13/05/1531
<77 recto>
Mandement adressé aux juges de
Vennes
quant affin de
proceder aux
prochains
plectz
dudit Vennes a
l'entherinance de
certaines lettres de grace impetrees
pour l'entree de la royne a Paris
au moys de mars par Loys
Caillebole et Ollivier Bahon,
desquelles lettres la teneur
ensuilt.
[1] Eleonor, par la grace de dieu, royne de France,
[2] a tous,
presents et advenir, salut. Savoir faisons, comme suivant les
[3] droitz,
privilleges et
arrectez a nous donnez et octroyez
par mon seigneur le roy,
[4] usufructuaire du duché de Bretaigne, pere legitime
adminisgtrateur de
notre
[5] tres cher et amé filz, duc et
Sr proprietaire dudit duché de Bretaigne
et ce
[6] que noz
predecesseresses roynes ont acoustumé
fere tant en ce royaulme
[7] que audit pays de Bretaigne, ayons a
notre nouvelle venue en icelluy royaulme
[8] et premiere entree en la ville et cité de Paris, faict ouvrir les prisons
[9] dudit lieu et faict eslargyr tous et
chacun les
prisonniers y estans
[10] pour leurs
fere grace, remission
et pardon selon
nosdits privilleges.
[11] Entre lesquelz prisonniers y detenuz et delivrez y estoint Loys
[12] Caillebole, marchant,
demourant en la ville de
Vennes, chargé de
[13] femme et cinq petitz enffans, et Ollivier Bahon, aussi marchant,
[14] demourant es fors bourgs de
ladite ville de
Vennes,
pareillement chargé de
[15] femme et cinq petitz enffans, pour le cas cy-apres declairé.
[16] C'est
assavoir que, apres la paix, amitié,
[?confederation?] et bonne
alliance
[17] par le
commandement de monseigneur le roy, cryee et publier en la
[18] ville de
Vennes entre
mondit Sr le roy et
notre tres cher et
<77 verso>
[19] tres amé
frere l'empereur, et
contre les
desfences fectes de
notre [??]
[20] mener ne
conduyre bledz hors le pays et duché de Bretaigne,
[21] ilz auroint c'est
assavoir ledit Caillebole
par deux
diverses foiz et
[22] ledit Bahon
par une foiz, chargé ou port et havre
dudit Vennes
[23] quelque quantité de bledz et iceluy mené et
conduit par mer
[24] en Espaigne
comme ilz avoint acoustumé
fere auparavant les
[25] guerres et divisions d'entre
mondit Sr le roy et
notredit seigneur
[26] et frere l'empereur, pour nourir et entretenir
leursdites
[27] femmes et petitz enffans, de quoy
adverti le
procureur de
[28] mondit seigneur le roy en
ladite ville de
Vennes auroit en l'
encontre
[29] desdits Caillebole et Bahon, faict proceder
par adjornemens
[30] personnelz, prinses de corps, deffaulx,
contumaces que forban,
[31] faict saysir et arrester leurs biens. En nous
humblement
[32] requerans, actendu
que en toutes autres choses ilz se sont
[33] bien et
honnestement conduictz et gouvernez, sans jamais
[34] avoir esté reprins, actains ne
convaincus d'aucun autre
[35] cas, blasme ou
reproche, nous leurs veillons sur ce
[36] impartit notre grace et misericorde, pourquoy nous
[37] ces choses considerees usans de
nosdits droitz a
notre
[38] premiere venue et entree en
ladite ville et cité
[39] de Paris, voullans misericorde estre
preferee a rigueur
[40] de justice, avons quicté, remit et
pardonné et
par ces
presentes
[41] remectons, quictons et
pardonnons ausdits suplians le faict
[42] cas
dessurdit avec toute peine, amande et
[43] offance corporelle criminelle et civille, en quoy pour
[44] occasion desdits cas, ilz pourroint estre encouruz envers
mondit Sr
[45] le roy et justice en les rapellant aussi mectant
[46] au neant touz appeaulx,
ajournemens personnelz,
prinses
[47] de corps, deffaulx,
contumaces,
sentence,
proceix,
procedures et forban
[48] saisies et tout ce
que s'en pouroit estre
ensuyvi et par
[49] ces mesmes, les restituons, reintegrons
et remectons en
[50] leurs bonne fame et
renommee au pays et a leurs biens
[51] non confisquez et sur ce imposons
sillence au
procureur de
mondit Sr
[52] le roy
present et advenir, et a tout autres si donnons en
mandement
[53] par ces mesmes
presentes au
senechal , alloué,
lieutenant,
procureur,
receveur dudit Vennes
[54] et a tous les justiciers, leurs
lieutenant et a
chacun d'eux si
come a luy
apartiendra
[55] de
mondit Sr le roy, usufruictuaire
dudit duché de Bretaigne,
<78 recto>
[56] pere legitime
administrateur de
notre tres cher et tres amé
[57] filz le dauphin, duc
proprietaire dudit duché que de
[58] noz
presens grace,
quictance, remission
et pardon facent et
[59] laissent
lesdits suplians jouyr et user
[??]
[60] et paisiblement sans leurs en
fere ne souffrir
[61] estre faict ores ne pour le temps advenir en corps
[62] ne en biens aucun destourbyer ou
empeschement au
[63] contraire lesquelz si faictz estoint les mectent
[64] ou facent mectre a plaine
delivrance et affin que
[65] ce soit chose ferme et establi a tousiours, nous
[66] avons faict mectre
notre seel a ses
presentes sauff
[67] en autres choses le droict de monseigneur le roy
[68] et l'autruy en toutes. Donné a Paris au moys de
[69] mars, l'an de grace mil vc trante, sur le reply
[70] de laquelle grace est escript par la royne,
Remoyne,
[71] visa et sellé a double queue de cire
[72] rouge.
Darande