05/08/1531
<136 verso>
Remission pour Tanguy Galoys de meurtre commis en la
personne
de Marc de Corville, la
verificacion au
seneschal de
Rennes dont la teneur
ensuilt.
[1] Francois,
etc, a touz
presens et advenir, salut.
Savoir faisons
nous avoir receut
[2] l'humble
suplicacion et requeste des parens et amys consanguins de
notre
[3] subgect Tanguy Galoys, detenu
prisonnier en nos prisons de Rennes,
Contenant
[4] que le quatriesme jour du moys d'octobre derroin qu'estoit le jour et feste
[5] monseigneur saint Francois,
ledit Tanguy Galoys au matin diceluy jour s'en alla de
[6] sa maison situé en la
paroisse de Lopingue
oudit bourg et eglise
dudit
[7] Loppingue pour y ouyr messe et le service divin,
rencontra sur l'une des
[8] antrees du
cimytiere de
ladite eglise, ung
nommé Marc de Corville
acompagné
[9] de ung
nommé Jehan Leclerc, lequel de Corville ayant
congnoissance dudit
[10] Tanguy luy demanda s'il vouloit aller desjuner. A quoy
ledit Tanguy
[11] respondit
que non et
que il n'avoit ouy messe. Sur quoy replica
ledit
[12] Marc :
« Non aige pas moy ! Mays je ne lesseray pourtant. Je me
[13] passere bien de messe pour aujourduy. Viendra-tu ? » Quoy voyant,
ledit
[14] Tanguy consentit a la priere
dudit de Corville de aller desjeuner
[15] avec luy apres qu'il auroit ouy messe, demandant
oudit
<137 recto>
[16] de Corville ou il le trouveroit. A quoy respondit
ledit Marc :
« Vous nous
[17] trouverez chez Cochart. Nous allons devant, dom Jehan Baset et moy ; venez apres
[18] nous ! » Lors
ledit Tanguy s'en alla en l'eglise pour ouyr messe et peu de temps
[19] apres, s'en alla
ledit Tanguy en la maison et taverne de George Cochart tenant
[20] taverne
oudit bourg ou il trouva
ledit de Corville en une gallerie de
ladite maison
[21] et en sa compaignye
ledit dom
Jehan Baset
et ung mercier
nommé Cosvaber qu'ilz
[22] estoint assys a une table buvans et mangans ensemble, et pria
ledit de Corville
[23] celuy Tanguy de se assoirs jouxte luy ce
que fist
ledit Tanguy puis burent et
[24] mengerent ensemble et ainsi
que estoint a
ladite table bientost apres, entra
[25] et arriva a eulx ung
nommé Guillaume Fortin, bouscher, et
comme il fut antré en
[26] ladite gallerie
ledit de Corville dist en se levant de la table ou estoint assis
[27] a boire
que ledit Fortin luy fachoit
et que il ne boyroit ne mengeroit en sa
compaignye
[28] puis dis celuy de Corville
audit Fortin telles
parolles :
« Par le corps dieu, je vous
[29] aprandré bien a parler de moy ! Je vous bapteray par le sang dieu ! tant qu'il
[30] suffire. Vous avez dit a mon oncle de La Pesse tout plein de mal de moy ! » A quoy
[31] respondit
ledit Fortin
audit de Corville
que jamays il n'avoit
audit Sr de la Plesse
[32] ne a autre de luy dict aulcun mal. Et craignant celuy Tanguy qu'il sourdist
[33] debat entreulx et qu'ilz s'entreoutraigassent, prie
ledit Tanguy celuy de Corville
[34] que il ne fist
audit Fortin aucun mal ne desplaisir. A quoy s'acorda
ledit de Corville
[35] et sur tant descendirent de
ladite gallerie donnant celuy de Corville tousiours
[36] menaczes
audit Fortin de le baptre et outrager, et tenant celuy de Corville ung
[37] couteau nud en la main, jurant et blapfemant le nom de dieu
que il bateroit
[38] bien et
que derechef
ledit Tanguy empescha disant
que ledit Fortin donneroit
[39] ung pot de vin. Et sur ce
propos entrerent
ensemblement en une haulte
[40] chambre de
ladite maison ou ilz se misrent a boire sur une huche ung
[41] pot de vin
que poya
ledit Fortin, et se trouva ou eulx
ledit Cochard quel
donna
[42] ung autre pot de vin et apres
avoir ainsi beu tous
ensemble entre autres
[43] divises celuy Tanguy dist
parlant audit de Corville
que nagueres avoit
que a ung
[44] soir il avoit trouvé en s'en allant
dudit bourg de Loupingne a sa maison
[45] troys
compaignons quelz le avoint voulu baptre et tuer
et que entre autres,
[46] il avoit
congneu que Bastien Posterne estoit l'un deulx et
que ce ne luy estoit pas
[47] grant honneur et qu'il le luy rendroit bien quant il voudroit, mays
que il n'en
[48] faisoit pas cas
et que il ne le craignoit rien. Sur quoy
ledit Marc de Corville
[49] demanda
audit Tanguy a estre jugé entre
ledit Posterne et luy, ce
que accorda
[50] ledit Tanguy
audit de Corville en l'endroit de quoy sans autre
propos dist
ledit
[51] Marc de Corville
audit Tanguy en jurant
par telles parolles :
« Par le sang dieu, je
[52] ne m'endaigneroys mesler car tu n'es que ung meschant. » Neantzmoins lequel injure
[53] celuy Tanguy craignant le debat
audit Marc, luy replicqua aucune chose. Et
[54] assez tost apres
lesdites parolles, celuy Marc print ung voyre auquel avoit du vin
[55] et adressant ses
parolles audit Tanguy, dist qu'il alloit boyre a luy puis apres
avoir porté
[56] le voyre a la bousche, le rompit
avecques les dans faisant
gestes et
contenance
[57] d'estre courocé et despit. Quoy voyant,
ledit Tanguy estimant
que celuy de
Corville
[58] serchast
avoir debat
et disferant a luy, et pour y obvier
et luy demonstrer
[59] amytié et affin de rapaiser
ledit de Corville, print celuy Tanguy ung
<137 verso>
[60] voyre
avecques du vin dedans pour boyre et
contenir celuy de Corville et
come ainsi
[61] buvoit celuy de Corville sans aucun autre
propos, menaczes ny
[?acheson?], d'un grant
[62] cousteau qu'il tenoit en la main frappa
ledit Tanguy en l'estomac et poictrine et le
[63] blecza a grant effusion de sang frappant lequel coup celuy Marc de Corville a
[64] l'une de ses mains oultre ce, se ensesina et osta
dudit Tanguy ung poignart
[65] que celuy Tanguy avoit a la saincture
tellement qu'il ne luy demoura
que le foureau
[66] jurant
et blapfemant le nom de dieu en diverses manieres, qu'il tueroit
ledit
[67] Tanguy en celuy jour et qu'il en mengeroit le ceur. Et ce voyant et sentant
[68] ledit Tanguy estre bleczé a mort, descendit de
ladite chambre pour aller soy
[69] panser de
ladite ploye et incontinent le suyvit celuy Marc de Corville
[70] et descendit de
ladite chambre pourchassant encores ledit Tanguy ayant celuy
[71] de Corville en l'une de ses mains le cousteau dont il avoit bleczé
ledit Tanguy
[72] et le poignard
dudit Tanguy en l'autre, jurant et
blapfemant exceirablement le nom
[73] de dieu, qu'il tueroit
ledit Tanguy apres lequel de Corville
descendu, celuy
[74] Tanguy la estant ainsi bleczé et seignant en grant
habondance de la ploye
[75] qu'il avoit en estomac adressant ses
parolles oudit de Corville, luy dist et
[76] porta
parolles de tel effect :
« Ha, traistre ! tu m'as bien tué en traison avec ton
[77] cousteau et meschantement a prins mons pognard. Tu me le rendras avant
[78] que nous [?departont?]. » Et en redisant, trouva une fourche de fer ou pic
dudit
[79] degré de laquelle il se ensesina cuidant resister aux effors
dudit de Corville
[80] quelle luy fait oster
par lesdits Georges Cochard
et Fortin. Puis,
ledit Tanguy se
[81] voyant nud et desbastonné et
que ledit de Corville encores se efforczoit de
[82] le oultraiger, craignant l'ire et menaces
dudit de Corville et de peur
[83] qu'il le l'eust tué et occis
comme il se ventoit de
fere, trouva derecheff
[84] en
ladite maison
dudit Cochard une broche de fer de laquelle il se
[85] ensesina et penczant contraindre
ledit de Corville a luy rendre
sondit
[86] pognart, le suyvit
jucques au-dehors de
ladite maison et y estant veid
[87] que celuy de Corville s'en alloit ou
cimytiere de
ladite paroisse tousiours
[88] saesy et tenant en main
ledit poignart
dudit Tanguy quel ne voulut
[89] jamais lascher ne rendre
audit Tanguy. Lequel fort troublé et
[90] esmeu
par raison du sancg qu'il
perdoit suyvit
ledit Marc de Corville
oudit
[91] cimitiere ou derecheff insista et demanda
oudit de
Corville qu'il luy
[92] rendist
sondit poignard et
que auparssus, il ne luy demanderoit rien, ce
[93] que ne voulut et reffusa
fere ledit de Corville ains tousiours
persistat
[94] en son mal
propos disant
audit Tanguy en jurant et renonczant dieu
[95] que il ne l'auroit jamais et
que en celuy jour, il tueroit
ledit Tanguy.
[96] Et lors survindrent
oudit cimitiere lesdits Fortin et Cochard quelz
[97] prindrent
ladite broche de fer des mains
dudit Tanguy quel ne differa
[98] la leurs bailler et sur tant soy retira
ledit Tanguy en la maison
[99] dudit Fortin situee
oudit bourg pour se
fere panser. Et ledit de corville
[100] demoura
oudit cimitiere quelque peu jurant et donnant menaczes
audit
[101] Tanguy
come devant qu'il le tueroit, gardant tousiours
ledit poignort
[102] dudit Tanguy et quelque temps apres se departit
ledit Tanguy de la
[103] maison
dudit Fortin et pour sa santé et deffanse, craignant que
<138 recto>
[104] ledit de Corville le gardast sur le chemyn, print une espee en icelle
[105] maison et s'en allant pour sercher ung cirurgien ou barbier
aperceut et
[106] veid sur le chemyn asses pres d'une croix qu'on appelle la Croix des Ormeaulx,
[107] celuy de Corville et
ouvecques luy dom Michel Bonnet, lequel de Corville
[108] incontinent se adressa
audit Tanguy et
commancza a luy ruer
plusieurs
[109] coups d'espee disant qu'il le tueroit quoy voyant
ledit Tanguy tira
[110] l'espee qu'il avoit prinse ches
ledit Fortin et pour ce
que celuy de Corville
[111] le blecza en une main, celuy
commancza a soy deffendre et ruez
pareillement
[112] coups
audit de Corville et bataillant ensemble, celuy tanguy attaignit
[113] de son espee et donna
audit de Corville ung coup sur le coul et ung autre
[114] coup d'estoc en l'estomac, ainsi dempuis luy a esté raporté. Et sur ce qu'il
[115] aperceut que ledit de Corville deffaillit en sa force et
commancza a chanceler
[116] ledit Tanguy cessa de frapper sans autres exceix ne outraiges
[117] luy
fere et recuillit son poignard
que ledit de Corville durant
ledit
[118] conflict, luy avoit gecté et rué de gict tachant en frapper et
[119] bleczer
ledit Tanguy. Et le lendemain, celuy de Corville
pour raison
[120] desdites playes et coups ou estoit deffault de
troictement et pensement,
[121] alla de vie a deceix. A raison de quoy, les officiers de justice dessus
[122] les lieux,
procederent a
enquestes d'office
dudit cas et dempuis apres
[123] avoir esté
ledit Tanguy constitué prisonnier
audit Rennes, a liberallement
[124] confessé
ledit cas et homicide de la
maniere cy-devant declarer,
remonstrans
[125] lesdits suplians que ledit Tanguy est jeune
gentilhomme chargé de
femme et
[126] enffans et
que jamais
auparavant n'avoit faict cas
repprochable ne
[127] esté reprins
par justice ; toutesfoiz doubtent
lesdits suplians
que lesdits officiers
[128] procedent a rigueur de justice si
par nous ne luy est de
notre grace
[129] sur ce pourveu, nous supplians qu'il nous plaise a ce
que dessur
[130] avoir esgard et en l'honneur et memoyre de la Passion de
notre seigneur de
[131] notre grace et
auctorité souveraine, impartir
et donner grace, remission et
[132] pardon dudit cas
audit Tanguy, tres
humblement, le nous requerans.
[133] Pourquoy nous,
etc.
Darande