08/07/1531
<123 recto>
Remission pour Robin Dean de la
paroisse de
Fongeat ou diocese de
Rennes, la
verificacion
au
seneschal ou alloué
dudit Rennes.
[1] Francois,
etc, a tous
presens et a venir, salut. Savoir faisons, nous
[2] avoir receu l'humble
supplicacion et requeste des
parens et amys
[3] consanguins de Robin Dean de
ladite parroisse de Fongeat ou diocese
[4] de Rennes de l'aige de vingt cinq ans ou envyron,
Contenant que
[5] ou moys d'avril dernier a ung jour de mardi,
ledit Robin
[6] estant en son jardin couché soulz ung arbre, ouyt sa
femme
[7] cryer a haulte voix a l'ayde et a la force. Auquel cry
[8] alla
ledit Dean et il, arryvé pres l'entree de sa maison,
[9] rencontra Guyon de La Noé et Petit-Jehan Dean,
frere
[10] germain
dudit Robin qui sortoint dicelle maison ayant
[11] chacun d'eulx une dague au costé. Et ainsi qu'il put
[12] entré en
sadite maison, y trouva
sadite femme qui plouroit
[13] fort, a laquelle il demanda
pourquoy elle cryoit ainsi.
[14] A quoy elle respondit que
lesdits Guyon de la Noé et
[15] Petit-Jehan Dean l'avoint baptue et luy avoit
[16] celuy Guyon donné deux ou troys souffectz sur le
[17] visaige. Et lors celuy Robin tout esmeu, desplaisant
[18] et couroucé de l'exes ainsi
parr eulx faict a
sadite femme,
[19] print une arbalaistre qu'il avoit en
sadite maison quelle
[20] il banda et sur icelle mist ung cyseau et en celle
[21] challeur et couroux, suyvit
lesdits Guyon de La Noé et
[22] Petit-Jehan Dea qui alloint droit au villaige du
[23] Pairier, quels ainsi qu'ilz
aperceurent ledit
[24] Robin, se tourneurent vers luy
et evagineirent
leursdites
[25] dagues et
dicelles donnerent
savoir ledit Guyon ung
[26] coup en l'espaulle diceluy Robin
tellement qu'il luy
[27] fist playe et
ledit Petit-Jehan Dean troys coups
[28] de taille en la teste en forme qu'il luy fist troys
[29] playes. Et ce voyant
ledit Robin ainsi oultraiger,
[30] print sa myre vers
ledit Petit-
Jehan voullant
vers luy
[31] debander
ledit cyseau et ainsi qu'il debandoit,
celuy
[32] Petit-Jehan se detourna au costé du chemyn en
[33] maniere que ledit cyseau ne l'actaignit ains actaignit
[34] ledit Guyon soulz la mammelle destre et
incontinent
[35] se retira
ledit Robin en
sadite maison
pour soy
femme penser.
<123 verso>
[36] desdites playes sans
autrement poursuyr
lesdits Guyon de La Noé
[37] et Petit-Jehan Dean, ne leur
fere aultre exceis. Et
ledit
[38] Guyon s'en alla a la
maison de
Jehan Dean, charpentier,
[39] cousin germain
dudit Robin ou il fut
parr aucun
interval
[40] de temps et celuy mesme
jour fut porté en la
maison
[41] de Jacques Darachepel, mareschal, pres et
ajaczance de
[42] ladite maison diceluy
Jehan Dean, en laquelle maison le
[43] jeudy ensuyvant, a l'
occasion dudit coup de cyseau,
pour
[44] diffault de bon pencement, troictement ou
autrement, il
[45] alla de vie a trespas. Auparavant lequel
sondit
[46] trespas, il dist et
congneut en
presence de
plusieurs personnes
[47] et par diverses foix que il et
ledit Petit-Jehan Dean
[48] avoint eu
commancé la querelle avecq
ledit Robin Dean
[49] disant
outre celuy Guyon qu'il pardonnoit sa mort
[50] a iceluy Robin et desiroit le voir
pour luy
requerir
[51] et demander
pardon. A raison duquel cas,
ledit
[52] craignant rigueur de justice, s'est absenté et
[53] rendu fugitiff et ne seroit resider ne demourer
[54] en
cedit pays et duché
que dudit cas ainsi avenu
[55] inopinement et de malle fortune, ne luy estoit parr
[56] nous octroyé grasse, remission et
pardon ce que
sesdits
[57] parrens et amys nous ont tres
humblement supplyé et
[58] requis luy conceder et octroyer.
Et pourquoy,
etc,
[59] la
verifficacion au
seneschal ou alloué de
Rennes.
Derien