09/09/1531
<156 verso>
Remission pour Michel Le Moyne,
la
verification au
seneschal et alloué de
Rennes.
[1] Francois,
etc, a tous
presens et avenir, salut.
Savoir faisons,
[2] nous avoir receu l'humble
supplicacion et requeste des
[3] parens et amys consanguins de
notre subgect Michel
<157 recto>
[4] Le Moine, natif et originaire du comté du Maine et a
present
[5] demeurant en la
parroisse de St Merve ou diocese de
Rennes,
[6] chargé de femme
et enfans,
Contenant que le jeudy
apres la
[7] feste de Penthecoste
derniere,
ledit Le Moine fist boulangier
[8] de la farine pour
faire du pain tant pour soy nourrir
et substancter
[9] que sa femme, enfans et gens de sa famille. Et
comme environ une
[10] heure
auparavant la nuyct suivante
dudit jour icelluy Le Moine
[11] mist
et enfourna
sondit pain en ung four estant ou villaige
[12] de La Brosse en
ladite parroisse de Sainct Merve et environ
[13] demye heure de nuyt donna
ledit Le Moine charge a Julienne
[14] Galicher, sa
chambriere et
serviteure d'aller
audit four
et tirer
[15] ledit pain lequel
ledit le Moine y avoit enfourné. Ce que
[16] ladite chambriere reffuza
fere et aller seule pour la nuyct qui ja
[17] estoit venue ; par quoy convint
audit Le Moyne y aller
[18] avec ladite Julienne laquelle marchoit devant et lors qu'elle
[19] fut arrivee
audit four dist et profera audit Le Moyne
[20] sondit maistre telles ou semblables
parrolles :
« Mon maistre,
[21] voyez y la palle au four ! on a desrobé notre pain. » Oyant
[22] lesquelles
parrolles,
ledit Le Moyne hasta ses pas, droit
[23] audit four et dist a
ladite Julienne que eust regardé
[24] environ
ledit four
et elle verroit aulcunes
personnes et
[25] sur tant veit icelle Julienne quelque personne a elle
[26] incongneue et lors dist
oudit Le Moyne :
« Mon maistre,
[27] voyez la le larron qui a desrobé notre pain ! » Et incontinent
[28] veyt icelluy Le Moyne ung nommé Georges Barrier qui
[29] s'enfuyoit droit a une piece de
terre nommee La Perrine
[30] pres
ledit villaige de La Brosse tenant ung pain festiz
entre
[31] ses braz. Quoy voyant
ledit Le Moyne commencza a
[32] marcher droit
audit Barrier et le
[?acorsceut?] a l'entree
[33] de
ladite piece de
terre distante long
dudit four environ
[34] ung giet de boulle. Et il arrivé
audit Barrier dist que
[35] eust laissé
sondit pain, a quoy
ledit Barrier luy dist et
[36] respondit que non feroit, luy donnant grandes
[37] menasses que s'il le poursuyvoit qu'il le
[38] tueroit, marchant
tousiours aval
ladite piece de
terre
[39] ayant ung cousteau nud en l'une de ses mains.
<157 verso>
[40] Neantzmoins quoy
ledit Le Moine luy dist derechef qu'il eust a luy
[41] rendre son pain ou aultrement que il le luy feroit rendre,
[42] criant icelluy Le Moyne a haulte voix :
« A l'ayde ! les larrons
[43] s'en vont avec mon pain. » Et voyant icelluy Le Moyne que
[44] celluy Barrier ne voulloit non obstant tout ce luy bailler
[45] sondit pain, se print
ledit Le Moyne
avec ledit Barrier et
[46] luy abatit
ledit pain a terre. Quoy voyant
ledit Barrier
[47] s'esforcza fraper
ledit Le Moyne du costeau qu'il tenoit
[48] en
sadite main et le saesit et print au collet de sa
[49] robe. Quoy Le Moyne soy voyant ainsi saesy et
[50] de crainte
que ledit Barrier l'eust frappé de
sondit cousteau
[51] icelluy Le Moyne print song petit cousteau qu'il
[52] avoit pendu a sa seincture et l'evagina disant audit
[53] Barrier
que s'il s'esforczoit plus de reprandre
sondit pain
[54] et luy
fere oultraige
que il le reculleroit bien ;
neantzmoins
[55] tout quoy
ledit Barrier s'esforcza frapper dudit
[56] coustau
ledit Le Moyne
et prandre par force
[57] et
violence sondit pain estant tombé a terre
comme dit
[58] est, et sur tant
ledit le Moyne tout eschauffé
[59] et collere frappa de
sondit cousteau deux coups sur
[60] les corps et membres
dudit Barrier. A raison
[61] desquels coups
ledit Barrier tomba a terre, apres
[62] quoy soy ensaesina
ledit Le Moyne de
sondit pain et
[63] s'en retourna en sa maison. Et le lendemain au matin,
[64] retourna en
ladite piece de terre au bas de laquelle
[65] trouva mort
ledit Barrier. Touteffoiz doubtent
[66] lesdits supplians que a raison
desdits coups
ledit Barrier soit
[67] mort et decebdé, nous remonstrans oultre
lesdits suplians
[68] que
ledit Le Moyne ne pensoit oultraiger de la
[69] maniere ledit Barrier et que jamais
ledit Le Moyne
[70] ne
commist ne
perpetra aultre maulvais ne villain cas
[71] que le
present. Nous supplians
lesdits exposans qu'il nous
[72] plaise
dudit cas
commis par
ledit Le Moyne
<158 recto>
[73] en chaulde collee luy impartir
et octroyer nos
lettres
[74] de grace, remission et pardon, tres humblement,
[75] le nous requerant. Pourquoy nous,
etc.
Darande