16/10/1531
<190 verso>
Remission pour
Francois Martinet de
meurtre, la
verificacion au
seneschal de Nantes.
[1] Francois,
etc, a tous
presens,
et advenir, salut. Savoir
[2] faisons, nous avoir receu l'
humble supplicacion et requeste
Ceste grace
fut [?oté?] [??]
[?des?] [??]
[3] des parens
et amys
consanguins de
Francois Martinet de la
parroisse
[4] de Montebert, jeune
homme de le aige de xxii ans ou
environ,
[5] Contenant comme puis le premier jour de
septembre
[6] dernier, celluy Martinet
et sa
femme,
Guillaume Bebin
et
[7] Marguerite Bourcier, sa femme, Katherine Babine, Yvon
[8] Proust, menusier,
maitre Jacques Reniart,
prebtre,
et chacun
[9] assemblement s'en allerent en voyaige
* a Saint Julien de
[10] Vouvantes
et partirent
dudit lieu de
Saint Philibert
[11] et chemyn faisant beurent
et mengerent
et ensemble,
[12] faisoit grant chere
et au soir couscherent en une
[13] mesme maison et eulx arrivez
audit lieu de
Saint
[14] Julien fisrent leur voyaige et ouyrent messe
[15] en l'
eglise dudit lieu
et apres retournerent a leur
[16] hostellerie ches ung
nommé Jehan Gandovart ou ilz
[17] demourerent celluy jour a la requeste
dudit Guillaume
[18] Bebin
et d'un
nommé Mahault Pintier et en icelle
[19] maison fisrent grant
chere les ungs
avecques les
aultres,
[20] a raison qu'ilz estoint voysins
et grans amys
et diviserent
[21] lesdits Martinet
et Reniart qui estoient compaignons
[22] a une ferme qu'ilz tenoient de
Guillaume de Lespinay,
Sr
[23] du Chaffault
et de Monceaux et lesquelz de tous
[24] temps avoient hanté l'un
avecques l'aultre en grant amytié
<191 recto>
[25] et comme amys celluy Renjart avoit marié celluy
[26] Martinet avecq Isabeau de La Noé dont celluy Martinet
[27] se rendoit tenir
et grandement obligé
audit Renjart
et luy
[28] eust voulu
fere plaisir
et service a son povoir. Si estre que
[29] ung peu
auparavant lesdites nomez aller soupper
celluy
[30] soir
ledit maitre Jacques Renjart dist
audit Proust,
[31] menusier, qu'il eust apporté
toutes les brides de
leurs
[32] chevaulx en la chambre ou ilz alloint soupper
[33] asfin qu'elles ne feussent
perdues. Ce que
ledit Proust
[34] fist et lors qu'il
retourna en
ladite chambre,
celluy Proust
[35] trouva
lesdits Guillaume Babin
et sa femme, Renjart, Martinet
[36] et sa femme,
et ladite Babine qui estoint a soupper
et faisoint
[37] grant
chere, et s'adressa
celluy Proust, menuzier,
audit
[38] Martinet luy dist telles ou
semblables parrolles :
« Francois,
[39] votre cheval n'a point de lycoul, se il va apres les chevaulx
[40] de plusieurs gentilzhommes qui se sont ceans logez ; ilz se
[41] mescontenteront. » A quoy
ledit Martinet esmeu
[42] et collere d'avoir perdu le licoul de
sondit cheval et
[43] de crainte qu'il avoit
que sondit cheval fust blessé, rendit
[44] par telles ou semblables
parrolles :
« Hee ! qui la prins, par dieu ? Il
[45] en avoit ung ! » Et lors,
ledit Proust luy dist qu'il ne
[46] l'avoit point veu. Sur quoy,
ledit maitre Jacques Reniart
[47] sans avoir eu
aultre question ne differant avecq
ledit
[48] Martinet s'adressa a icelluy Martinet luy
disant en
[49] maniere effrenee telles ou
sembables parrolles :
« Pourquoy
[50] parlez-vous ainsi rudement a ce menuzier ? » Et lors,
ledit
[51] Martinet qui estoit esprins, esmeu
et collere de ce que
[52] ledit menusier luy avoit dit
et aussi de ce que
ledit
[53] Reniart s'adressoit a luy et luy portoit si rudes
parolles,
[54] se leva de dessus le banc ou il estoit assis pour soupper
[55] et alla prandre son espee qui estoit assez pres de la
[56] tableou il estoit a soupper et
[?but?] ; incontinent
ledit
[57] Reniart se leva
soubdainement pareillement dessus le banc
[58] ou il estoit assis ayant ung cousteau en sa main
et en soy
[59] adressant vers
ledit Martinet
rudement et en parrolles
[60] arrogantes luy dist :
« He ! qui m'a deslié ce foul ? »
[61] Sur quoy,
ledit Martinet craignant que
ledit Relart
<191 verso>
[62] l'eust frappé
dudit cousteau, de son espee en
[?aguide?]
[63] frappa d'estoc ung seul coup
ledit Reniart sur le
[64] gras du braz quel coup passa oultre le braz
et entra
[65] ou corps
dudit Reniart. A
raison duquel coup,
celluy
[66] Reniart s'escria disant qu'il estoit mort, ett
[67] fut celluy Reniart bien tost apres
confessé et alla
[68] de vie a trespas. Au moien de quoy,
ledit Martin fut
[69] prins
et rendu prinsonnier entre les mains de la
[70] justice de
Chateaubriend ou siege de Meleray ou
depuix
[71] il a esté
et est detenu en prison en basse fosse,
[72] ferré, a pain et a eau, a grant
misere et calamyté,
[73] et doubtent
lesdits supplians que les officiers
dudit lieu
[74] veillent
vers luy proceder a rigueur de justice. Si
[75] nous ont oultre iceulx supplians remonstré
[76] que ledit Francois Martinet estoit prins et esmeu de vin
[77] et luy
estre ledit cas advenu par malle fortune
[78] sans qu'il eust jamais consceu hayne ne
[79] inimytié
contre ledit Reniart, ains estoit grans amys
[80] et compaignons en une ferme
qu'ilz tenoint dudit
Guillaume
[81] de Lespinay
comme dist est, et aussi
comme ledit
Martinet
[82] est jeune
homme et de tout temps a esté de bonne vie
[83] et conversacion sans qu'il ayt faict ne
comis, ne
qu'il
[84] ayt esté accusé ne reprins d'
autre faict ne
comis
[85] aulcun
aultre mauveix cas digne de
reproche. Nous
[86] supplians
qu'il nous plaise dudit cas impartir et
[87] octroyer
audit Martinet noz lettres de grace, remission
[88] et pardon, tres humblement, le nous requerant.
[89] Pourquoy nous,
etc.
Darande