23/12/1531
<227 recto>
[1] Francois,
etc,
savoir faisons a tous
presens et a venir, nous avoir
[2] receu l'humble
supplicacion et
requeste des parens et amys
consanguins
[3] de
notre subgect Noel Piel de la
parroisse de
Romaigne en
notre
[4] juridiction de Foulgeres,
Contenant que ou moys de janvier dernier
[5] eut ung banquet et assemblee de peuple au lieu et methairie
[6] de La Chappelle Sainct Estienne
apartenant au
Sr de La Marche Moulin
[7] Blot en
ladite parroisse de Romaigne, a raison des nopces et
espouzailles
[8] que en celluy
jour avoient esté
fectes d'un
nommé Jehan Fauvel
[9] et Jainyne Botes, fille de
Guillaume Botes, methayer
audit lieu
[10] de La Chappelle. Auquel bancquet
et assemblee avoit grant
[11] nombre de peuple
jucques a
quatre vingt ou cent
personnes
[12] ou environ, tant des parens
dudit mariez que
aultres leurs amys
[13] et invytez
audit banquet,
entre lesquelz estoient ung
[14] nommé Allan de Benay et
Guillaume de Benay, son filz, et
[15] Moricette du Heil,
femme dudit Allan de Benay, quelle
[16] Moricette est mere
dudit Fauvel, nouveau marié.
Et aussi,
[17] estoit
ausdites nopces et bancquet
ledit Noel Pyel
pour
[18] qu'il y avoit esté invyté de la
part dudit Fauvel,
[19] a la raison de la proximité de la
demeurance d'eulx
[20] et qu'ilz estoient methayers d'un mesme
Sr. Et
[21] apres que les dessus
nommez et plusieurs et grant
nombre
[22] des assistans
audit bancquet eurent faict grant
[23] chere et fussent encores lors demeurez jucq a la nuyt
[24] qu'il fut heure de soupper, leur fut preparé a souper
[25] en la grange
dudit lieu et methaerie de La
Chaple ou
[26] avoient disné. Et
apres avoir souppé
et faict bonne
chere,
[27] se leverent grant
nombre desdits assistans
pour aller
[28] dancer au son d'un rebec
* d'un
nomé Guyon Guerrant
[29] illec
present et deffaict s'assemblerent
plusieurs et firent
[30] une dance en
ladite grange ou milieu de laquelle
[31] estoit
ledit Guerrant qui sonnoit
dudit rebec
et quelques
autres
[32] de la compaignie qui tenoit la chandelle allumé et
[33] leur esclairoit en
ladite dance en laquelle estoit
[34] entre aultres ledit Pyel et
pareillement y estoit
et danczoit
<227 verso>
[35] ledit Guillaume de Benay, filz
dudit Allain, mary de la
mere dudit
[36] nouveau marié.
Et ainsi
qu'ilz danczoient,
ledit Piel qui
[37] estoit moult eschauffé de vin, a raison de la bonne
chere
[38] qu'il avoit
fecte oudit bancquet, dist par telles ou
semblables parrolles
[39] audit Guerrant en jurant le nom de dieu :
« Tu n'es que
[40] ung questeur et herre ! » Et qu'il ne sonnoit rien qui valist.
[41] Et fut
ledit Pyel
[?meu?] a dire
lesdites parrolles pour ce qu'il ne
[42] povoit dancer
et luy
sembloit en son vin
qu'il tenoit au
[43] sonneur. Et alors
ledit sonneur repondit qu'il sonnoit le
[44] myeux
qu'il povoit
et qu'il disoit ce qu'il scavoit,
[45] laquelle
reponse dudit sonneur ouye,
ledit Piel se
[46] contenta dicelluy sonneur sans plus
avoir aultres parrolles
[47] o luy.
Et en l'
endroit desdites parrolles,
ledit Guillaume de Benay
[48] qui aussi danczoit
et estoit de l'aultre parrt en
ladite
[49] dancze vis a vis ou
environ dudit Pyel, sans que
ledit
[50] Pyel luy eust dit aulcunes
parrolles, dyst en assez
[51] arrogantes parolles icelles
adressants audit Pyel
[52] que
ledit Guerrant,
sonneur, ne estoit herre
[53] ne
questeur et qu'il n'avoit point questé a l'uys
[54] dudit Pyel. Et ce voyant
icelluy Pyel
que lors
[55] n'avoit
parrolles ne debat
audit Benay, luy dist :
[56] « Le sang dieu ! qui t'en faict parler ? » Et en l'instans,
[57] sortit de ladite dance
et la traversa et en
[58] traversant abatit
ladite chandelle
que se estaignit
[59] et tira ung petit cousteau qu'il avoit et se
[60] approcha dudit Benay auquel il donna
dudit
[61] cousteau ung coup en l'estoumac ne pensant
[62] touteffois qu'il en fust advenu tel
inconvenient
[63] comme fist quel de Binay s'escria disant
[64] qu'il estoit mort et ce oyant
ledit Pyel
[65] craignant
estre prins et detenu par ceulx de
ladite
[66] compaignie et assemblee, voullant s'enfuyr
[67] et sortir de
ladite grange fut rancontré
<228 recto>
[68] assez pres de la porte et yssue dedans icelle grange
par
[69] ledit Allain de Benay qui le print et saesit au corps, le
[70] voullant tenir et arrester. A quoy evyter
ledit Pyel
[71] qui avoit encores
sondit cousteau en la main, en frappa
[72] ung coup sur le visaige
dudit Allain et l'ataignit en
[73] la bouche
pour le
fere lascher et laissa
tellement que
[74] dudit coup
ledit Pyel percza la levre et la langue
[75] dicelluy Allain et en a esté
ledit Allain au lict gisant
[76] par aulcun temps ainsi que
lesdits supplians ont ouy dire.
[77] Et
apres que
ledit Pyel fut eschappé d'
entre les mains
dudit
[78] Allain et de craincte qu'il avoit d'estre poursuy, prins et
[79] detenu, dist en s'en allant
et courant en jurant le nom de dieu
[80] que s'il y avoit
homme qui le
poursuyvist qu'il le mectroit
comme
[81] les
aultres. Et
pour ce
que le lendemain,
ledit Pyel ouyt dire
[82] que ledit Guillaume de Benay
apres avoir esté confessé estoit allé
[83] de vie a trespas, assez tost
apres ledit coup luy donné, celluy
[84] Pyel craignant
rigueur de justice, s'enfuyt
et absenta
[85] du pays
et cartier ou il n'a ozé depuis
retourner, a raison
[86] qu'il a esté averty
que par
plusieurs foiz, il avoit esté
aiourné
[87] et
convenu par
notre court de Foulgeres a
instance de
procedure dicelle
[88] sur
lesdits cas et y avoit desfailly
par plusieurs foiz. Si nous
[89] ont
lesdits supplians remonstré que ledit Piel
auparavant lesdits
[90] cas ainsi commis par
inconvenient, n'avoit jamais eu
[91] debat, hargne ne inimytié
contre ledit Guillaume du Benay
[92] et de luy n'avoit aulcune
congnoissance jucques audit jour et
[93] assemblee et n'estoit
celluy Piel querelleux, debatif
[94] ne coustumier de s'emboyter, ains estoit simple
homme,
[95] de bonnes
meurs, bien vivant
et se gouvernant
honestement
[96] extroit de bons parens
et gens de bien sellon
leurs estat
[97] et condicion sans avoir esté
auparavant reprins ne actainct
[98] d'aulcun
aultre cas digne de
reprehension. Nous supplians
[99] lesdits exposants qu'il nous plaise
desdits cas
impartir audit
[100] Noel Piel noz
lettres de
grace,
remission et pardon, tres
humblement
[101] les nous requerans.
Pourquoy,
etc.
Pelerin