Lettre n° 42

19/08/1531

<146 recto>
Remission pour Bertran Besoullail de la parroisse de Tredannel,
la verifficacion adressee au seneschal de Rennes.
[1] Francois, etc, savoir faisons, a touz presens et advenir, nous avoir
[2] receu l'humble supplicacion et requeste des parens et amys consanguins
[3] de notre pouvre subgect Bertran Besoulail de la parroisse de Tredaniel
[4] en l'evesché de Saint Brieuc soulz notre juridiction de Moncontour,
[5] Contenant comme ou mois de juing derroin, ledit Besoullail fust
[6] allé a une foire laquelle fut et a acoustumé estre
[7] celluy mois ou lieu nommé et vulgairement appellé
[8] Crestramble, es parties de Quintin, ouquel lieu trouva
[9] une jument en poil bayart atachee a ung buysson
[10] quelle jument il desatacha et icelle print et
[11] conduisit ou travers ladite foire et dillecques la mena
[12] quelques briefz jours apres jucques en la ville de
[13] Sainct Meen de Guel ouquel lieu a jour de foire ou marché
[14] celluy Besoullail la vendit la some de cent dix soulz monnaie
[15] quelle jument, ainsi que l'est venu a congnuissance desdits exposans
[16] estes et apartenoit a une nommee Marguerite Loz du village
[17] de Kerdrien en la parroisse de Bocho laquelle
[18] et autres en son ayde poursuyvant lesdits Besouleil et
[19] jument jucques ou bourg de Saint Launeuc a distance
[20] dudit Saint Meen d'environ deux lieues et parrtie des
[21] gens de la campagne dicelle Marguerite en feyrent
[22] poursuyte jucques oudit lieu de Saint Meen ouquel lieu
[23] ne le trouverent jucques au retour que ledit Besoullail
[24] faiste dudit lieu. Et il arrivé audit bourg de Saint Launeuc
[25] fut illecq accusé par ladite Marguerite d'avoir prins et desrobé
[26] ladite jument quelle Marguerite en [??] du greffier dudit
[27] Saint Launeuc et fist et forma partie contre ledit Besoullail
[28] de ce avoir faict ; lequel greffier, apres avoir interrogé <146 verso>
[29] ledit Besoullail, de ne pour l'accusasion dicelle
[30] Marguerite les constitua ensemblement prinsonniers, savoir ledit
[31] Besoullail, ou chatau de La Hardouynaye apartenant a notre tres cher
[32] et amé cousin le Sr de Chataubriant, soulz notre juridiction
[33] de Rennes, et ladite Marguerite en une maison dudit
[34] bourg de Saint Launeuc de laquelle sur quelque
[35] informacion quelle a peu fere par les officiers
[36] dudit lieu, elle a esté eslargie. Et ledit Besoullail
[37] tousiours detenu oudit chatau, ferré en grosse misere
[38] et captivité vers lequel les officiers dudit lieu
[39] procedent a son proces tellement que luy ont adjugé la
[40] torture. Et a celle cause lesdits supplians doubtent
[41] que lesdits officiers veullent vers luy proceder a
[42] rigueur de justice pour raison dudit cas et prinse de
[43] jument luy advenu par cas de fortune et inconvenient
[44] de debilité d'entendre a raison de son veil aisge
[45] que est d'environ lxx ans ou plus. Sy nous remonstrent
[46] lesdits supplians que ledit Besoullail est gentilhomme
[47] ategnant et apartenant a plusieurs nobles et bons
[48] personnages de ce pais et duché, lequel auparavant
[49] le cas advenu ne avoit esté actaint ne
[50] esté convaincu d'aucun cas disgne de arrection
[51] qui ains a bien et honnestement vescu le temps passé,
[52] bien famé et renommé entre tous bons personnaiges.
[53] Nous suplians qu'il nous plaise a ce avoir esgard
[54] et dudit cas impartir audit Besoullail noz lettres de
[55] grace, remission et pardon soit convenables [??].
[56] Les nous requerant. Pourquoy, etc.

Pelerin

Rémission pour Bertran Besoullail

Registre B33 Lettre n° 42

19/08/1531