12/08/1531
<142 recto>
Remission pour Jehan Mouset, la
verificaction dirigee
aux
juges de
Rennes dont la teneur ensuilt.
[1] Francois,
etc, a tous presens et advenir, nous avoir receu l'humble
supplicacion
[2] et requeste des parans et amys consanguins de
notre povre subgect Jehan
[3] Mouset de la
parrouesse de Mouaise, Contenante que, comme le jour et
[4] fecte de Sainct Eloy, l'an mil cinq cens vingt quatre,
ledit Mousset
[5] fust allé ou bourg
dudit Mouaise ouquel lieu y avoyt voiaige
*,
[6] foire et assemblee de peuple, environ l'heure d'une heure ou
[7] demye avant solleil couschant, Ollivier Bessardrye, dom Jehan
[8] Bessardrye, freres germains,
ledit Mousset,
serviteur dudit Ollivier,
[9] Raoullet Hernelu et
chacun tirans leur chemyn a soy en retirer
[10] dudit lieu de Mouaise es maisons de leurs demourances
[11] estantes en la parrouesse de Chevygne vers la lande
<142 verso>
[12] Ganlterel pres et au-dessoulz
dudit bourg comme l'
environ d'un traict
[13] d'arc estant
chacuns d'eulx eschauffez de vin, disrent a pluseurs
[14] personnes
qu'ilz trouverent
oudit chemyn jurans
et blaphemans
[15] le nom de dieu qu'ilz les bapteroint comme villains. Et lors
[16] ledit Hernelu estant en chausses et pourpoint cuydans
[17] frapper ung nommé Guillaume Lorret de la
parroiesse de
[18] Melesse et l'eust frappé si par aulcuns illecq estans n'en
[19] eust esté empesché et aussi
ledit Mousset qui tenoyt ung
[20] cousteau en sa main duquel il cuyda
parreillement
[21] frapper
ledit Lorret s'il n'en eust esté
parroillement empesché
[22] parr les assistans donnans
audit Lorret pluseurs menaces
[23] et surtant
ledit Ollivier Bessardaye, maistre
dudit Mousset, s'efforcza
[24] prandre
ledit Lorret au poil ce qu'il ne peut faire mais
[25] seullement le print au collet de sa chemise et la luy descousit
[26] et frangea jucques soulz les esselles disant qu'il
[27] bapteroit
ledit Lorret quel eschappa
et s'en alla son
[28] chemyn sans luy touscher ne faire mal ne desplaisir
[29] aultrement. Et sur tant
lesdits dom Jehan et Ollivier Bessardaye
[30] et ung nommé Thebaud Tyret
qui se trouva
oudit chemyn
[31] assemblement tirerent amont
ledit chemyn auquel ilz
[32] trouverent feu Allain Prodhomme,
aultrement dict l'Archier,
[33] lequel tenoyt en l'une de ses mains une pierre sans qu'il feist
[34] contenance en voulloir frapper aulcun vers lequel Allain
[35] Prodomme marcherent
lesdits Jehan Mousset et Roullet
[36] Herneleu ; auquel Prodomme
ledit Hernelu demanda
pourquoy
[37] il tenoyt en sa main
ladite pierre luy disant qu'il la eust
[38] gecter a terre ce qu'il feist liberallement, et sur tant
[39] et en l'instant
ledit Hernelu print
ledit Prodomme au poil
[40] et le gecta contre terre et apres qu'il fut tombé, le
[41] prindrent aux cheveulx
lesdits Hernelu, Mousset
et deux
aultres
[42] nommez Jehan Jouannolles et Guillaume Girard qui
parreillement
[43] se trouverent
oudit chemyn et le traynerent
par les cheveulx
[44] et luy donnerent pluseurs coups et collees tant de poing
que
[45] de pié et apres qu'ilz l'eurent ainsi trayné et battu,
ledit
[46] Prodomme se releva
parr l'ayde que luy firent aulcuns illecq
[47] assistans
et cuydant tiré son chemyn a s'en aller
<143 recto>
[48] lesdits Mousset
et Hernelu derechef reprindrent
ledit Prodomme
[49] aux cheveux
et le abatirent et luy donnerent pluseurs coups
[50] et collees et bien pres
dudit conflit comme d'environ ungt
[51] gict de pierre ou moins, estoint
lesdits Ollivier et dom Jehan
[52] Besardaye arrestez
oudit chemyn et a ce que
lesdits Thebaud,
[53] Tirret et Guillaume Loret voullurent aller vers
[54] ledit debat disans qu'ilz voulloint aller pour empescher
[55] que
ledit feu Prodomme n'eust esté meurtry, baptu ne oultraigé
[56] ledit Ollivier Bessardaye les empescha leur disant
celluy
[57] Besardaye qu'ilz ne yroint point et
i[sic] en icelluy
[58] conflict et debat
ledit Mousset ayant ung cousteau
[59] nud
et evagina en l'une de ses mains frappa troyz coups
[60] sur
ledit Prodomme l'un ou vantre, l'autre en l'espaulle
[61] et l'autre en une cuysse et fut relevé
ledit Prodomme
[62] par aulcunes personnes illecq estans taschans
[63] soy en aller et derechef fut par
ledit Hernelu prins
[64] au poil
et gecté contre terre en le foullant
avec les
[65] genoux et piedz et apres avoir esté ainsi cheu, ceulx
[66] Mousset, Hernelu, Girard
et Jouannolles le baptoint les ungs
[67] des piedz, les aultres des mains et luy arrachoint
[68] et tiroint les cheveulx. Et a
cause desdits exceix,
[69] faucte de
pancement ou aultrement, ainsi que depuix
ledit
[70] Mousset a ouy dire,
ledit Prodomme mourut
et decebdat
[71] landemain
dudit jour. A raison desquelz cas, a esté
[72] procedé a enqueste d'office par noz officiers de Rennes
[73] et dempuix ce,
ledit Jehan Mousset s'est rendu fugitif
[74] et absenté de crainte d'estre prins pour
ledit cas et
[75] aprehandé de justice. Nous remonstrans oultre
lesdits
[76] supplians que
ledit Jehan Mousset est jeune homme,
[77] laboureur de terres, bien vivant
et de bon rest et
[78] gouvernement, sans jamays avoir esté reprins, accusé
[79] ne suspeczon ne d'aultre mauveix cas, lequel Jehan
[80] Mousset a encorres son pere vivant estant
[81] d'asge presque decrepit auquel
ledit Jehan son filz
<143 verso>
[82] pourroyt subvenir pour soy nourir et entretenir ce qu'il
[83] ne peulx faire obstant sa fuyte et crainte d'estre
[84] prins et aprehandé par justice. Nous
supplians
[85] qu'il nous plaise a ce avoir esgard et impartir
[86] noz lettres de grace, remission
et pardon
dudit cas
audit Jehan
[87] Mousset, tres humblement, nous requerant icelles.
[88] Pourquoy nous
lesdites choses considerees,
etc.
Pelerin