14/06/1531
<109 verso>
Remission pour Jehan Rouzault, jeune
gentilhomme, filz Mahe Rouzault, la
verificacion
au ressort de Gouello, la
teneur de laquelle ensuilt.
[1] Francois,
etc, a tous
presens et avenir, salut. Savoir faisons
[2] nous avoir receu l'humble
supplicacion et requeste des
[3] parens et amys consanguins de Jehan Rouzault, pouvre
[4] jeune
gentilhomme, filz Mahe Rouzault, a
present detenu
prisonnier
[5] aux prisons de la
court seculiere de Sainct Brieuc,
Contenant
[6] que le premier
jour de ce
present moys de juingn queque soit
[7] puix deux moys estant
ledit Jehan Rouzault en
notre ville
[8] et cité
dudit Sainct Brieux
pour aucuns ses
afferes, au
[9] devant de la maison ou a
present demeure et expose vin
[10] en vente Jacques Halnault
et sa
femme ou illec estoit
[11] Silvestre Halnault,
frere dudit Jacques, iceluy Silvestre
[12] dist par telles ou semblables parrolles
audit Jehan
[13] Rouzault :
« Reculle-toy, tu pus ! » A quoy
ledit Rouzault
[14] respondit :
« J'ay approché de plus gros personnages que
[15] tu n'es ! » Et sur icelles parrolles,
ledit Hallnault donna
[16] ung soufflet sur la joue
dudit Jehan Rouzault lequel
[17] se voyant oultraigé de la
maniere dist et jura
[18] qu'il en feroit autant
audit Silvestre
comme il luy
[19] avoit faict, ou plus s'il povoit et qu'il le trouveroit
[20] en chemyn mais puis
que iceluy Silvestre n'avoit son
[21] baston, il ne le voulloit toucher surtant et
incontinent
[22] ledit Silvestre Halnault se transporta en l'ouvrouer de
[23] Yvon Lecarolleur, coutelier, demourant en
ladite rue
[24] auquel
ledit Halnault avoit baillé son espee a abillé
[25] et illecq la print et cignit a son cousté et lors
ledit
[26] Silvestre Halnault
commancza a monter et chemyner
[27] amont la rue appellee la rue de Fardel et
ledit Jehan
[28] Rouzault prins chemyn par
ladite rue jucques au devant
[29] de l'ouvrouer Olivier Le Roux et de Francois Cordiran distant
[30] de la maison ou
ledit Halnaut avoit prins
sadite espee
[31] d'envyron ung get de pallet et au devant de la maison
[32] dudit Cordiran ou envyron se trouva
ledit Hallnaut
contre
[33] le bas de
ladite rue et veid
ledit Rouzault qui alloit
[34] apres luy le menaczant et jurant que il l'auroit
[35] en chemyn et qu'il luy en feroit autant
comme ledit Halnault
[36] luy avoit faict lequel Halnaut dist
audit Rouzault :
[37] « Va-t-en a ta besougne, ne me suys point ! » Ce neanlmoins
[38] ledit Rouzault n'en feist riens, ains
persista et
<110 recto>
[39] suyvir, menaczant
comme devant
ledit Halnault.
[40] Quoy voyant, celuy evagina
sadite espee et en
[41] frappa du plat
ledit Rouzault sur sa teste et
espaulle
[42] lequel Rouzault lors
parreillement evaigina une
[43] petite espee en
maniere de bracquemont de laquelle
[44] il frappa d'un coup d'estoc
ledit Halnault au-dessoulz de
[45] la mammelle gaulche duquel coup incontinent
[46] sortit sang a grant habondance a occasion duquel
[47] coup
ledit Silvestre Halnault alla bientost apres
[48] de vie a trespas. Si nous ont
lesdits supplians remonstré
[49] que oudit conflit
ledit Rouzault fut grandement bleczé
[50] en la teste
dudit coup de plat
que luy bailla
ledit Halnault
[51] de
sadite espee et que iceulx Rouzault et Halnault
[52] auparavant ledit cas jamais n'avoint eu question ne
[53] debat l'un avec l'aultre et que
ledit Rouzault
[54] auparavant
ledit cas avoit vescu sans jamais avoir
[55] esté actaint ne convaincu d'aucun autre mauvaix
[56] cas disgne de
reproche, a raison duquel cas
[57] doubtent
lesdits supplians que les officiers de
ladite court
[58] de Sainct Brieuc veillent
contre ledit Rouzault
proceder
[59] a rigueur de justice jucques extermination de vie
[60] qui seroit gros scandal et deshonneur
desdits
[61] exposans qui nous ont supplié et requis a tout
[62] ce que
dessurs avoir esgard et diceluy cas impartir
[63] et octroyer
audit Jehan Rouzault noz
lettres de grace,
[64] remission et
pardon, tres humblement, les
nous requerant
[65] et pourquoy
etc, la
verifficacion a la
court de Lesneven.
Derien