09/12/1531
<218 verso>
Remission
pour Jehan Charles , la
verificacion
aux senneschal,
alloué et lieutenant de Ploermel,
dont la
teneur ensuilt.
[1] Francois,
etc, a tous
presents et a venir, savoir faisons
[2] nous avoir receu l'
humble supplicacion et requeste des parens
[3] et amys
consanguins et affyns de Jehan Charles pouvre homme
[4] de labeur,
Contenant que le dimanche xxiiiime
jour de
[5] septembre dernier passé,
ledit Jehan Charles demourant
[6] en la
parroisse d'Yvignac, s'en alla en la maison du
[7] Pont Renays en laquelle Jehan Beselin tenoit
et exposoit
[8] vin en vente, prandre sa reffection avecq
aultres gens
[9] de
ladite parroisse et apres
avoir prins
sadite reffection
<219 recto>
[10] descendit ou bas dicelle maison
ledit Charles et
[11] aultres de sa compaignie ouquel lieu sourvindrent
[12] Grant Pierres
Kerede, dom Geffroy de Belle et Yllaire
[13] de Coetlan auquel Charles celluy Grant Pierres
[14] dist :
« Maintiendrez-vous les parolles que l'on m'a
[15] dit que avez dit de moy ? » A quoy respondit
ledit Charles
[16] parlant
audit Kerede « Est l'homme ceans qui vous
[17] a dit les parolles ? » sans aultrement declairer l'un a
[18] l'autre. Sur lesquelles
parrolles ledit dom Geffroy
[19] despouilla une des manches de sa robe et la
[20] ploya soulz l'un de ses bras
faisant contenance de
[21] voulloir frapper
ledit Charles dont furent
[22] departiz par Jehan Maillard et
aultres y assistans.
[23] Et s'en allerent celluy Charles,
ledit Maillart
[24] et aultres en une chambre haulte en
ladite maison
[25] et firent apporter ung pot de vin qu'ilz beurent,
[26] et apres avoir beu
ledit vin, ilz descendirent
[27] ou bas dicelle maison et s'assist
ledit Charles
[28] sur le banc estant en icelle maison vers la chemynee,
[29] survindrent
ledit dom Geffroy de Belle, Jehan de Belle
[30] et aultres, et incontinent
ledit dom Geffroy s'adressa
audit
[31] Charles luy
disant :
« A quoy as-tu ce baston ? » Et en ce
disant,
[32] ledit dom Geffroy print
ledit Charles aux cheveux
[33] et l'abatit desur
ledit banc a terre et lors se
aprocherent
[34] dudit Charles
lesdits Jehan Debelle
et Guillaume Lefebvre
[35] quelz pareillement prindrent
ledit Charles au
[36] poil et le frappoint avecques les piedz et luy mectoit
[37] ledit Jehan de Belle l'un de ses piedz sur la gorge
[38] et sur ce les assistans en la place de
ladite maison
<219 verso>
[39] leverent
lesdits de Bellez desur
ledit Charles et les
departirent.
[40] Et incontinent sortit icelluy Charles hors
ladite
[41] maison en l'ayre dicelle sans
avoir aulcun baston,
[42] et apres luy, sortit hors
ladite maison
ledit dom
[43] Geffroy de Belle qui derechef print
ledit Charles
[44] au poil et l'abatit a
terre en
ladite ayre et sur
[45] le bruyt qu'ilz fasoint, sortirent
lesdits Maillart,
[46] Jehan de Belle
et autres estans en
ladite maison
[47] qui derechef les departirent. Et ce voyant,
[48] ledit Charles deslié des mains
dudit dom Geffroy
[49] et aultres, il s'en alla hors la porte de
ladite
[50] maison et print ung baston de boys
comme
[51] ung pel de haye qu'il trouva illec pres et s'en
[52] retourna en
ladite court et ayre dont estoit
[53] yssu et trouva
ledit Jehan de Belle et tout couroussé
[54] des oultraiges luy faictz
par lesdits de Bellez, frappa
[55] dicelluy baston sur la teste
dudit Jehan de Belle
[56] deux coups tellement
qu'il tomba a
terre tout
[57] pasmé, a grant esfusion de sang. Et puis avoir
[58] ainsi frapper, s'en yssit hors
ladite porte cuydant
[59] s'en aller et en l'instant
ledit dom Geffroy ayant
[60] ung baston de boys en sa main, suyvit
ledit Charles
[61] hors
ladite porte et au-devant dicelle fut
[62] derechef assailly
ledit Charles. Et en ce
conflit
[63] et debat, se ruerent
et frapperent
plusieurs coups
[64] lesdits dom Geffroy
et Charles
desdits bastons de boys
[65] qu'ilz avoient
et par cas de fortune
ledit Charles
[66] attaignyt
ledit dom Geffroy en la teste ne sceit
[67] en quel endroit, a raison duquel coup il
[68] tomba mort a
terre et
dempuis estre tombé
[69] mort,
ledit Charles fut encores quelque peu
<220 recto>
[70] de temps au-devant de
ladite porte ayant tousiours
[71] ledit baston en sa main
et puis s'en alla a sa maison. En raison
dudit
[72] cas, craignant
rigueur de justice, s'est rendu fugitif
[73] de
ladite parroisse
et cartier de Yvignat. Nous remonstrans
[74] lesdits supplians que
ledit feu dom Geffroy de Belle estoit
[75] yvrougne, queurelleur et debatif, sans jamais avoir
[76] esté celluy Charles accusé d'aulcun mauveix cas, vivant
[77] de son mestier de laboureur
et de tannerie, chargé
[78] de femme
et de grant
nombre de petitz enfans lesquelz
[79] commendra aller a l'aulmonne, si par nous n'y est
[80] pourveu. Nous supplians
qu'il nous plaise
conceder
[81] audit Charles noz
lettres de grace, remission
et pardon
[82] dudit cas
et crime, tres
humblement, le nous requerans.
[83] Pourquoy nous,
etc.
Lescouet