1er février 1530 [01/02/31]
<13 verso>
Remission pour
Pierre Bressal de
homicide
commis en la
personne de
Herve Bertou, la
verificacion au
senechal
de Lesneven.
[1] Francois,
etc, a tous
presens et a venir, savoir faisons,
[2] nous avoir receu l'humble
supplicacion et requeste des parens
[3] et amys de Pierre Bressal, pouvre
gentilhomme, Exposans
[4] que ledit Bressal s'en retournant ou bourg de la Rochelasme
<14 recto>
[5] le penultime
jour de juillet dernier, auquel lieu celuy
jour
[6] il, sa
femme estoint allez a la foire, trouva en son chemyn
[7] pluseurs gens, aussi venans de
ladite foire, entre autres ung
[8] nommé Allain Le Maczon lequel Le Maczon dist
audit Bressal
[9] qu'il estoit fort yvre, quel Bressal desplaisant de ce
[10] s'adrecza
audit Maczon luy disant telles ou semblables
[11] parrolles :
« Esse a moy que tu parles ? » Et desgaigna une
[12] espee qu'il avoit et dicelle s'efforcza pluseurs foiz frapper
[13] et actaindre
ledit Maczon, de quoy il fut empesché par
[14] ung nommé Fiacre Olivier. Et lors arryva avecq eulx ung
[15] nommé Herve Bertou quel voyant que
ledit Bressal qui
[16] estoit fort emboité de vin, s'esforczoit de mal
fere audit
[17] Maczon, descendit de cheval
et s'aprocha
dudit Bressal,
[18] le print et l'abatit dessur son cheval a terre, luy osta
[19] son espee, et demanda pluseurs foiz
audit Bertou que la luy eust rendu,
[20] ce que
ledit Bertou resfucza
fere en disant
audit Bressal qu'il
[21] s'en fust allé a l'hostel et qu'il n'eust perdu
ladite espee.
[22] De quoy
ledit Bressal ne se voullut contempter
et s'esforcza de
[23] recouvrer
sadite espee
dudit Bertou luy disant telles
[24] parrolles :
« Ne vous aprochez de moy ! » Et luy rua
ledit Bertou
[25] aucuns coups de
ladite espee queulx
ledit Bressal destourna
[26] d'un poignart qu'il avoit en sa main. Sur ce, Jehanne
[27] Leliorczou,
femme dudit Breczal, seur germaine de la
femme
[28] dudit Bertou, requist
audit Bertou
ladite espee quel la luy
[29] gecta et s'en retourna vers son cheval qui s'estoit
[30] esloigné du chemyn durant
ledit debat. Et sitost
[31] que ledit Bressal eut recouvert
sadite espee de
sadite femme
[32] et estant eschauffé
et fort courroucé d'avoir ainsi
[33] esté abbatu de cheval et mal trecté par ledict
[34] Bertou et que son espee luy avoit esté ainsi ostee
[35] par force par
ledit Bertou, alla
ledit Bressal appres
[36] ledit Bertou et luy rua ung coup d'estoc seullement
[37] duquel il actaignit
ledit Bertou en la cuysse dextre
[38] et surtant s'en retourna
ledit Bressal et laissa
ledit
[39] Bertou ainsi bleczé ; quel bientost apres mourut
[40] ou grant chemyn ou il avoit esté bleczé, ainsi
[41] que depuis a ouy dire
ledit Bressal par desfault de
pencement
[42] ou
aultrement. Nous remonstrans
ledit supplians que
lesdits
[43] Bressal, sa
femme et Bertou avoint esté ensemble boyre
[44] en
ladite foyre et n'avoint eu aucun debat l'un a l'autre
<14 verso>
[45] ne
auparavant consceu hargne ne inymitié ensemble
[46] et que
ledit Bressal a tousiours esté bon
gentilhomme
[47] sans
avoir esté reproché ne actaint d'aucun villain,
[48] ne mauvais cas et qu'il a grant charge
[49] d'ensfens et est pouvre
et carant de biens. Toutesfoiz,
[50] est
gentilhomme quel nous a tousiours servy en
[51] noz guerres et encore est en
[?bonne?] disposition
[52] pour ce
fere. Nous supplians ains
* impartir
audit Blessal noz
lettres de grace, remission
[54] et pardon tres humblement le nous requerant.
Et pourquoy
[55] nous,
etc, la
verifficacion a la court de
[56] Lesneven.
Rocaz