greffier et
[12] chastelain de Camor, et aultres. Et apres avoir
[13] souppé, il fust yssu hors
ladite maison et prins chemyn
[14] par la rue de Myrail,
oudit bourg, qui estoit son
[15] droit chemyn,
pour aller a la maison de Jehan
[16] Perreines, son oncle, demourant
oudit bourg, en
[17] lesquelle estoit son cheval et esperant celle
[18] nuyct y coucher, et il estant
oudit chemyn et
[19] paravant avoir arrivé a la maison de
sondit oncle,
<69 verso>
[20] envyron dix ou unze heures de nuyct, il ouyt
[21] grant bruit en une maison
estant de
l'autre costé de
[22] la maison de
sondit oncle en laquelle demoure Jehan
[23] Leboulleux le jeune qui y tenoit taverne, demanda
[24] ledit Perrennes,
par deux ou troys foiz
que l'huys de
[25] ladite maison luy eust esté ouvert
pour y entrer,
[26] ce que luy fut refuzé au
commancement, touttefoiz,
[27] apres
ledit resfus, luy fut
ledit huys de
ladite maison
[28] ouvert et il et ung
nommé Olivier-Morice
[29] Peletier qu'il rencontra et trouva en son chemyn
[30] entre
ladite maison ou il avoit souppee et la maison
[31] dudit Leboulleux, entrerent en icelle en laquelle
[32] y avoit pluseurs gens et entre aultres
Guillaume
[33] Lancelot, Jehan Lebourdiec, Jehan Lefalher,
[34] sonneur de rebec et sa
femme, ung
homme que l'on
[35] appelloit
Kerguygnas et ung
autre que l'on disoit
[36] avoir
nomé Le Bouchet, et aultres et
ledit Perrennes
[37] entré en icelle maison et a ce qu'il demanda
[38] a boire, luy fut tiré pinte de vin et illeq
[39] beurent et
aperceut ledit Falher, sonneur, auquel
[40] ledit Perrennes dist qu'il eust sonné, a quoy
[41] differa
ledit Falher et lors
ledit Perrennes
[42] derechef dist
audit sonneur qu'il eust sonné ou
[43] qu'il luy eust levé ung
[?covesperance?] de sa teste
[44] et surtant se print
ledit Falher a sonner
dudit
[45] rebec et
ledit Perennes print une femme qui
[46] illecq estoit par la main
pour dancer et
[47] il et aultres qui illecq estoint,
commancerent
[48] a dancer et
faire bonne chere, et apres avoir ainsi
[49] dancé sans ce que
ledit Perrennes eust pencé en aucun
[50] mal qui danzoys en toute joyeuseté et
fere bonne
[51] chere, se print a baiser ladite
ladite[sic] femme qui
[52] avoit dancé a sa main,de quoy
ledit Kerguygnas
[53] fut couroczé et monstra signe d'estre desplaisant
[54] et entre
ledit Perennes et
Kerguygnas y eut
[55] parrolles de noise sur lesquelles
ledit Perennes
[56] evagina son espee laquelle il avoit et
ledit
<70 recto>
[57] Kerguynas qui par ses gestes
et contenance demonstroit,
[58] estoit fort desplaisant que
ledit Perennes avoit
[59] baisé
ladite femme, print une astelle de boys
[60] en ses mains
et ledit homme qu'on appelloit Bouchet
[61] en print une autre et voyant
ledit Perrennes la
[62] contenance desdits nommez et qu'ilz estoint pluseurs
[63] gens par tables illecq ensemble qui l'eussent peu
[64] oultraiger,
ledit Perennes qui est
gentilhomme et
estant
[65] seul de sa
parrt pencsant constituer en crainte celuy
[66] Kerguynas estands gens de son estat qui illecques
[67] ensemblement estoint, du plat de
sadite espee frappa
[68] ung coup sur l'espaulle
dudit Kerguynas sans
[69] l'avoir
[?vulneue?] ne bleczé et
ledit Kerguynas
[70] de
ladite astelle qu'il avoit, frappa
ledit Perennes
[71] tellement qu'il cheut a terre,
sadite espee nue en
[72] la main, et sur ce chargerent
lesdits Kerguynas,
[73] Bouchet et autres gens qui illecq estoint sur
[74] ledit Perennes et sur
ledit debat, se trouva Jehan
[75] Leboulleix l'esné,
pere dudit Leboulleix le jeune
[76] entre lesquelz y eut conflict et
[?mester?], or quel
[77] conflict
ledit Boulleix qu'estoit de l'aisge d'envyron
[78] soixante dix ans ou plus se trouva bleczé
[79] par cas fortuit ou ventre,
tellement que sur le
[80] lieu
et sans
confession il mourut et en iceluy
[81] conflict
et debat fut
ledit Perennes de
[82] coups d'astelle en la teste ou flanc et aultres
[83] endroitz de son corps fort bleczé et en a esté en
[84] danger de mort. Ce
neantzmoins notre procureur dudit
[85] Auray disant
avoir faict
fere enqueste d'office
[86] dudit cas, pourchassa
ledit Perrennes qui n'est
[87] uncores guery
desdites playes, le
fere prandre
[88] et emprisonner et l'acuser et actaindre et
[89] avoir bleczé et murdy
ledit Boulleix l'esné et le
[90] veult
rigoreusement trecter prandre et inventorisez
[91] ses biens
et fere les levees de ses heritaiges, Si
nous remestons et
outre lesdits supliants que ledit Perenes est jeune
gentilhomme de bonne et noble extraction
actaignant a pluseurs nobles bons et notables personnaige
[92] qu'il ne fut jamais acusé ne reprins d'aucun
[93] mauvaix ne villain cas et n'avoit
auparavant
[94] ledit cas advenu hayne ne inymytié contre ledit
<70 verso>
[95] Leboulleix. Nous supplians qu'il nous plust
[96] a ce avoir esgard et impartir
audit Perennes
[97] noz
lettres de grace, remission et
pardon, tres
humblement
[98] les nous requerans, pourquoy,
etc.
Rocaz