13/12/1531
<222 verso>
Remission pour Jehan avoué bastard et naturel de la maison
de Cabatouz, la
verificacion au
seneschal de Lanyon ou
alloué dudit lieu.
[1] Francois,
etc,
savoir faisons a tous
presens et advenir, nous
avoir receu l'humble
[2] supplicacion et requeste des femme, parens et amys consanguins de
notre pouvre
[3] subgect Jehan avoué bastard et naturel de la maison de Cabatoux, a
present
[4] detenu en noz prinsons de Lanyon,
Contenant que au moys d'aougt dernier
[5] celuy Cabatoux estant allé a la chasse avec
plusieurs gentilzhommes de la maison
[6] de Coetfrec ou pour lors estoit
demourant en soy retornant estant lors seul
[7] faisant son chemyn a tirer ou
chateau dudit lieu de Coetfrec. Et estant pres une
[8] croix appellee la Croix aux
prebtres en la paroisse de Tonquedec, trouva
[9] oudit chemyn ung
nommé Guillaume de Treguiet estant a pied portant longue espee
[10] a son cousté et tenant la main sur la
poignee dicelle
come et eust voulu
[11] la tirer, marchant et cheminant
vers ledit Cabatoux, marmonant et disant
par
[12] entre les dents
come s'il eust donné
menaces audit Cabatoux demonstrant a ses
[13] gestes avoir volunté de sercher querelle et debat avec
ledit Cabatous. Et a raison
[14] que celuy Treguiet estoit querelleux et debatiff et coustumier de frapper
[15] en traison ceulx o lesqueulx il avoit debat et querelle, et
comme ledit Treguiet
[16] se approchoit
dudit Cabatoux, voullans celuy Cabatoux obvier a
avoir o luy
querelle
[17] et debat, luy dist
telles ou sembables
parolles :
« Passe ton chemyn, Guillaume !
[18] ou rendras l'espee que tu as. » Et sur ce eurent
plusieurs parolles provocantes
[19] a couroux et juc sur
lesquelles parolles ceulx
Cabantoux et de
Treguiet se
[20] eschaufferent et esmeurent en sorte
que ledit Treguiet tira son espee. Quoy
[21] voyant
ledit Cabatoux qui craignoit estre excedé
par ledit Treguiet
pareillement
[22] tira la sienne et picqua le cheval sur lequel il estoit
monté, et brucha
[23] ledit Treguiet tellement qu'il le fist cheors en ung fossé et de
sadite espee
[24] qu'il avoit evaginee en tombant celuy Treguiet ou
autrement donna
[25] audit Treguiet ung seul coup dont il l'ataignit sur le genoul dextre.
[26] A raison duquel coup luy fist playe dont yssit sancg et ousta
audit
[27] Treguiet l'espee qu'il avoit, laquelle
ledit Cabatoux emporta avec luy
[28] et
dudit lieu se departit
ledit Cabatoux tirant son chemyn
audit chateau
[29] de Coetfrec. Et en s'en allant pres
dudit lieu ou avoit esté
leurdit debat,
[30] ledit Cabatoux appella des gens qui estoint pres et envyron
dudit chemyn
[31] et lieu leur disant
que celuy Treguiet estoint tombé
oudit fossé et blessé
[32] et qu'ilz fussent aller le relevez et
que sur sa playe ilz eussent mys
[33] de la fiente chaulde de porceau et s'ilz n'en povoint trouver qu'ilz
[34] eussent prins de la froide et icelle eschauffee et mise sur la
[35] playe et
que se luy eust faict grant bien qui estoit chose fort
[36] humaine. Et pour demonstré que
ledit Cabatoux n'avoit et mit
uncques
[37] voulloit ne intencion de occire ne meurtrir
ledit Treguiet qui de long
[38] temps estoit mallade de la grosse verolle et
tellement detenu dicelle
<223 recto>
[39] en
plusieurs endroictz de son corps que on veoyt de ses ossemens et
combien
[40] que
oudit pays et quartier
dudit Lanyon l'on estimoit et estoit chose presque
[41] toute notoyre que celuy Treguiet ne viveroit gueres pour
cause de
ladite
[42] malladie, est advenu
que dix ou doze jours apres
ladite playe et
rencontre
[43] celuy Triguet est allé de vie a deceix, ne scevent
lesdits supplians si
[44] ce a esté a
cause de
ladite playe ou de
ladite maladie ou
par faulte de bon
[45] pensement ou
autrement. Au moyen duquel cas noz officiers
dudit Lannyon
[46] ont
procedé a enqueste d'office contre
ledit Cabatoux
dudit cas
contre lequel
[47] ilz ont decreté
adjournement personnel et
par arrest et deffaulx sur luy impetrez
[48] et tellement esplecté
que par eulx a esté prins et emprisonné
esdites prinsons
[49] ou il est detenu en grant
misere, et craignent et doubtent
lesdits suplians
[50] que lesdits officiers veullent a raison
dudit cas
proceder a rigueur de justice
[51] contre
ledit Cabatoux qui est chargé de femme et enffans. Si
par nous
[52] ne luy est
imparty dudit cas noz
lettres de grace et remission et
pardon
[53] nous requerant tres
humblement icelles leur conceder. Pourquoy nous,
etc.
Pelerin