29/11/1531
<208 verso>
Remission pour Bertran Pepin, la
verifficacion au
seneschal de Nantes, de laquelle remission la teneur
ensuist.
<209 recto>
[1] Francois,
etc, a tous ceulx que ces
presentes lettres verront, salut. Receu
[2] avons l'humble
supplicacion et requeste des parens
consanguins et affins
[3] de Bertran Pepin, pouvre meulnier, natiff de la
parroisse de
Saint Erblan
[4] en l'evesché de Nantes, a
present et puix neuf ans
derroins, demeurant
[5] a tiltre de ferme en ung moulin
nommé Grenoillere en la
parroisse de
[6] Fay en
notre court
dudit Nantes,
Contenant que le dimanche de la
[7] Trinité
derniere,
ledit Pepin alla en
procession o les
parroissiens
[8] de
ladite parroisse de Fay au villaige de La Pasquelaye.
[9] Apres la messe de
laditeparroisse de Fay, auquel lieu de La
[10] Pasquelaye,
ledit Pepin disna et fist grant chere en
[11] compaignie de
plusieurs gens de bien. Et
apres avoir disné
et prins sa reffection
[12] environ quatre heures
apres medy
dudit jour, comme
ledit Pepin
[13] estoit pres de la maison de
Guillaume Hemery
audit lieu
[14] de La Pasquelaye, survint ellec en la rue au-devant de la
[15] maison
dudit Hemery ung
nommé Jacques de La
Barillere,
[16] Sr de Becaumond, estant a cheval, auquel
Barrillere ung
[17] nommé Jehan Donette du bourge de Heric demanda qu'il luy
[18] eust rendu son chappeau qu'il disoit
ledit de La
Barillere
[19] avoir prins. A quoy
ledit de La
Bairillere luy dist
que ledit Pepin
[20] l'avoit. Et lors
ledit Donette s'adressa
audit Pepin et luy
[21] demanda
ledit chappeau
disant celluy Donette qu'il estoit sien
[22] auquel
Barrillere ledit Pepin dist, jurant le corps dieu
[23] qu'il n'avoit point de chappeau
audit Donette
et qu'il n'avoit
[24] aultre chappeau
que le sien qu'il portoit sur sa teste, et ce
[25] estre vroy. Et
ledit Donette dist :
« Par le sang dieu, non est ! »
[26] Et
ledit Pepin respondit
et jura le corps dieu
que ledit Donette
[27] avoit,
comme ung villain belistre, menty. Quel Donette desmentit
[28] pareillement ledit Pepin disant qu'il n'estoit point belistre et
[29] sur tant s'entreprindrent
ledit Donette et Pepin au poil.
[30] Et sur ce que aulcuns incongnuz
audit Pepin se misdrent a les
[31] departir et a desprandre et desjoindre
ledit Pepin quel
ledit Donette
[32] excedoit, fut celluy Donette tiré aux cheveux de sorte
qu'il
[33] luy faisoint besser la teste juc en terre
et s'entrebaillerent
[34] quelques coups de poingt sur la teste ; en l'endroit de quoy
[35] survint ung
serviteur du
Sr de Launay en Trelieres lequel donna
<209 verso>
[36] ung coup sur le visaige
dudit Donette. Et
apres avoir esté
lesdits Pepin et
[37] Donette
departiz,
comme ledit Pepin estoit en
ladite maison de
Guillaume Hemery
[38] oudit lieu de La Pasquelaye, encore tout eschauffé et collere d'
avoir ainsi
[39] esté oultraigé et tiré aux cheveux, vint
audit Donette qui estoit en
[40] la rue
dudit Hemery et le print derechef aux cheveux et l'abatit
[41] quasi a terre par deux reprinses,
tellement que la teste
dudit
[42] Donette luy en croissoit et luy arracha
ledit Pepin
plusieurs
[43] cheveux
quelz laissa cheoir a
terre et sur ce furent
lesdits Donette
[44] et Pepin par les assistans
departiz et s'en allerent
lesdits Pepin
et autres
[45] chacun sa voye. Et
ledit Donette, Francois Luseau, Jehan Luseau
et autres
[46] tenans le
party dudit Donette et
ledit serviteur du seigneur de Launay demeurerent
[47] ensemble et firent venir ung pot de vin
que ledit Donette
audit Pierres,
[48] serviteur surdit et
pour apres departirent lesdits Donette et
ledit Pierres apres
[49] avoir beu l'un a l'aultre et s'en allerent
ledit Donette
et lesdits Luseaux
[50] et aultres oudit Heric en la maison
dudit Donette ouquel
[51] lieu de Heric
ledit jour, le lendemain , second et tiers jours subsequens
[52] ledit Donette alloit
et venoit a ses
afferes et
dempuix, savoir
[53] le xiiiime
jour de juing et
quequessoit paravant quarante jours apres
[54] ledit debat,
ledit Donette
par deffault de bien soy regir et
[55] gouverner,
pour ce qu'il estoit excessif en boire et en
[56] menger ou
autrement, a raison
desdits exceix decebda et
[57] a l'
occasion du
pourchaz que faisoint les parens et amys
dudit Donette
[58] qu'eulx sans aulcun moien, ne mistere de justice, de leur
[59] propre
auctorité, vindrent en
ladite parroisse de Fay
pour debvoir
[60] prandre
ledit Pepin, moulnier, qui lors estoit a vespres
[61] en
ladite eglise disants ceulx parens
et amys
que ledit Pepin et
[62] autres avoint tué
ledit Donette
audit lieu de La Pasquelaye ;
[63] se tint
ledit Pepin qui est pouvre
homme et ignorant en
ladite
[64] eglise de Fay jucques au lendemain octaves du sacre durant
[65] matines qu'il se absenta, et oncque puis n'osa rosder ne
[66] habiter
oudit cartier et vers luy
comme l'on dit a esté
par
[67] les officiers de justice
desur les lieux faict
quelques esplectz et
[68] donné aulcunes deffailles. Nous remonstrans oultre lesdits
[69] supplians que lors
dudit debat
ledit Pepin estoit emboyté
[70] et eschaufffé de vin
pour la grant chere qu'il avoit
<210 recto>
[71] faict
ledit jour audit lieu de La Pasquelaye, et
auparavant
[72] ledit cas n'avoient jamais
lesdits Pepin et Donette eu aulcun
[73] debat, question ne differant
ensemble et n'avoit jamais
[sic]
[74] le Pepin, quel est pouvre
et simple
homme, chargé de
femme
[75] et troys petiz enfans,
commis ne
perpetré aulcun cas digne
[76] de reprehencion fors celluy de
present. A raison de quoy
[77] doubtent
lesdits supplians qu'on veille
procedé contre ledit Pepin
[78] a
rigueur de justice si
par nous ne luy estoit sur ce
[79] pourveu de
notre begnyne grace et misericorde.
[80] Nous suppliant qu'il nous plaise a tout ce que dessus
[81] avoir esgard et
dudit cas cy-dessus mencionné,
[82] impartir
audit Pepin noz
lettres de grace, remission
[83] et pardon, tres humblement le nous requerant.
[84] Pourquoy nous,
etc.
Darande