07/06/1531
<91 recto>
Remission pour
Guillaume Allio
de la
paroisse de Plomeliau ou diocese
de
Vennes, la
verificacion au
sennechal de
Ploermel.
[1] Francois,
etc, a tous
presens et a venir, savoir
[2] faisons, nous avoir receu l'humble supplication et
[3] requeste des parens et amys consanguins
[4] de Guillaume Alio de la parroisse de Ploumeliau
[5] en l'evesché de Vennes en
notre juridicion de
[6] Ploermel, Contenant que de le penultime
[7] jour de decembre l'an que on disoit mil cinq
[8] cens vingt deux, comme
ledit Allio et sa
femme
[9] feussent allez chez Loys Auffredo et sa
femme
[10] demourans ou villaige du Thelene en la
parroisse
<91 verso>
[11] du Guenyn
pour y devoir achapter du vin en gros
pour
[12] exposer en vente par detail ou bourg
dudit Ploumeliau
[13] comme ilz avoint de coustume
fere pour gaigner leur
[14] vie et de leurs ensfens, et avecques eulx alla
[15] ches
lesdits Auffredo et sa
femme ung
prebtre nommé dom
[16] Guillaume Lebouvier et eulx arrivez en
ladite maison
[17] y trouverent ung
nommé Jehan Lemoel lors
demourant
[18] en
ladite parroisse de Ploumeliau, aussi y arriva ung
[19] nommé dom Pierres Robic queulx tous ensemble
[20] suisverent en
ladite maison
desdits Ausfredo et
[21] sa femme et fisdrent bonne chere et ampres
[22] avoir aussi disné en une chambre haulte descendirent
[23] an bas de
ladite maison et fisdrent
chacun son affaire
[24] et encore
oudit bas de maison beurent avecq
lesdits
[25] Ausfredo et sa femme et incontinent pour ce que
[26] il estoit presque soulleil couschant,
lesdits Allio
[27] et sa femme dom
Guillaume Lebouvier et dom Pierres Robic
[28] fisdrent brider leurs chevaulx
pour s'en aller et
[29] tout de cheval beurent encores une pinte de vin.
[30] Ce faict, s'en partirent tous ensemble a s'en aller
[31] audit Ploumeliau, savoir
lesdits Allio et sa femme, dom
[32] Guillaume Lebouvier et dom Pierres Robic estans
[33] a cheval et
ledit Lemoel a pied sans avoir eu
[34] entreulx en
ladite maison aucune noise ne parolle
[35] rumoreuse fors que
ledit Alio avoit dit a la femme
[36] dudit Auffredo lors qu'ilz estoint en
ladite maison que
[37] ledit Lemoel luy avoit faict dommaige de cent
[38] escuz d'or, et combien que il ne adreczast
[39] sesdites parrolles
audit Lemoel, toutesfoiz celuy Lemoel
[40] les ouyt et entendit et dist
audit Allio par telles
[41] parrolles :
« Allio, il n'y a pas tant. » Et ainsi tous
[42] ensemble s'en allerent chemyn faisant jucques
[43] envyron ung pont
nommé le pont du Menezguen
[44] estant sur
ledit chemyn d'entre
ledit lieu du Thelene
[45] et le bourg de Ploumeliau, et
comme ilz furent
[46] au-dessur
dudit pont
lesdits dom Pierres Robic et
[47] la femme
dudit Allio s'en alloint les premiers et
lesdit
<92 recto>
[48] Allio et Lemoel demourent quelques peu arriere
[49] et voyant
ledit Allio que ilz
ilz[sic] demouroint ainsi
arriere
[50] commancza a haster son cheval pour les suyvir et
ledit
[51] Lemoel estant a pied demouroit seul apres
[52] les aultres quoy voyant celuy Lemoel commancza
[53] a appeller
ledit Allio a haulte voix par deux foiz et
[54] par telles parrolles :
« Allio, actendes-moi ! Allio, actendez-
[55] moy ! » ce que
ledit Allio fist ne pensant en aucun mal
[56] mais cuydant faire plaisir audit Lemoel de ainsi
[57] l'actendre et lors
lesdits Lemoel et Allio demourent
[58] seulz et comme celuy Lemoel fut arrivé
audit Allio
[59] il se demontrant courouczé pour ce que
ledit
[60] Allio l'avoit voullu laisser tout seul ou pour
[61] lesdites parrolles qu'il avoit ouy
ledit Allio dire
[62] a la femme
dudit Ausfredo, ne sceit celuy Allio
[63] autrement pour quoy dist celuy Lemoel
audit Alio
[64] par telles parrolles :
« Allio, vous monstrez que
[65] avez ung cheval. Si je voulloys, je en auroys
[66] aussi bien ung comme vous. » Et en disant celles
[67] parrolles,
ledit Lemoel s'approcha
dudit Allio, print
[68] la bride de son cheval, le descendit a terre et
[69] s'entreprindrent au corps et
ledit Lemoel abatit
[70] ledit Allio soulz luy a terre. Quoy voyant tira
ledit
[71] Allio ung petit cousteau qu'il avoit pour trancher
[72] son pain et diceluy donna quatre ou cinq coups
[73] audit Lemoel pour le faire se lever dessur luy,
[74] ne sceyt a certain en quel endroit luy donna
[75] lesdits coups mais dempuix a ouy dire qu'il en avoit
[76] ung en la gorge, ung autre en une fesse, ung autre
[77] ou flanc et l'autre en une espaulle et en
[78] cuydant oster
ledit cousteau
audit Allio,
ledit Lemoel
[79] se blecza en une main a l'occasion desquelz coups
[80] et aussi du grant froit qu'il faisoit en celle
[81] nuytee et saeson,
ledit [sic] alla de vie a deceix
[82] et le lendemain, fut trouvé mort
audit chemyn
[83] assez pres
dudit pont du Menezguen. Nous
[84] remonstrans oultre
lesdits supplians que
ledit
[85] Lemoel n'avoit aucuns ensfens, ne heritiers
<92 verso>
[86] procroyez de son corps, estoit homme fort querelleux
[87] entrepreneur de debatz et bapteur de gens et
[88] a l'occasion de ses querelles et tor faictz avoit esté
[89] constitué prisonnier aux prisons de Vennes et de Pontyvy
[90] quelles prinsons il rompit et s'enfuyt
comme de ce
[91] est chose toute
notoire ou pays estoit celuy Lemoel beaucoup
[92] plus jeune d'aige et puissant de corps que
ledit Allio
[93] quel est ancyen homme de l'aisge de soixante dix ans
[94] ou envyron ou plus et a tousiours
ledit Allio vescu
honnestement
[95] selon son pouvre estat, estoit famé et
renommé sans
[96] jamais avoir esté reproché ne actaint d'aucun
[97] mauvaix cas jucques a celuy de
present, est chargé
[98] de
femme et enffens quelz il vivoit et entretenoit
[99] de son mestier de cousturier et de tenir vin en
[100] vente par mynu et detail
audit lieu de Ploumelia
[101] et puix dix oinct ou vingt ans encza, perdit
[102] tous ses biens par la fortune du feu. Toutesfoiz
[103] avec l'ayde que dieu et les amys
dudit Allio luy ont
[104] faict il a composé
dudit cas
avec la
femme, freres et
[105] heritiers
dudit decedé et les a satisfaictz
pour
[106] leur interrestz civil et en a d'eulx obtenu
quictance
[107] et a l'occasion
dudit cas,
ledit Allio craignant
[108] rigueur de justice, se seroit abscenté a raison
[109] il a entendu
que les
procureurs et officiers de Ploermel
[110] dont il est subgect, ont tellement vers luy esplecté
[111] que par contumaces
ledit suppliant a esté mys
[112] a forban et ne s'est livré a se justifier dedans
[113] les quarante jours apres la
sentence de
[?vancque?]
[114] contre luy donnee ne dempuix icelle a raison
[115] de quoy il ne seroit jamais se tenir
publicquement
[116] ou pays si par nous
ledit cas ne luy est
[117] remys, quicté et
pardonné. Nous suppliant
[118] qu'il nous plaise ayant esgard a ce que
[119] dessur de
notre grace et misericorde, remectre
[120] quicter et pardonner
ledit cas
audit Allio en
[121] satisfasant aux
parties interressees civillement
[122] tant seullement si faicte ne la et autrement
<93 recto>
[123] sur et touczant ce que dessurs pour voir
[124] audit suppliant de
notre grace et remede de
[125] justice convenable tres humblement, le nous
[126] requerant. Pourquoy nous,
etc, la verification
[127] a la court de Ploermel.
Derien