10/05/1531
<70 verso>
Remission pour
Guillaume Joullan, Symon Joullan
et
Guillaume Jucault,
lesdits les Joullans de la
parroisse
de Basoges la Perrouse,
et ledit Jucault de la
parroisse
d'Antran, la
verificacion a la court de Foulgeres
dont la teneur ensuit.
[1] Francois,
etc, a tous
presens et a venir, savoir faisons,
[2] nous avoir receu l'humble supplication
et requeste
[3] des parens consanguins et amys de noz pouvres
[4] subgectz
Guillaume Joullan, Symon Joullan et
Guillaume
[5] Jucault,
lesdits les Joullans de la
parroisse de
[6] Basoges la Perrouze
et ledit Jucault de la parroisse
[7] d'Autran en
et soulz
notre barronage et seigneurie de
<71 recto>
[8] Foulgeres,
Contenant que
comme ainsi
[?soit?] que
[9] puis la feste de Nouel derroine passee,
lesdits les
[10] Joullans qu'eulx sont drapiers, fussent aller en la
[11] ville
dudit Autran, ung
jour de mardy, le marché
[12] y tenant pour vendre et
fere excercice de
leur faict
[13] et marchandie de draps et apres avoir esté
[14] quelque temps en
ladite ville faisans exposition et
[15] vente de
leursdites marchandies de draps
oudit marché,
[16] ilz s'en allerent repaistre
et prandre leur
reffection
[17] en une hostellerie et maison d'un
nommé Jehan
[18] de Carcaing ensemble avecques pluseurs aultres
[19] personnes y
estant, et la, se trouva avecques
[20] ledit Symon Joullan, Jehan Jucault le jeune, lequel
[21] est mary d'une seur
desdits Joullans, et
comme ledit
[22] Jehan Jucault
et Symon Joullan estant
ensemblement
[23] en une chambre de
ladite maison en laquelle n'estoit
[24] pour lors
ledit Guillaume Joullan, ains estoit en une
[25] autre chambre dicelle maison avec et en la
[26] compaignie de pluseurs aultres gens, sourvint et
[27] arriva avecq
ledit Jehan Jucault
et Symon Joullan
[28] ung
nommé Brieud Talle
et Georges Talle, nepveu
dudit
[29] Brieud, filz naturel d'une sienne seur, et dom
[30] Georges de Nugle,
prebtre, et eulx arrivez,
[31] ledit dom Georges de Nugle citta
ledit Jehan Jucault
[32] a instance
dudit Brieud Talle quant affin de exibez
[33] certaines lettres executoires en vertu desquelles
[34] ledit Jehan Jucault tenoit
ledit Brieud Talle en
[35] execution et sur l'execution de
ladite cittacion
[36] y eut pluseurs
parrolles contencieuses et injures
[37] reciproquement des ungs es aultres et aussi
[38] y eut parrolles de rumeur entre
ledit Symon Joullan
[39] et ung
nommé Guillaume Lefebvre quel bevoit a ung
[40] autre escot en ladite chambre pour ce que
ledit Symon
[41] Joullan disoit
et estimoit
pour verité
que ledit Lefebvre
[42] luy avoit desrobé une livre de chandelle qu'il
[43] luy avoit baillé en garde celuy Symon. Durant
[44] lesquelles
parrolles ledit Jehan Jucault sortit
<71 verso>
[45] de
ladite chambre et alla
querir ledit Guillaume Joullan qui estoit en une
[46] autre chambre et compaignye, comme dit est, et
come celuy
Guillaume
[47] s'en venoyt de l'une chambre en l'autre passant par une gallerye
[48] y
estans, il rencontra
ledit Guillaume Lefebvre et pour ce
que ledit
[49] Jehan Jucault luy avoit dit
que ledit Guillaume Lefebvre avoit
[50] desrobé
audit Symon Joullan
ladite livre de chandelle
ledit Guillaume
[51] Joullan en passant luy donna ung soufflet et sur ce
ledit le
[52] Febvre soy retyra et s'en alla et
lesdits Guillaume Joullan et
[53] Jehan Jucault entrerent en
ladite chambre ou ilz trouverent
[54] lesdits Symon Joullan, Brieud Taille,
Georges Taille et
ledit
[55] dom
Georges de Nugle, queulx avoint encore
par entreulx
[56] parolles et differend sur
lesquelles parolles scurvyndrent
[57] Jehan Carcain et sa femme queulx les departirent et
[58] de la s'en allerent les
dessursdits hors
ladite maison
chacun
[59] a son affaire et le faict de sa marchandye et y
[60] feurent envyron l'heure de soullail couchant ou
[61] peu apres que
lesdits Guillaume et Symon Joullan
partirent
[62] et prindrent chemyn a s'en aller a leurs maisons
[63] passant
par devant la maison de
Jehan Jucault, le frere,
[64] pere dudit Jucault le jeune, situee pres l'un des
[65] carefours de
ladite ville d'Autran, rencontrerent
[66] ledit Guillaume Lefebvre quel dist
audit Guillaume Joullan
[67] par telles parolles ou semblables :
« Tu n'as pas bien
[68] faict de me baptre ! » A
cause desquelles
parolles
[69] ledit Guillaume Joullan eut crainte
dudit Guillaume Lefebvre
[70] et pour ce
mesmes que
ledit Guillaume Joullan avoit
[71] en l'instant veu passer et marcher oultre
lesdits
[72] Brieud et
Georges Talle
avec lesqueulx celuy
Guillaume
[73] Joullan avoit eu
lesdites parolles lesqueulx tenant
[74] le grand chemyn vers les pons de Coaisnon qui estoit
[75] le droit chemyn
desdits Joullans a s'en aller a
[76] leursdites maisons, iceluy
Guillaume Joullan appella en l'
endroit
[77] Guillaume Jucault,
frere dudit Jehan Jucault le jeune, son
[78] beau-frere,
et le pria de le conduyre jucques
ausdits Pontz
[79] de Couesnon distant
dudit Autran d'envyron deux ou
[80] troys troictz d'arbalaistre, a quoy s'accorda celuy
[81] Guillaume Jucault et alla le conduire luy et
ledit
[82] Symon Joullan, et
comme ilz eurent passé l'
eglise dudit
<72 recto>
[83] Entrain descendans vers
lesdits pontz a l'endroyt
[84] d'une croix y estante, ilz actaignirent
lesdits Brieud
[85] Talle
et Georges Talle
et pluseurs autres
personnes
[86] en mesmes
compaignie et entre aultres
ledit Lefebvre
[87] quel s'estoit
parrty dudit lieu d'Antrain avant
lesdits Guillaume
[88] et Symon Joullan
et Guillaume Jucault, lequel
[89] Lefebvre des qu'il les vid, dist derechef
audit Guillaume
[90] Joullan qu'il n'avoit pas bien faict de l'avoir baptu
[91] et qu'il ne luy avoit pas desrobé sa chandelle
[92] disant qu'il se despoulleroit si
ledit Joullan voulloit,
[93] ledit Guillaume Joullan luy disant que si avoit,
[94] et en l'endroit
ledit Lefebvre despouiller partie
[95] de ses acoustremans en chemynant ensemble vers
[96] lesdits pontz ayantz tousjours entreulx differend et
[97] parolles, jurant souventesfoix
ledit Guillaume Joullan
que
[98] ledit Lefebvre luy avoit desrobé
sadite chandelle
[99] et
lesdits les Talles
et ledit Guillaume Joullan de leur
[100] part avoint par entreulx
parrolles touchant
[101] ladite cittacion dont ilz avoint eu differend en
ladite
[102] ville et
comme les
dessursdits continuoint et
perseveroint
[103] en
leursdites parrolles
et differend,
ledit Guillaume
[104] Jucault leur dist par pluseurs foiz par telles
[105] parrolles :
« Taisez-vous, mes gars ! N'ayez point
[106] de debat. » Tendant les mectre en accord et
[107] union et apres qu'ilz eurent passé
lesdits pontz
[108] lesdits Brieud Talle et
Guillaume Joullan se prindrent
[109] et saesirent au corps s'esforczans s'entrebaptre
[110] et oultraiger ilz estans assez pres le bort de
ladite
[111] riviere de Couaisnon ou les eaux estans lors
[112] grandes et pendant qu'ilz s'entretenoint ainsi son
[113] approcha d'eulx Georges Talle qui avoit une espee
[114] au cousté duquel
ledit Guillaume Joullan s'en
[115] craignoit fort
et comme ledit Georges voulloit donner
[116] secours
audit Brieud Talle,
ledit Guillaume Jucault ce
[117] voyant s'approcha
dudit Georges Talle
et le print au
[118] corps
et le tira a soy esperant luy oster sadite
<72 verso>
[119] espee et luy tenoit les braz par
derriere
[120] pour l'empescher de faire aucun oultraige
[121] de
sadite espee, et durant celuy conflit fut par
[122] ledit Guillaume Joullan,
comme l'on dit, prins une
[123] pierre de laquelle actaignit
ledit Georges Talle
[124] tel coup qu'il cheut mort a terre. Quoy
[125] voyans
lesdits Joullans et Joucrault iceluy
[126] Georges ainsi mort, esperans qu'il n'en
[127] seroit jamais mention, roullerent
et gecterent
[128] le corps en
ladite ripviere estant
ledit Symon
[129] descendu de dessur son cheval. Nous
remonstrans
[130] lesdits supplians
ledit cas cy-dessurs estre advenu
[131] par cas fortuit et inoppiné
ausdits Joullans et
[132] Joucault parce que le lieu
et endroit ou
[133] trouverent
lesdits les Talles estoit le droit et
[134] propre chemyn
desdits Joullans a s'en aller et
[135] retirer a leurs maisons eulx
et leurs marchandies,
[136] et que paravant
ledit conflict
et differend
lesdits les
[137] Joullans
et Joucault n'avoint jamais eu
querelle
[138] avecq
ledit Georges Talle mesmes. Nous
[139] remonstrent
que par
notre court de Bazoges
[140] lesdits les Joullans ont esté
ajournez et convenuz
[141] touchant
ledit cas et
ledit Joucault par
notre
[142] court d'Entrain a
instance des
procureurs dicelles,
[143] ausqueulx
ajournemens ilz n'ont osé
[144] comparoistre craignant rigueur de justice,
[145] ains ont pluseurs foiz deffailly, aussi que
[146] lesdits Joullans et Joucault
auparavant ledit
[147] cas advenu de mallefortune estant bien
[148] famez
et renommez bons marchans, extroictz de
[149] bonne
et honneste
parrente selon
leur estat
[150] sans jamais avoir esté actainctz ne
convaincuz
[151] d'aucun autre mauvaix cas, blasme ne
[152] reproche. Nous
supplians qu'il nous plaise
<73 recto>
[153] de
notre auctorité et grace
especial, impartir et
[154] octroyer
ausdits Joullans
et Joucault
dudit cas, noz
[155] lettres de grace, remission
et pardon, tres humblement
[156] requerantz icelles. Pourquoy nous,
lesdites
[157] choses considerees, voullans
etc.
De Kerguern