4 février 1530 [04/02/31]
<17 recto>
Remission pour Julien Lucas, filz de Guyon
Lucas, demourant en la ville de Plancoet, la
verifficacion a la court de Lamballe.
[1] Francois,
etc, a tous
present et a venir, savoir faisons nous avoir
[2] receu l'humble supplicacion et requeste des parens et amys
affins et
[3] consanguins de
notre subgect Julien Lucas, filz de Guyon Lucas,
[4] demourant en la ville de Plancoet ou diocese de Sainct Brieuc,
<17 verso>
[5] contenant que le
cinquieme jour d'octobre derroin passé,
comme
[6] ung
nommé Pierre Quintin, l'un de noz sergens generaulx et
[7] d'armes se fust trouvé en la maison et
demourance dudit
[8] Lucas
audit lieu de Plancoet disant avoir certaines
lettres
[9] missives
audit Guyon Lucas de la part de Jehan Davy,
recepveur
[10] des deniers d'entree
et yssue des portz
et havres
dudit evesché,
[11] Contenant que disoit
ledit Quintin que
ledit Lucas
et Quintin eussent
[12] a visitez les uns et aultres marchandises estans es portz et
[13] havres des envyrons
ledit lieu de Plancoet et pourtant
[14] que
ledit Guyon Lucas estoit pour lors abscent de
ladite maison
[15] fut avisé entre celuy sergent general et Julien Lucas, filz
dudit
[16] Guyon
que pour l'absence dudit pere, celuy Julien yrroit avecq
[17] ledit sergent pour
fere ladite visitacion. Et des le lendemain
[18] au matin questoit le
sixième jour dudit moys d'octobre partirent
[19] dudit lieu de Plancoet, s'en allerent au port de Guildo et
[20] de la s'en allerent au havre de Sainct Cast et apres avoir
[21] faict leur
visitacion et certifficacion des vins y
arrivez pour en
[22] fere rapport au
recepveur a ce qu'il en peust avoir le debvoir suyvant
[23] leur charge, pour ce qu'ilz ne trouverent que repestre
audit havre
[24] de Sainct Cast, ils se transporterent a la ville de Matignon
[25] propincque
* de Sainct Cast pour repaistre et prandre leur
refectoire
[26] et se logerent chez
Guillaume Guehevene qui y tenoit hostelerie
[27] et eulx y arryvez,
[?repeuirent?] quelque peu actendant le soupper
[28] qui s'aprestoit. A l'endroit de quoy arryverent
audit logeix ung
[29] religieux de l'abbaye de Sainct Aulbin des Boys
et ung serviteur
[30] de l'abbé dicelle abbayee, que on appelloit Recepveur, lesqueulx
[31] ledit Julien Lucas fist boyre et bientost apres fut temps de souper,
[32] fut avisé
par l'hotesse Jacquecte Raoul,
femme dudit Guehevene,
[33] pour ce que
ledit abbé
et ses gens estoint seulz a soupper en
[34] leur chambre et pareillement
lesdits Quintin et Julien Lucas aussi
[35] seulz qu'ilz souperent avecq
ledit [sic] en
sadite chambre et deffaict,
[36] y furent envoyez par
ladite hotesse. En laquelle chambre
[37] ils trouverent
ledit abbé,
sondit religieux qui se
nommoit frere Robert
[38] Botrel,
et ledit serviteur qu'on appelloit Recepveur, appellé
[39] Julien Lommelaye,
et ladite hostesse lesqueulx
lesdits Julien Lucas
[40] et sergent saluerent et bientost apres fut la nappe mise
[41] et le soupper apporté en
ladite chambre ou les dessur
nommez
[42] soupperent
et firent bonne chere ensemble sans avoir different.
[43] Apres lequel soupper,
ledit religieux
et serviteur
dudit abbé, ceulx
[44] Lucas et Guehevene, eurent plusieurs propos
et divises joyeux
[45] et honnestes ensemble
et, par apres, partir diceulx et entre
<18 recto>
[46] autres,
ledit Julien Lucas et Lommelay dancerent, chanterent
[47] et s'en esbastrent fort
joyeusement ensemble, puix apres
[48] eurent le vin de
collacion, beurent ensemble
et prindrent
[49] congé
dudit abbé
et se retirerent ceulx
Quintin et
Lucas en bas
[50] dicelle maison ou l'on faict la cuysine, et s'en alla celuy
[51] Quintin s'en coucher
et demoura
ledit Lucas en
ladite cuysine,
[52] et par apres descendirent de
ladite chambre
lesdits Guillaume Guehevene,
[53] hoste
dudit logeix
et Julien Lommelaye et ne demeura en
[54] ladite chambre que
ledit abbé,
sondit religieux et ung lacquays
[55] a le desacoustrez. Et sur l'heure s'en partit
ledit Guehevene
[56] de
sadite maison disant aller cheix Collas Gouczon parler
[57] aux officiers de
ladite ville de Matignon qui l'avoint mandé,
[58] et demourerent en
ladite cuisine ceulx Julien Lucas et
[59] Lommelaye qui se assierent
chacun de son costé a la table
[60] estant aupres du feu en l'endroit d'une fenestre dicelle
[61] cuysine en laquelle estoint aussi
ladite Jacquecte Raoul,
[62] hostesse, Katherine Guehevene, sa fille, Bertranne Lechantoux,
[63] Renee Leclere, ses servantes, qui faisoint leur mesnage
[64] et negoces quels Jullien Lommelaye
et Julien Lucas
[65] estans
et soy tenans amyablement ensemble a
ladite table se
[66] prindrent a chanter
et soy esbatre et pour ce que ilz faisoint
[67] bruit en chantant,
ledit frere, Robert Botrel, religieux, descendit
[68] de la chambre
dudit abbé, dist
audit Lommelaye par telles ou
[69] semblables parolles que
Monseigneur,
parlant dudit abbé, luy
[70] mandoit qu'il allast se coucher a
ladite chambre et qu'il
[71] estoit couché, luy disant oultre qu'il menoit trop grant
[72] bruit
et qu'il
[?branchoit?] trop de l'
homme de bien. A quoy respondit
[73] ledit Lhommelaye que deffaict il estoit
homme de bien et
[74] en l'endroit dist
ledit Lucas par
maniere de joyeuseté et
[75] bourde
* que ung
homme de bien estoit ung houllier
*, demandant
[76] audit Lommelaye s'il estoit houllier, disant qu'il failloit
[77] dire
homme de bien
et d'honneur, et ledit religieux
[78] respondit que suffiroit dire a ung
homme qu'il estoit
[79] homme de bien de sa
personne ce que southenoit de sa
part ledit
[80] Lommelaye,
ledit Julien Lucas disoit qu'il convenoit
[81] dire
homme de bien et d'honneur et sur celles
parrolles
[82] ou autres
equivallance ledit Julien Lommelaye faisant semblant
[83] d'estre couroucé monta
soudainement en la chambre de sondit
[84] maistre et en aporta une espee en celle cuisine et,
[85] dist
audit Lucas par telles parrolles :
« Sortez dehors et
[86] je vous donneré a congnoistre que suys homme de bien. »
<18 verso>
[87] Et ce disant, yssut
ledit Lommelaye hors celle
[88] maison ayant
sadite espee nue au poign. Quoy voyant celuy
[89] Lucas qui est
gentilhomme, craignant deshonneur voullut
[90] sortir apres
ledit Lommelaye qui estoit homme de bas estat ,
[91] de quoy
fere fut empesché par
ladite hosteste et fut
ledit
[92] Lommelaye par l'une de
sesdites femmes par plusieurs foiz prié de
[93] mectre son espee ou foureau et de ne prandre querelle
[94] pour si peu de
parrolles que l'on n'estimoit que joyeuseté
[95] et le cuyda prandre l'une de celles
femmes et le meptre
[96] oudit logeix, mais
ledit Lommelaye la repoussa rudement
[97] disant qu'il n'en feroit rien. Et bientost apres, ayant
[98] tousiours
ledit Lommelaye l'espee nue au poign, tout esmeu
[99] et semblant estre encouraigé, fort couroucé contre
ledit Lucas
[100] entra en
ladite maison, quoy voyant
ledit Lucas et la
[101] rigueur des parrolles que luy proferroit celuy
[102] Lommelaye combien que celuy Lucas ne penczoit luy
[103] avoir rien dict par mal, ne pour le injuriez, ains par
[104] joyeuseté,
comme dict est,
pour resistez a la fureur
dudit Lomelaye
[105] evagina son espee tachant empescher
ledit Lommelaye de entrer
[106] sur luy et ce faisant jecterent
et ruerent l'un sur
[107] l'autre plusieurs coups
et collees et de luy diceulx
[108] de cas de fortune
ledit Lucas de l'estoc de
sadite espee,
[109] actaignit
ledit Lhommelaye en la cuysse senestre et la
[110] passa d'oultre en oultre dont eut grant efuczion de sang,
[111] et a l'instant lessa
ledit Lommelaye cheoir son espee
[112] et print
ledit Lucas au poil quel aussi fut contrainct de
[113] lesser
sadite espee en la cuisse
dudit Lommelaye pour resister
[114] a celle prinse de poil et de sa part print
ledit Lommelaye
[115] au poil et ainsi s'entretenans l'un l'autre,
ledit Lommelaye
[116] courba et baissa celuy Lucas contre la table de pres le feu
[117] dicelle cuysine et dillecques tomba sur
ledit Lucas
[118] a terre et en l'
endroit sourvint
ledit religieulx qui leva
[119] ledit Lommelaye dessur
ledit Lucas et sitost que fut
[120] levé sur bout tenant encore
ledit Lucas au poil quel soy
[121] en defist au mieulx que peut et derechef cheut celuy
[122] Lommelaye a terre d'ocasion de quoy on dit que
[123] ledit Lommelaye, bientost apres avoir eu la
benediction et absolucion
dudit
[124] religieux quel est
prebtre, alla de vie a
treppas. Nous
[125] remonstrans
lesdits suppliants que
ledit Julien Lucas est
<19 recto>
[126] jeune gentilhomme apartenant de lignaige a
plusieurs gens
[127] nobles de
cedit pais, paisible, de bonne vie
et conversacion
[128] honneste, non rumoreux, contempneur
* ne debatiff, sans
[129] jamais
auparavant avoir eu noise, question ne differend
[130] avecq
ledit Lommelaye, et
ledit cas estre sourvenu en rixe
[131] et non a propos precogité
*, nous
suppliants qu'il nous plaise
[132] y avoir esgard et diceluy cas impartir
audit Julien
[133] Lucas noz grace, remission
et pardon, tres humblement nous
[134] requerant iceulx et pourquoy nous,
etc.
De Kerguern