22/11/1531
<204 recto>
Remission pour Ollivier Meillec, la
verificacion
dirigee aux
seneschal et alloué de Ploermel
dont la teneur ensuist.
[1] Francois et a tous
presens et advenir,
savoir faisons, nous
avoir
[2] receu l'humble
supplicacion et requeste des parens consanguins
<204 verso>
[3] et amys de Olivier Meillec, filz de
Guillaume Le Meillec, de la
paroisse
[4] de Nezin en la vicomté de Rohan,
Contenant que le
derroin jour de febvrier
[5] l'an que on disoit mil cinq cens vingt neuf,
ledit Olivier Le Meillec qui
[6] est charpentier et menusier, celluy
jour bien matin, s'en partit
[7] de la maison de
Guillaume Le Meillec, son pere, lors et a
present demourant
[8] methayer a la methairie du manoir et lieu de
Kerderien en
ladite
[9] paroisse de Nezin, et print chemyn ayant ses oustilz estans en ung
[10] bisac a son coul, tendant aller besougner de
sondit mestier
oudit
[11] villaige de Bellechiere ches et en la maison de Thomas Lespine,
[12] menuzier. Et environ l'heure de solleil levé dudit jour, ledit
[13] Olivier arriva
oudit villaige de
Bellechiere, assiz pres du bourg de
[14] Noyal, au-devant de la maison de Jehan Moesan, pere de Olivier
[15] Moesan, tendant recouvrir une paire de chausses que
[16] ledit Olivier Meillec avoit
perdues et en suspectoit
ledit Olivier
[17] Moesan qui
auparavant avoit demouré
serviteur cheix
ledit Guillaume
[18] Le Meillec, pere
dudit Olivier, qui nagueres s'en estoit allé de son
[19] service. Et sitost qu'il fut arrivé
oudit villaige,
ledit Meillec
[20] trouva
ledit Olivier Moesan a l'huys dicelle maison auquel
[21] Moesan
ledit Olivier dist
par telles ou semblables parolles :
[22] « Tu as apporté mes chausses ! » A quoy
ledit Olivier Moesan
[23] luy respondit qu'il avoit menty. Sur quoy
ledit Olivier
[24] Meillec luy dist que c'estoit luy mesmes et qu'il les luy
[25] eust rendues, et donna ung soufflet de sa main audit
Olivier
[26] Moesan sur le visaige et lors
ledit Moesan s'
aprocha dudit
[27] Meillec et le print au collet de sa robe. Quoy voyant
ledit
[28] Olivier Meillec print
pareillement d'une main
ledit Olivier
[29] Moesan au collet et en l'endroit
ledit Jehan Moesan, pere
[30] dudit Olivier, yssut de
sadite maison et ce voyant
ledit
[31] Olivier le Meillec estre ainsi detenu par
ledit Olivier Moesan qui
[32] ne le voulloit lascher, doubtant estre excedé par
lesdits
[33] les Moesans
et autres qui eussent peu sourvenir au cry de
[34] force
que faisoient ceulx pere et filz sur
ledit Meillec
[35] par cas de malle fortune, tira ung petit cousteau
qu'il
[36] avoit et dicelluy donna ung seul coup en la cuisse
[37] dextre
dudit Olivier Moesan ou dedans et ou hault dicelle.
<205 recto>
[38] Et
incontinent ledit Le Meillec de craincte d'
estre prins, ne pensant
[39] toutesfoiz avoir blessé
ledit Olivier Moesan a mort, mais
[40] doubtant la rigueur de la justice, s'enfouyt
et des le lendemain
[41] dudit jour, ouyt dire que
ledit Olivier Moesan estoit allé de vie
[42] a deceix bien tost apres
ledit coup. Depuis quoy s'est
tousiours
[43] ledit Olivier Meillec absenté craignant
ladite rigueur de justice.
[44] Nous remonstrant
lesdits supplians
que ledit Olivier Meillec est jeune
[45] homme de l'aige d'environ de xxvi a xxx ans, bon
et expert
[46] oupvrier de son mestier de
charpenterie et menuserie,
[47] de bonnes meurs, bien famé et renommé en sa partie, non
[48] querelleux, ains doux
et paisible sans avoir jamais
[49] esté accusé d'aulcun maulvays cas fors celluy de
present, bien
[50] vivant de son mestier jucq
audit cas avenir
par malle fortune
[51] et sans
prepensement mais
seullement pensoit recouvrer
sesdites
[52] chausses qu'il avoit
perdues au temps que
ledit Moesan s'en estoit
[53] allé de chez
ledit Guillaume Le Meillec,
pere dudit Olivier. Nous
[54] suppliant a tout ce que dessus avoir regard et luy
impartir
[55] dudit cas noz
lettres de grace, remission et pardon, tres
humblement
[56] le nous requerans. Pourquoy nous,
etc.
Darande