17/06/1531
<96 verso>
Remission pour Normant Cadier, jeune
gentilhomme
de la juridition de Moncontour, la verification
a la court de Moncontour dont la teneur
ensuilt.
[1] Francois,
etc, a tous
presens et a venir, salut. Savoir
[2] faisons, nous avoir receu l'humble supplication et
[3] requeste des parens et amys
consanguins de
notre subject
[4] Normand Cadier, jeune
gentilhomme de l'aige de vingt
<97 recto>
[5] troys ans ou envyron, de
notre juridicion de Moncontour,
[6] Contenant que le dernier jour d'octobre dernier,
ledit Cadier
[7] se trouva
pour aucuns ses affaires ou bourg de Sainct Goueno
[8] auquel
jour dom Pierre Lebloan, vicaire,
Guillaume de La Roue,
[9] promotheur et Loys de La Vallee, greffier de la
visitacion
[10] de l'archidiacre de Penthievre, faisoint
visitacion a l'
eglise
[11] parroichial
dudit Sr Goueno. Et a l'issue de
ladite visitacion
[12] ledit vicaire,
ledit Cadier et pluseurs aultres s'en allerent
[13] disner ensemble en la maison en laquelle Jehan Gicquel
[14] expose vin en vente
oudit bourg, auquel disner ung
[15] gentilhomme nommé Bastien Rouxel se trouva. Et
[16] apres avoir disné, les tresoriers de
ladite eglise
[17] rendirent leur compte devant les officiers
dudit
[18] archidiacre,
ledit Cadier
present, et lorsque eurent
[19] conclud
ledit compte estant environ soulleil couché, voullurent
[20] chacun aller a leurs affaires ; et
lesdits vicaire et Cadier
[21] et aucuns autres de leur
compaignie descendirent de
[22] la chambre en laquelle ilz avoint disné en la place
[23] dicelle maison, et demourerent en icelle chambre
[24] et y beurent
lesdits Rouxel,
Guillaume de La Roue,
promoteur
[25] de
ladite visitacion, et Loys de La Vallee, greffier dicelle.
[26] Et apres
lesdits vicaire et Cadier estre descenduz de
[27] ladite chambre, ilz se assidrent a une table pres du feu
[28] et pluseurs aultres avecq eulx et eurent du vin
[29] duquel ilz beurent tellement que
ledit Cadier qui tout
[30] le jour n'avoit cessé de boire, estoit fort emboité et
[31] eschauffé de vin, et en la chambre haulte beuvoint aussi
[32] lesdits promoteur, greffier et Rouxel de lacquelle chambre
[33] ilz descendirent au bas de
ladite maison, se approcherent
[34] desdits Leblon et Cadier et
autres estans a
ladite table
[35] pres du feu,
lesdits Rouxel, de La Roue et de La Vallee.
[36] Et lors
ledit Cadier demanda
audit Rouxel s'il voulloit
[37] boyre ; a quoy
ledit Rouxel respondit que non
[38] disant qu'il estoit yvre. De quoy
ledit Cadier fut
[39] entendant que
ledit Rouxel disoit que iceluy Cadier
[40] se mocquoit de luy et dit
audit Rouxel en jurant
[41] le sang dieu qu'il avoit tousiours ses
[??]
[42] et se couroucerent l'un
avec l'autre et s'
entreappellerent
[43] facheux. Apres lesquelles injures
ledit Cadier
[44] se leva debout et evagina son espee et
avec se desmarcha
<97 verso>
[45] en
ladite place disant
audit Rouxel par telles ou
[46] semblables
parrolles :
« Ah, le sang dieu ! Filz de
[47] putain ! » Et celuy Rouxel qui aussi evagina
[48] son espee, dist
audit Cadier par telles ou sembables
[49] parrolles :
« En effect, le sang dieu ! Mais, toy, filz
[50] de putain ! » Et s'esforcerent lors de frapper l'un
[51] l'autre, ce qu'ilz ne purent a raison qu'ilz soustenoint
[52] avec leursdites espees les coups qu'ilz s'entregectoint et
[53] aussi qu'ilz en furent empeschez par
lesdits Leblon et
[54] de La Roue et fut
ledit Cadier ayant
sadite espee evaginee
[55] mis hors
ladite maison par
ledit Leblon et estoit
ledit
[56] Rouxel tenu en
ladite maison et empesché de sortir apres
[57] ledit Cadier et tant fist
ledit Leblon par doulceur qu'il
[58] fist
audit Cadier mectre son espee en son foureau et
[59] aussi
ledit de La Roue qui tenoit
ledit Rouxel en
ladite
[60] maison, fist tant qu'il fist
audit Rouxel remectre
[61] son espee en son foureau et puis
lesdits Lebloan, de La Roue
[62] relaisserent
respectueusement lesdits Rouxel et Cadier
[63] et fut faict par
ledit Lebloan apporter du vin a l'huys
[64] de
ladite maison
pour les appoincter et
neanlmoins tousiours
[65] avoint
lesdits Rouxel et Cadier parrolles ensemble
[66] de rigueur et ainsi qu'ilz estoint a l'huys dicelle
[67] maison et pluseurs gens entreulx deux,
ledit Cadier
[68] voyant
que ledit Rouxel tousiours le injurioit donna
[69] celuy Cadier
audit Rouxel par dessurs ceulx qui
[70] estoint entreulx deux, ung coup de poing sur sa teste
[71] et sitost
que eut donné
ledit coup, celuy Rouxel
[72] se retira quelque peu
arriere en
ladite place et evagina
[73] derecheff
sadite espee en l'une de ses mains et ung grant
[74] et long cousteau en l'autre appellant
ledit Cadier, traistre,
[75] et ce voyant
ledit Cadier tira son espee et se recula
[76] en l'huysserie de
ladite maison et s'entreruerent
plusieurs
[77] coups d'estoc de leurs espees et ainsi qu'ilz s'entre-
[78] cuydoint frapper, ung serviteur
dudit Cadier,
nommé
[79] Pierre Farannes qui estoit en
ladite maison, sortit hors
[80] icelle maison par l'huys
derriere et se rendit
audit
[81] Cadier et evagina celuy
serviteur son espee sans
[82] que ledit Cadier le luy eust faist faire. Auquel
[83] Farannes
ledit Rouxel dist que ne l'eust frappé en
[84] traison et qu'il aymoit bien son pere. A quoy
[85] ledit Farannes luy dist qu'il avoit cuydé
<108 recto>
[86] luy ruer des coups et
presenta audit Rouxel ung coup d'estoc
[87] de son espee sans toutesfoiz l'avoir actaint dicelle
[88] et ainsi
que ledit Cadier a quelzques gens estans hors
[89] ladite maison,
ledit Farannes rentra en
ladite maison et
[90] parlerent ensemble en icelle
lesdits Rouxel et
serviteur
[91] comme s'ilz fussent apaisez et appoinctez et
comme
[92] ledit Cadier estoit en
ladite huisserie ayant son espee
[93] evaginee et
sondit serviteur en
ladite place anjoignant
[94] de
ladite huisserie et
ledit Rouxel en icelle place plus
[95] en arriere ayant
sadite espee nue et
ledit couteau tiré se
[96] approcha celuy Rouxel
dudit huys
comme s'il eust voullu
[97] repoulser
ledit Cadier et
sondit serviteur ou les oultraiger
[98] voyant quoy
ledit Cadier par dessurs la teste de
[99] sondit serviteur donna
audit Rouxel de son espee ung coup
[100] sans le blecer et sur ce
ledit Rouxel se retira en
ladite
[101] maison et en se recullant en chaude colle luy donna ung seul
[102] coup au travers du corps a occasion duquel coup
ledit
[103] Rouxel est mort et decedé. Si nous ont
lesdits
[104] supplians remonstré que
ledit Cadier est jeune
gentilhomme
[105] aigé de vingt troys ans, doulx et paisible
auparavant
[106] ledit cas, vivant honnestement et de bonnes moeurs
[107] et
condicions sans avoir esté actaint ne
convaincu
[108] d'aucun
autre mauvaix cas et que lors qu'il
[109] feist
ledit coup, il estoit fort emboité et eschausfé
[110] de vin dont il avoit beu toute la journee
tellement
[111] que son scens et entendement en estoint troublez
[112] et depuis le deces avenu diceluy Rouxel
[113] ledit Cadier a appoincté touchant
ledit cas
[114] avecq les femme et enffens
dudit feu Rouxel
[115] quel appoincte a esté decreté et
decleré a tenir
[116] par
notre court de Moncontour. Nous
supplians
[117] lesdits exposans qu'il nous plaise a tout ce que
[118] dessurs avoir esgard et actendu que
ledit
[119] cas fut fait en chaulde colle impartir et
[120] octroyer diceluy cas
audit Cadyer noz
lettres
[121] de grace, remission
et pardon, tres humblement
[122] le nous requerans. Pourquoy,
etc, la
verificacion a
[123] Moncontour.
Mandart