27/09/1531
<169 verso>
Remission
pour Pierres Lorens, la
verification au
senneschal de Rennes.
[1] Francois,
etc,
savoir faison a touz
presens et a venir, nous
avoir receu
[2] l'humble
supplication et requeste des parens et amys consanguins de
notre
[3] pouvre subgect Jehan Lorans,
Contenant que le sabmadi
neuvieme jour du
present
[4] moys de septembre, estant allé
celluy Lorans en la ville de Marcille
pour
[5] aucuns ses asfaires, ou y avoit
celluy jour marché en
celle ville. Et
[6] comme environ troys ou
quatre heures d'apres medi
dicelluy jour estant
[7] celluy Lorans assys soulz ung porche estant au-
devant de la
[8] maison d'un nommé Jehan Gibaud tenant taverne et
maison
[9] publique asses pres de l'uisserie
dicelle maison, se rendut soubz
[10] ledit porche ung nommé Jehan Horlande
et lequel, assez en rudes et fieres
[11] parolles parlant audit Laurens luy dist :
« Poyez pinte, belistre ! » A quoy celuy Laurens
[12] respondit qu'il ne payeroit riens pour lors, disant
audit Horlande qu'il
[13] avoit assez beu ; se
approcha lors
ledit Horlande
dudit Laurens et print
[14] le chapeau
que avoit celuy Laurens sur sa teste et en jurant dieu
[15] lui dist que si feroit, qu'il payeroit pinte. Lors derechef
respondit ledit
[16] Laurens jurant sa foy
que non feroit, qu'il ne payeroit riens et
[17] demonstrant
ledit Orlande
avoir vouloir et affection d'
avoir querelle et
[18] different avec
ledit Laurens, se mist a le injurier appellant
[19] celuy Laurens : belistre, torte
* gulle
*, et luy disant qu'il n'estoit
[20] qu'un hayre, villain ; disant
lesquelles injures, gecta le chapeau
[21] dudit Laurens
contre terre le boullant avec les piedz, faisant
[22] contenance le vouloir jecter en de l'eau et faige estant pres
dudit
[23] porche, dist lors
ledit Laurens
audit Horlande qu'il eust lessé
[24] cela et qu'il eust jecté
sondit chapeau en
ladite faige oucquel
<170 recto>
[25] s'en repertiroit. Lors fut
par aucunes
personnes qui
audit lieu estoit
[26] ledit chapeau, levé et rendu
audit Laurens, se
approcha lors
ledit Orlande
[27] dudit Laurens faisant
contenance celuy Orlande vouloir fraper
ledit Laurens
[28] continuant de l'injurier faisant
ledit Orlande
[??] et blaphemes du nom
[29] de dieu, dist
audit Laurens qu'il s'en repentiroit et print derechef
[30] le chapeau
dudit Laurens qu'il avoit sur sa teste et iceluy jecta
[31] contre terre et de l'un de ses piedz frappa
ledit Laurens dont l'ataignit
[32] envyron l'un de ses genoulx. Et se voyant
ledit Laurens injurié
[33] dudit Orlande et voullant repulser l'outraige
que luy faisoit
[34] tira une espee qu'il portait a son cousté, mise qu'il avoit de
[35] coustume
fere auparavant ne pensant toutesfoiz en bleczez
ledit
[36] Orlande, mais du plat dicelle le
fere soy reculler, soy
approcha
[37] dudit Orlande
dudit Laurens et avynt
par cas de fortune et
[38] inoppiné
que ledit Laurens de l'estoc de
sadite espee donna une
[39] collee de
sadite espee
audit Orlande dont il l'ataignit
[40] au-dessoulz de la memelle du costé gauche, se escrya lors
[41] ledit Orlande disant qu'il estoit mort, chemyna
quelque peu puis
[42] tost apres, cheut et tomba contre terre et
soudainement rendit
[43] l'esprit. Et sur
ledit cas, fut
ledit Lorens prins d'auctorité de
ladite court
[44] de Marcille, mys et constitué prisonnier es prisons dicelle court.
[45] Et dempuys a esté dicelle court retiré
par les officiers de La
Rigaudiere,
[46] a raison qu'il est homme justiciable dicelle court et pour
ledit cas
[47] ledit Lorens detenu en estroictes prisons en grand
misere et povreté.
[48] Si nous remonstrent
lesdits supplians
que ledit Lorens est viel et
[49] ancien homme attaignant de lignaige a
pluseurs bons
personnages
[50] gentilzhommes et d'estat se estant
auparavant bien traicté et
[51] gouverné, sans
avoir esté reprins, actaint ne
convaincu d'aucun
[52] mauvays cas, hantant les
compaignyes de bons et fameux
[53] gentilzhommes dudit cartier ayant eu
pluseurs charges ou il s'est bien
[54] et
vertueusement acquité. Et craignent
lesdits supplians que lesdits
[55] officiers de la
Rigaudiere veullent a raison
dudit cas,
proceder a
[56] rigueur de justice contre
ledit Laurens, si
par nous ne luy est
[57] imparty noz
lettres de grace et remission, nous
requerant
[58] tres humblement
icelle. Pourquoy nous,
etc.
Pelerin