09/08/1531
<140 recto>
Remission pour
[??] Cochard, la
verificacion
au
senneschal ou alloué de Rennes,
etc.
[1] Francois,
etc, a touz
presens et advenir, salut. Savoir faisons, nous
[2] avoir receu l'humble
supplicacion et requeste des parans et amys
[3] consanguinx de
notre subgect [??] Cochart, naguerres l'un de noz
[4] sergens geinneraulx de ce pays, Contenante que le jour et feste
[5] de la Penthecouste, cinquiesme jour de juign l'an mil cinq cens
[6] trante, devers le soir apres avoir
ledit Cochart souppé
[7] et prins sa refection a sa maison
et demeurance pres la
[8] rue Sainct George de
notre ville de Rennes, il s'en yssit de
[9] sadite maison sur le pavé dicelle rue pour passer le
<140 verso>
[10] temps, ou il trouva d'aventure ung nommé
Guillaume Beaufilz et ung
autre
[11] nommé Pierres Verron, boullangers, ses voysins. Lesquels
assemblement
[12] prindrent chemyn a aller soy esbatre par
ladite rue et passerent
[13] par aupres l'abbaye de Sainct George tirans sur la doufve pres
[14] la maison de la lavanderie
dudit Sainct George ou ilz se
[15] proumenerent quelque temps, chantans et s'ebatans et sans
[16] pancer en aulcun mal puix s'en allerent vers l'eglise et
[17] couvent des Carmes. Et comme ilz furent en l'endroict de la maison
[18] d'un nommé Robin Bossuet, s'en yssit dicelle maison Jehan Bossuet,
[19] filz dudit Robin, quel se randit
et mist en compaignie
desdits
[20] Cochart, Beaufilz et Verron, et en passant ouyrent des
[21] sonneurs chez ung nommé Nycollas pres la rue des Carmes,
[22] et entra
ledit Cochart ou bas de
ladite maison et pria
ausdits
[23] sonneurs qu'ilz feussent allez sonnant ovecques eulx et
[24] qu'ilz leur donneroint de l'argent ; et deffaict y allerent
[25] iceulx sonneurs
avec eulx jucques pres le pont de Sainct Germain
[26] ou ilz se departirent et s'en retournerent
lesdits Cochart,
[27] Beaufilz et Bossuet uncorre vers
ladite eglise des Carmes
[28] et passerent oultre, tirans vers
ladite Porte blanche
[29] de
ladite ville estant lors celluy Cochart apres avoir faict
[30] bonne cherre, emboyté de vin et eulx estans en l'androict
[31] du four Sainct Thomas, trouverent ung nommé Jehan Le Gay,
[32] cordonnier, quel leur dist qu'il alloyt sercher une
[33] pustain et paillarde qui y hantoyt souvent. Et entrerent
[34] en une ruelle estante en l'androit du pignon de
ladite
[35] eglise des Carmes disant
audit Le Gay quelqu'un d'eulx n'est
[36] ledit Cochart souvenant lequel, ce faist a raison qu'il
[37] estoyt ainsi amboité de vin comme dist est, qu'il dist
[38] baillé de l'argent pour aller boyre et par apres ouyr
[39] ledit Cochart dire que
ledit Jehan Bossuet avoyt eu
[40] quelques pieces d'argent
dudit Le Gay sans en avoir eu ne
[41] prins
ledit Cochart aulcune chose, ayans lors ceulx
[42] Cochart
et Bossuet
chacun d'eulx une espee au costé dont
[43] ilz frapperent quelques coups de plat
audit Le Gay sans touteffoiz
[44] le blecer ne qu'il y eust effussion de sange. Et dillecques
[45] s'en retournerent
lesdits Cochart , Beaufilz et Bossuet
[46] vers
ledit pont Sainct Germain tirans au
[?placecs?] dampres
<141 recto>
[47] ladite lavanderie de Sainct George ou ilz trouverent et
[48] rencontrerent troys compaignons claveuriers, l'un nommé
[49] Fristel et des aultres n'avoint congnoissance obstant qu'ilz
[50] estoint estrangiers, mays dempuix les ouyt nommes, savoir
[51] l'un Garel,
autrement dict le Lionnays, et l'aultre Bastien
[52] lesquelz fort
ledit Bastien estoint enbastonnez d'espees et
[53] mandoces. Et pour ce que d'
auctorité de justice et de
notre
[54] court de Rennes avoyt auparavant esté faict pluseurs
prohibicions
[55] et deffances a touz gens mecquanicques
* et de bas estat
[56] de non porter aulcunes espees, mandoces ne aultres bastons
[57] invasifs
* et faict commandement aux
sergens tant genneraulx
[58] que particulliers, hommes et subgectz, de les leurs hoster pour
[59] obvier aux oultraiges et ribleries et exceix qui se
[60] faisoint tant de jour que de nuyct en
ladite ville. Et a celle
[61] cause dist
ledit Cochart
ausdits Fristel et aultres de sa
[62] compaignie, jurant dieu qu'il estoy sergent et homme de
[63] justice et qu'il failloyt qu'ilz luy baillassent leurs espees
[64] et deffaict, luy bailla
ledit Fristel une longue espee qu'il
[65] avoyt au costé et
ledit appelé le Lionnays, bailla une
[66] mendoce qu'il avoyt
audit Bossuet et surtant se print
[67] ledit incongneu appellé Bastien a s'encourre vers
ledit pont Sainct Germain
[68] et apres luy allerent
lesdits Bossuet et Beaufilz et
[69] bientost apres s'en retournerent ceulx Bastien ,
[70] Beaufilz et Bossuet au lieu ou estoint demourez
lesdits
[71] Cochart, Fristel et le Lionnays ; quel Bastien incontinent
[72] qu'il fut arrivé, cheut a terre et luy ainsi tumbé celluy
[73] Beaufilz ayant une espee evaginee en l'une de ses mains
[74] s'efforcza en frapper
ledit Bastien de quoy faire il fut
[75] empesché par
ledit Cochart lequel visita
ledit Bastien
[76] et voyt qu'il estoyt bleczé ou vantre ayant une playe
[77] dont yssoyt grant effusion de sange. Quoy voyant celluy
[78] Cochart fut troublé et constitué en grande paour et
[79] craincte pour
ledit cas et s'en retourna a sa maison.
[80] Et tant pour la paour qu'il avoyt et mesmes a
raison
[81] du vin qu'il avoyt beu oultre mesure, il ne se advertit
[82] ne eust souvenance de randre et restituer
lesdites
[83] espees et mendoce
desdits Fristel et le Lionnays.
[84] A raison de quoy, craignant et doubtant rigueur
<141 verso>
[85] de justice a
ledit Cochart dempuix tenu franchisse ou couvant
[86] des Cordeliers
dudit Rennes et
ledit Beaufilz fut par apres prins
[87] d'
auctorité de
notredite court de Rennes et pour celuy cas et
[88] et aultres malleffices par luy commis a esté executé par justice.
[89] Et depuix a esté
ledit Cochart ajourné par une foiz a instance
[90] de
notre procureur dudit Rennes sur le cas auquel aiournement
[91] il n'a aussé comparoir. Si nous remonstrent
lesdits
[92] supplians que auparavant
ledit cas
ledit Cochart n'avoyt
[93] james esté par justice, acusé ne actaint d'avoir faict
[94] ne commis aultre malleffice ne chosse disgne de
[95] pugnission et qu'il estoyt bon ouvrier du mestier
[96] de drapperie bien vivant et se gouvernant
auparavant
[97] celluy cas avenu. Nous supplians qu'il nous plaise
[98] y avoir esgard et en l'honneur de la Passion de
notre Sr
[99] lui remectre, quicter et
pardonner ledit cas et comme
[100] dessusdit et sur celuy
impartir noz grace et remission
[101] et pardon, tres humblement, le nous requerans.
[102] Pourquoy, nous.
Darande