Copyright (c) 1999 by Nicole Dufournaud
Cette transcription a été réalisée par Nicole Dufournaud pour son mémoire de maîtrise et est consultable à l'URL suivant : http://nicole.dufournaud.net/remission/. Si vous utilisez ce document pour une publication, prière de référencer le mémoire de maîtrise et si vous l'utilisez en ligne, prière de référencer l'URL du document.
This transcription has been done by Nicole Dufournaud for her Master's Thesis and is available at: http://nicole.dufournaud.net/remission/. If you use this document for a publication, please add the Master's Thesis in the citations; if you use it online, please reference this URL.

---

03/06/1531

<88 verso>
Remission pour Yvon Le Louedec,
detenu es prisons de Lanyon, dirigee
aux senechal dudit Lanyon.
[1] Francois, etc, a tous presens et advenir,
[2] savoir faisons, nous avoir recu l'humble <89 recto>
[3] suplicacion et requeste des parens et amys
[4] consanguyns de notre subgect Yvon Le Louedec,
[5] detenu en noz prisons de Lanyon, Contenant come en l'an
[6] present, feu Jullien Clerc, de la paroisse de Serve soulz
[7] notre juridiction de Lanyon, et un nommé Jehan
[8] Pollart fussent fosseyer* sur ung parc de pieche
[9] de terre situé en ladite paroisse appellé parc [?An
[10] fin?] des apartenant du convenant que tenoit Francois
[11] Le Bricquir et ses consors, arriva avec eulx envyron
[12] l'heure de vespres diceluy jour Jehanne Lecornec,
[13] femme espouse dudit Louedec quelle print parolles
[14] de rigueur ausdits fosseyeurs, les reprochant d'avoir prins
[15] des pierres qui luy apartenoint et mys oudit fossé et
[16] s'esforcza ladite femme de ses mains a batir ledit fossé
[17] dont fut empeschee par lesdits Jullien de Pollart
[18] et en l'endroit rebouta* ledit Jullien ladite femme au
[19] prochain parc illec et d'une pale luy donna ung coup
[20] sur les espaules sur quoy celle femme crya a la
[21] force et ce voyant ledit Louedec qui estoit labourant
[22] en ung sien parc illecques pres estant, s'en alla ou
[23] lieu ou estoit sadite femme et porte avec luy une mare*
[24] de laquelle il labouroit et a son arryvee s'esforcza
[25] fraper ledit Jullien de ladite mare dont fut empesché
[26] par gens qui y arryverent qui luy osterent ladite mare,
[27] et peu de temps apres, ladite femme dudit Louedec
[28] print une pierre et la rua droit audit Jullien et ne
[29] l'ataignit mays le print et empoigna ou poil et
[30] il, ainsi tenu, arryva et s'aprocha dudit Le Louedec
[31] qui avoit recouvert sadite mare et dicelle frapa
[32] ledit Jullien ung coup en la teste au costé du front
[33] duquel coup ledit Jullie tomba a terre et apres avoir
[34] esté illec ainsi tomba par quels espace de temps
[35] et fort sanglant, iceluy Jullien soy leva et s'en
[36] alla en sa maison estant illecques pres et Loyse, sa femme
[37] en sa compaignye. Est-il que a l'occasion de ladite blecure et par
[38] fault de bon pensement ou autrement, le lendemain
[39] matin trespassa ledit Jullien et sur ledit cas fut <89 verso>
[40] ledit Le Louedec en l'instant, prins et constitué en
[41] nosdites prisons la ou il est encore a present detenu en grande
[42] misere et calamité. Nous supliant qu'il nous plaise
[43] dudit cas impartir audit Yvon Louedec noz lettres de
[44] grace et remission tres humblement requerant
[45] icelle. Pourquoy nous, etc.

De Kerguern