12/07/1531
<126 recto>
Remission pour Yvon Cain, la
verificacion au
senneschal de Lanyon dont la teneur ensuilt.
<126 verso>
[1] Francois,
etc, savoir faisons a tous
presens et a venir, nous
[2] avoir receu l'humble
supplicaction et requeste des parens et
[3] amys consanguins de
notre pouvre Yvon Cain de la
parroisse de
[4] Trebreden ou diocese de Treguer,
Contenant que le vendredi
[5] prochain apres le jour et feste de Nouel dernier passé,
environ
[6] soulleil couché
dudit jour,
comme ledit Cain qui estoit a cheval
[7] alloit et tiroit chemyn d'aller de
notre ville de Lannyon
[8] a sa maison o lors il demouroit en
ladite parroisse de
[9] Trebreden, trouva
et rencontra en son chemyn pres le pont
[10] nommé Pont au Groach estant pres les
mecteries de Perraustang
[11] et le vieulx chastel
dudit Lannyon, la
femme de Thomas Licog,
[12] mectayer de la mectayrie de
Kerizinyn situee en la
parroisse
[13] de Servel
oudit diocese de Treguer, quelle femme
dudit
[14] Lecog
et ledit Lecain allerent ensemble jucques
audit lieu de
[15] Kerizinyn qu'estoit et est le droit chemyn
dudit Lecain
[16] a aller
dudit Lannyon a
sadite maison
et demourance pres
[17] la porte duquel lieu de
Kerzinyn estoit
ledit Thomas
[18] Lecog qui dist
audit Cain qu'il y avoit des gens yvres
[19] qui avoint peu de temps
auparavant passé au-devant de
[20] ladite porte qui alloint
audit lieu de Trebeden. Et bien tost
[21] apres et envyron ung troict d'arc d'illec chemyn tousiours
[22] faisant
ledit Cain qui estoit a cheval
comme dist est, trouva
[23] ung
nommé Olivier Le Roux qui
parreillement alloit a sa
[24] maison ayant avec luy une pasle quelle il bailla a
[25] porter
audit Cain pourtant qu'il
estes a cheval. Et ainsi qu'ilz
[26] alloint ensemble a bien peu de la, ouy venir bruyt de
[27] gens qui alloint devant eulx par
ledit chemyn, lesquelz
[28] pour lors ne pouvint bonnement congnoistre pour ce qu'il faisoit
[29] obscur et estoit presque nuyt. Et
comme ledit Cain et Roux
[30] arriverent en une yssue et lieu estant en
leurdit chemyn,
[31] nommé La Malladerie de Senel,
ledit Cain vid et
aperceut Jehan
[32] Leguen, Jehan Nycollas et Jehan Lebesque qui s'entrenoysoint,
[33] tirans ensemble droyt a vue
estant pres
ladite Malladerie
[34] nommée Lande Selnel,
s'entredisans ceulx Besque et Guen
[35] plusieurs injures quelles
ledit Cain
[36] ne peust lors entendre quel Jehan Nycollas appella
ledit
[37] Cain
appella ledit Cain[sic] et le prya de descendre
et porter
[38] ledit Guen qui estoit yvre sur
sondit cheval jucques a la
[39] maison
dudit Le Besque, et que
audit lieu il eust faict
[40] audit Guen luy payer quart de vin ce que fist
ledit Cain
[41] et laissa tomber a terre
ladite pasle
dudit le Roux qu'il
[42] portoit et apres que
ledit Cain fut descendu de cheval
[43] alla prier
ledit Guen de monter sur
sondit cheval. Surquoy
[44] ledit Guen commancza a injurier
ledit Cain l'appellant :
[45] « Larron ! Filz de putain ! » disant
audit Cain qu'il n'eust
<127 recto>
[46] daigné monter sur son cheval s'aprochant
dudit
[47] Cain
et s'esforczant de le voulloir frapper d'une petite
[48] dague amanchee de leton que
ledit Guen avoit en la main.
[49] Quoy voyant
ledit Cain tirra ung cousteau qu'il avoit
[50] avec luy et diceluy pour espovanter
ledit Guen
[51] donna en la manche du seon
dudit Guen deux coups sans
[52] aucunement le blecer ou braz, ne en
autre endroit de son corps
[53] et tout incontinent furent
departiz et empescher
[54] de s'entrebatre par
ledit Jehan Nycollas lequel osta
[55] audit Cain
sondit cousteau, appellant touteffoiz iceluy le Guen
[56] incessamment
ledit Cain :
« Larron de chevaulx ! » Et voyant
[57] que ledit Guen ne cessoit de dire
lesdites injures
audit Cain,
[58] luy dist
ledit Nycollas commant il laissoit et souffroit
[59] celuy Guen ainsi le injurier et sur ce s'aprocha
ledit Cain
[60] dudit Guen
et celuy Guen de luy et s'entreprindrent aux
[61] cheveulx et tant
s'entretindrent qu'ilz
tumberent tous
[62] deux a terre et bien tost se releva
ledit Cain qui estoit tumbé
[63] soulz
ledit Guen et print derecheff
par les cheveulx
ledit
[64] Guen et le hercza et trayna par iceulx et apres donna
[65] audit Guen qui encores estoit tumbé par terre ung coup
[66] de poing sur quelque
endroit de la teste
dudit Guen et ce fait
[67] s'en alla
ledit Cain apres
sondit cheval qui durant
ladite
[68] noaise et debat s'en estoit allé droit a ladite lande
[69] de Selnel lequel il ne peust trouver ne actaindre.
[70] Et
ledit Cain arryvé a
sadite maison
et demourance
[71] voyant que
sondit cheval n'y estoit arryvé,
retourna
[72] sans entrer en
sadite maison sercher
sondit cheval a une
[73] autre lande assez pres de
sadite maison
nommé la Lande
[74] du Grarain. Et pendant
que ledit Cain faisoit ainsi la
[75] serche de
sondit cheval par
ladite lande, fut
ledit cheval
[76] mené et rendu en
sadite maison par un
nommé Jehan Barc,
[77] comme apres luy fut dit par sa
femme et bien tost apres
[78] la
rendicion dudit cheval
comme depuis fut dit
audit Cain par
[79] sadite femme, arriverent en
ladite maison
dudit Cain
lesdits Besque,
[80] Jehan Nycollas
et Roux demandant
ledit Nycollas
[81] a
ladite femme
dudit Cain qui encores serchoit
sondit
[82] cheval par
ladite lande, ou estoit
ledit Cain disant
audit
[83] Nycollas que eulx et
ledit Cain avoint faict une
[84] mauvaise nuyctee et qu'ilz avoint tué
ledit Guen
[85] et
avec eulx menerent
ledit cheval et Jehan Cain, filz
dudit
[86] Yvon Cain
pour devoir porter
ledit Guen qui estoit demouré
[87] ou lieu ou avoint esté
ledit conflict a sa maison, cuydans
<127 verso>
[88] qu'il ne fust pas uncore mort. Et a leur arryvee
[89] a ce qu'ilz voullurent monter
ledit Guen sur
ledit cheval
[90] le trouverent mort, par quoy le laisserent
oudit lieu et
[91] s'en
retournerent derecheff par la maison
dudit Cain disans
[92] a
ladite femme que
ledit Guen estoit mort, demandans ou
[93] estoit
ledit Cain et advertissans
sadite femme de luy dire
[94] qu'il eust a soy retirer et absenter. Apres tout quoy arryva
[95] ledit Cain en
sadite maison venant de
fere ladite serche de
sondit
[96] cheval auquel
sadite femme recitta ce que dit est et
[97] luy dist qu'il se retirast. Quoy voyant
ledit Cain print
[98] sondit cheval et s'absanta de
sadite maison luy disant
[99] qu'il alloit en franchise a Lentreguer et
comme il
[100] passoit pres la maison Yvon Le Tresorier, entra
ledit
[101] Cain en icelle et dist
audit Tresorier qu'il y avoit eu
[102] bapterie et noyse
entre lesdits Jehan Guen, Jehan Nycollas
[103] et Jehan le Besque, et prya
ledit Tresorier d'aller le
[104] lendemain a sa maison pour recouvrer et querir les
[105] bestes qu'il avoit o luy
[??]. Et ce faict, s'en
[106] alla celuy soir a la maison de Olivier Cain, situee
[107] en la parroisse de Ploegommeur ou il fut jucques au
[108] lundi ensuyvant auquel
jour il se rendit a l'abbaye
[109] de Begar situee
oudit evesché de Treguer. Nous
[110] remonstrans oultre
lesdits parens et amys
supplians que
[111] a l'
occasion dudit cas, mort et homicide
dudit deffunct,
[112] Jehan Guen quel parce que
dessur fut principalle
[113] cause diceluy
par les injures qu'il disoit
et proferoit
[114] audit Cain quel a raison diceluy cas et de peur et
[115] crainte d'estre reprins de justice
et pugny par icelle
[116] nose, se trouver ne comparroir a
sadite maison
et demourance
[117] ne les quartiers
desdits Lannyon, Trebreden ne ailleurs.
[118] Au moyen de quoy les femmes et enffens
dudit Cain
[119] souffrent et ont souffert
plusieurs pouvretez et calamitez
[120] et leurs labouraiges dont ilz
[?soulloint?] et avoint
[121] acoustumé de vivre sont demourez a cultivez
et labourez
[122] pour l'absence
dudit Cain, lequel
jamais auparavant ledit
[123] cas avenu n'a esté acusé d'aucun villain cas ne
[124] cryme anczoys a tousiours vescu sans
reproche selon
[125] son estat. Nous
supplians qu'il nous plaise a tout ce
que
[126] dessur avoir esgard et
dudit cas
impartir audit Yvon
[127] Cain noz
lettres de grace, remission
et pardon, tres
humblement,
[128] le nous requerans. Pourquoy,
etc.
Lefourbeur