Copyright (c) 1999 by Nicole Dufournaud
Cette transcription a été
réalisée par Nicole Dufournaud pour son
mémoire de maîtrise
et est consultable à l'URL suivant :
http://nicole.dufournaud.net/remission/.
Si vous utilisez ce document pour une publication, prière de
référencer le mémoire de maîtrise et si vous l'utilisez en ligne,
prière de référencer l'URL du document.
This transcription has been done by Nicole Dufournaud for her
Master's Thesis
and is available at:
http://nicole.dufournaud.net/remission/.
If you use this document for a publication, please add the Master's
Thesis in the citations; if you use it online, please reference this URL.
04/11/1531
<198 recto>
Remission pour
Pierres Rommyer, demourant
en Lesneven, dirigee au
seneschal et bailly
dudit Lesneven pour
proceder a la
verificacion
dicelle aux
prochains ou segond plectz
generaulx
dudit Lesneven dont la
teneur ensuit.
[1] Francois,
etc, a tous
present et a venir,
savoir faisons, nous
avoir receu l'
humble supplicacion
[2] et requeste des
parens et amys
consanguins de
notre subgect
Pierres Rommier,
[3] homme [?portable?] claveurier, demourant en
notre ville de Lesneven,
Contenant
[4] que le xxviiime
jour de septembre
derroin,
ledit Rommier se trouva en la
[5] maison et
seigneurie de
Kermelegan apartenant apartenant[sic] a la dame de
Kerazrec
[6] pres
dudit lieu de Lesneven environ une lieue. Et
laquelle
[7] maison, il disna
ledit jour aussi y disnerent et prindrent
[8] leur reffection Jehan
Kerazerit, filz
dudit lieu de
Kerazrec,
<198 verso>
[9] Pierres Montfort
et plusieurs aultres parties, desqueulx
apres avoir
[10] disné, se prindrent a dancer en la salle de
ladite de ladite[sic]
[11] maison de
Kermelegan. Et
lesdits Jehan
Kerazerit, Montfort
[12] et Rommier se misdrent pres la fenestre de
ladite salle
[13] et
paricelle fenestre, se print
ledit Rommier a tirer
[14] d'une hacquebuce qu'il avoit
pour la devoir essayer
[15] et esmorcha
ledit Rommier
ladite hacquebute
[16] et la mist en
ladite fenestre
et y mist le feu
pour
[17] devoir tirer et
pour ce que la pouldre n'estoit
[18] bonne
ladite haquebute ne gecta
promptement la
[19] plombd qui estoit dedans et tarda quel que
[20] peu. Et cependant, de cas de fortune, ung jeune
[21] filz,
serviteur de
ladite maison,
nommé [??] Moal,
[22] de l'aige d'environ unze ou douze ans, passa
[23] par ladite court et yssue au devant
ladite fenestre en l'endroit
[24] de l'huys de
ladite salle
et comme estoit devant
ladite
[25] hacquebute, elle gecta sa plombd
et actaignit
[26] ledit Moal en l'espaulle dextre. Duquel coup
[27] tomba
par terre et troys ou
quatre heures
apres, par
[28] faulte de bon
apareil ou
aultrement, alla de vie a deces.
[29] A cause de quoy, noz officiers de
notredit court de Lesneven
[30] ont mis en
aiournement ledit Rommier rendre sur
[31] ledit cas
et homicide,
et vers luy ont obtenu
[32] aulcunes difficultes tendans le pugnir
rigoureusement.
[33] Nous remonstrans
oultre lesdits supplians que
ledit Rommier
[34] a tout son temps vescu
honnestement, estant de bonne
[35] vie
et conversaction sellon son estat, sans jamais
[36] avoir esté actainct ne
convaincu d'aulcun autre
[37] maulvais cas, nous
supplians qu'il nous plaise
[38] actendu ce que dessus et que ledit Rommier
<199 recto>
[39] n'avoit jamais eu querelle ne debat o
ledit Moal, luy
[40] remectre, quicter
et pardonné
ledit cas de mort et sur ce
[41] luy impartir nos lettres de grace, remission
et pardon,
[42] tres
humblement les nous requerantz. Pourquoy,
etc.
Darande