30/12/1531
<229 recto>
Abolucion pour Jehan Bourgeoys de la ville de
Nantes, de laquelle la teneur ensuilt.
[1] Francois,
etc, a tous ceulx qui ces
presentes lettres verront, salut.
[2] Savoir faisons, nous
avoir receu l'
humble supplicacion des parens
[3] et amys consanguins de
notre pouvre subgect Jehan Bourgeoys,
[4] natif de
notre ville de Nantes a
present detenu es prinsons
[5] du Bouffay de
notredite ville,
Contenant que le
jour de la
concepcion
[6] de la
Notre Dame derroine passee , celluy Bourgeoys qui est
[7] jeune
homme de l'aige de xviii a xx ans s'esbatit au jeu de l'espee.
[8] Et au soir
apres soupper
ledit Bourgeoys acompaigné d'un
nomé
[9] Champyon commencza aller vers la maison du pere
dudit Bourgeoys,
[10] et en y allant ouyrent bruyt de gens aux changes
dudit Nantes.
[11] A
cause de quoy celluy Bourgeoys evagina une espee qu'il avoit,
[12] et print chemyn
pour eviter
audit bruict a la rue de la Cosserie
[13] d'acier
dudit Nantes. Et illec
rencontrerent Jehan Brumyct,
[14] Collin Grassot et une
femme, quel Crassot avoit de la
chandelle
<229 verso>
[15] allumiee, auquel Crassot celluy Bourgeoys dist quel l'eust tuee
[16] ladite chandelle ce que il refuza
fere et sur tant la tuerent
ledit
[17] Bourgeoys et Champyon, et ainsi qu'ilz s'en allerent, se trouva
[18] ledit Crassot au mylieu d'eulx et se doubtans l'un de l'autre,
[19] s'
entreruerent lesdits Crassot et Bourgeoys quelques coups
[20] d'espees et affin
que ledit Crassot s'en feust allé, disoit
ledit
[21] Bourgeoys
par telles
parrolles :
« Tuez-moi ce villain ! » et fut
[22] ledit Crassot bleczé en la teste de ung seul coup. Et
[23] des le lendemain matin fut
ledit Bourgeoys
constitué prinsonnier
[24] par auctorité de notre provost
dudit Nantes et accusé de
notre
[25] procureur dudit lieu d'avoir
neanlzmoins les
deffenses qui ont esté
[26] faictes a son de trompe, a peine du fouet des
auparavant
[27] l'an et dempuix de non porter espee et
[?sanguedede?]
[28] et qu'il avoit contrevenu et en avoit frappé
ledit
[29] Crassot. Et mesmes que puis
lesdits deffenses, il avoit
[30] porté ung sanguedede et en frappé
ung nommé
[31] Thomas juc a effusion de sang. Concluant ses faictz
[32] congneuz qu'eulx il dist estre vroiz et notoires
[33] affin que
ledit Bourgeoys eust esté
decleré avoit
[34] tor faict en contrevenant
esdites deffenses et
avoir
[35] encouru
ladite peine du fouet
pour icelle
contravencion,
[36] actendant se
avoir si
ledit Crassot eust esté en dangier
[37] de mort. Et que dempuis il a
liberallement confessé que
[38] environ le moys d'aougst
derroin a l'apres disner de
[39] ung dymanche, celluy
Bourgeoys se trouva ou bourg
[40] de Richebourg lez la ville
dudit Nantes en une
[41] taverne avecq
plusieurs compaignons de mestier et
[42] apres
avoir beu ensemble, ung
nommé Thoumas
[43] Cousturier, l'un
desdits compaignons, et
ledit Bourgeoys
[44] eurent quelques parolles de rigueur
ensemble
[45] tellement que celluy Thoumas saesit
ledit Bourgeoys au
[46] poil et le frappoit du poing. Quoy voyant
[47] celluy
Bourgeoys qui estoit
et est moindre d'aige de
[48] force et de corps que
ledit Thomas, evagina
<230 recto>
[49] ung sanguedede qu'il avoit a son cousté
et en frappa
ledit
[50] Thoumas
[?par?] sur l'espaulle
et au derriere ung petit coup
[51] seullement
par laquelle playe celuy Thoumas rendit
[52] quelque peu de sang et des
incontinent celluy
[53] Bourgeoys craignant
ledit Thoumas
estre en dangier de mort,
[54] soy absenta de la compaignie et se rendit en franchise
[55] en l'
eglise de
Saint Anthoine de Padou pres
notredite ville.
[56] Combien que a la verité la playe ne feust grande
[57] ne mortelle, ains petite et n'en est
[58] point
ledit Thoumas mort et dempuis les parens
[59] dudit Bourgeoys ont appoincté touchant ce ovecq
ledit
[60] Thoumas. Si nous remonstre
ledit Bourgeoys que il est
[61] pouvre jeune homme du mestier de menusier, bien
[62] expert en icelluy mestier, doulx, paisible
et amyable,
[63] non rumoreux ne debatif,
que jamais ne avoit esté
[64] paravant reprins ne suspeczonné d'
avoir faict aulcun mauvaix
[65] cas et que celluy Crassot n'est en aulcune maniere
[66] en dangier de mort pour icelluy coup qu'il eut
[67] en la teste
et offre le satiffaire
et contenter de tous
[68] dommaiges sellon sa petite
puissance, et que s'il
[69] avoit encouru icelle peine du fouet
pour icelles
[70] deffenses dont
ledit Bourgeoys ne scavoit riens,
[71] ce pourroit luy cedder a grant vitupere
* et infamye
[72] et a ses parens et espoir le garder de gaigner sa
[73] vie en labeur. Nous suppliant a ce que dessus
[74] avoir esgard, quicter
et pardonner
audit Bourgeoyz, le faict
[75] et cas
dessusdit tres
humblement le nous requerant.
Pourquoy,
etc.
Dubal