01/10/1531
<175 verso>
Remission pour Michel Morin
de laronerri, la
verificacion aux juges de
Rennes.
[1] Francois, par la grace de dieu, roy de France,
etc,
[2] a tous
presens et advenir, savoir faisons, nous avoir
[3] receu l'humble
supplicacion et requeste des parens et
[4] amis consanguins de
notre pouvre subgect Michel
[5] Morin a
present detenu prinsonnier par la court de
[6] Tinteniac,
Contenant que des environ le moys
[7] d'octobre l'an mil cinq cens trante et quequessoit
[8] puis l'an
derroin,
ledit Morin estant pouvre et necessiteux
<176 recto>
[9] et ayant charge de femme
et plusieurs petitz enfans,
passant
[10] chemyn tirant a aller et s'en retourner de
notre ville
[11] de Rennes a sa maison
et demeurance qu'est en la
parroisse de
Saint
[12] Judoce ou diocese de
Saint Malo, trouva en une piecze de
[13] terre
estant a
distance de
notredite ville de Rennes d'environ
[14] une lieue, ung cheval en poil
[?rouen?] qui bien valloit
[15] et povoit valloir soixante soulz
monnaie quel cheval
[16] il a depuis ouy dire estre a ung
nommé Olivier Guehevene
[17] quel cheval il conduisit et mena en sadite maison ou
[18] il a tenu
et gardé pour quelque temps jucques
[19] auparavant la feste
Saint Berthelemy derroine
duquel
[20] temps et
auparavant ladite feste,
ledit Morin par
indigence,
[21] necessité
et pouvreté, bailla
ledit cheval a ung
nommé
[22] Jehan Peigne quel bailla a icelluy Morin
pour recompence
[23] une jeune genice
et oultre doze soulz six
six[sic] deniers
[24] en monnoye. Et par apres scavoir
ledit jour et feste
[25] de Sainct Berthelemy,
ledit Peigne mena
et conduysit
ledit
[26] cheval en la ville
dudit Tinteniac en laquelle y avoit
[27] celluy jour foyre et marché
pour icelluy cheval
[28] exposer et mectre en vente, auquel lieu en l'endroit
[29] que
ledit Peigne avoit et tenoit,
ledit cheval tendant
[30] l'en voulloir vendre
et explecter soy trouva
audit lieu
[31] ledit Guehevene quel fist avoir
et dist vendicquer
ledit
[32] cheval ;
et deffaict fist informacion prompte qu'il
[33] estoit sien, sur laquelle informacion fut celluy
[34] Peigne par les gens
et officiers de justice
dudit lieu
[35] de Tinteniac prins
et constitué prinsonnier es prinsons
[36] dudit lieu. Quoy voyant celluy Peigne il fist
[37] remonstrance de la baillee et transport luy faictz
[38] dudit cheval par
ledit Morin quel il dist estre
[39] en
ladite ville, suppliant
estre faict serché dicelluy
[40] et deffaict a l'instigation
et pourchatz
dudit Peigne
[41] fut celluy mesme jour
ledit Morin lors estant
[42] en
ladite ville apprehendé
et constitué prinsonnier
[43] d'
auctorité de
ladite court de Tinteniac ou il a dempuis jucq
<176 verso>
[44] a
present esté
et encore est maintenant en grant misere
[45] et pouvreté, et sur
ladite detencion
et prinsonnement
dudit
[46] Morin et pour iceulx soustenir,
ledit Peigne
proposa
[47] ladite baillee et transport
dudit cheval luy faict par
[48] ledit Morin concluant vers icelluy Morin affin d'estre
[49] garenty et liberé de
ladite accusation, quelle baillee
[50] celluy Morin qui estoit pouvre homme,
comme dit est,
[51] chargé de femme
et cinq petitz enfans, n'ayant aulcune
[52] faculté de biens, sens, ny bon
entendement a soustenir
proces,
[53] craignant
et doubtant la justice, nya
et desdisit. Et
[54] en fut
ledit Peigne appoincté a prouvé, laquelle
[55] il a dempuis faict par
pluseurs tesmoings, jurez
et produictz
[56] en la
presence dudit Morin, partir desquelz il a dit
voulloir
[57] croyre. Si nous remonstrent
lesdits supplians que
[58] ledit Morin en tous ses faictz s'est bien et
honestement
[59] traicté
et gouverné sans avoir esté reprins ne
[60] accusé d'aulcun aultre cas de malefice, ains
[61] a esté bien
nommé et estimé entre les gens de bien
[62] et honneur qui de luy ont eu
congnoissance, mesmes
[63] que audit temps et deparavant
et encores ne
present y a
[64] eu
et speciallement ou quartier dont est
ledit Morin
[65] grande cherté, indigence
et necessité de biens sans
[66] laquelle
ledit Morin n'eust esté
provocqué a
fere ledit
[67] delict, duquel
ledit Morin a faict satisfacion a
[68] partie
interessee. Toutesfoiz
lesdits supplians doubtent
[69] qu'on veille procedé vers l'un par
rigueur de justice,
[70] nous
supplians qu'il nous plaise
avoir esgard a ce que
dessurs
[71] et que
ledit cas est advenu
audit Morin par pouvreté
[72] et urgente necessité et a la cherté qui a eu cours
[73] et a la petite valleur
dudit cheval duquel il a
[74] faict satisfacion
comme dit est,
impartir audit Morin
[75] noz grace, remission
et pardon, tres humblement le
[76] nous requerant. Pourquoy nous,
etc.
De Kerguern