7 février 1530 [07/02/31]
<19 recto>
Deux remissions : l'une
pour Francoys
de Rosmadec
et l'
autre pour Jehan Lemynntier,
de l'omicide
par ceulx commis en la
personne de feu
Rolland Dollo
et la
verificacion adrecé
aux juges de Lamballe.
<19 verso>
[1] Francois,
etc, a tous
presents et a venir, salut. Receu avons l'humble
supplicacion et requeste des
[2] parens
et amys consanguins de
Francois de Rosmadec,
gentilhomme, demourant en
notre ville de
Saint ,
[3] Contenant que, le
premier jour de
janvier derroin, comme il et feu Rolland Dollo entre autres estant
[4] a souper en la maison de
Pierres Moro en
notredite ville de
Saint Brieuc, y arriva durant le souper ung
nommé
[5] Guillaume Rouxel, demourant en icelle ville, auquel
ledit de Rosmadec dist en
parolle rigoreuse qu'il
[6] ne se fust trouvé en sa voye ou que autrement il luy eust faict desplaisir. A quoy
[7] respondit celuy Rouxel
que il estoit son
serviteur, se c'estoit son plaisir
et qu'il n'entendoit jamais
[8] luy
avoir faict deplaisir
et que si ledit de Rosmadec eust voulu s'esforcer de luy
fere chose qui ne
[9] fust bonne qu'il eust mis paine de s'en desfendre au moings mal qu'il eust peu. Et
[10] lesdits Dolo, de Rosmadec
et Lemyntier
audit souppé a faict grant chere en la maison dudit Moro,
[11] sortirent dicelle
et a
ladite sortye iceluy de Rosmadec demanda audit Dollo lequel de luy ou
dudit
[12] Rouxel avoit eu le tort. A quoy respondit
ledit Dolo
que c'estoit ledit de Rosmadec et surtout
[13] iceluy de Rosmadec dist
audit Dollo qu'il estoit tousiours
contre luy
et qu'il n'aymoit point
ledit de Rosmadec.
[14] Et sur ce, eurent autres
parolles rudes ensemble sur
lesquelles ledit de Rosmadec evagina
[15] une espee qu'il avoyt, sur ledit Dollo lequel
paroillement avoit une autre espee et
pour
[16] les empescher de s'entreoultraiger ledit Lemyntyer se mist lors entreulx
et les
[17] guarda de s'entrefraper de
leursdites espees
et les leurs fist rendre
et mectre
entre
[18] les mains d'un aultre
homme estant en leurs
compaignie. Et ce faict,
ledit Lemyntier
[19] les prya
et mena boyre en la maison ou demoure Jullien Dallyer en
ladite ville en laquelle
[20] maison ledit Lemyntyer leur poya une carte de vin
et ledit Dollo poya pinte que ils beurrent
[21] ensemblement et durant ce
ledit Lemyntier s'esforcza de debvoir appoincter
et mectre a ung
lesdits
[22] Dollo
et de Rosmadec de leurs rudes
parolles et prya ledit Dollo de boyre
audit de Rosmadec,
[23] ce que fist ledit Dollo
et apres,
lesdits Lemyntier et Dollo prierent
ledit de Rosmadec de boyre,
[24] qui respondit qu'il n'eust daigné boyre pour ledit Dollo qui dist lors
audit de Rosmadec que
[25] il eust beu s'il eust volu et que s'il faisoit de l'anragé ledit Dollo eust faict
[26] du
[?foul?] et eurent
lesdits de Rosmadec
et Dollo rudes
parolles ensemble durant le temps
[27] qu'ilz beurent ches ledit Dallier
et demonstrans avoir mauvaix vouloir l'un a l'autre,
[28] ledit de Rosmadec print ung voyre
et, apres
avoir beu en iceluy, casa
ledit voyre
[29] et en jecta ung aultre contre la masiere et
incontinant ledit Dollo beut en ung
[30] autre voyre
et, des
que il y eut bu, cassa
parroillement ledit voyre
contre la muraille.
[31] Et assez tost apres,
ledit de Rosmadec sortit hors la maison
dudit Dallier
et ledit Dollo
[32] apres,
et au regard
dudit Lemyntier, il tarda
quelque peu en
ladite maison, se excusant
vers
[33] l'hotesse de l'ennuy
que il
et lesdits Dollo
et de Rosmadec luy avoint faict. Et estans
lesdits
[34] de Rosmadec et Dollo en la rue eurent
parolles de defiance l'un a l'autre qu'il
[35] commancza celuy Dollo disant
audit de Rosmadec parolles de tel ou semblable
[36] effect :
« Filz de putain, meschant, lasche qui ne viendra ou fauldra a se trouver au mollin
[37] a vent. » Duquel molin,
lesdits Dollo
et de Rosmadec ne furent, mais sur
ledit pavé
incon-
[38] tinant lesdites parolles par ledit Dollo dites, iceluy de Rosmadec tira son espee nue et
[39] courut sus
audit Dollo qui tira aussi la sienne
et s'entreruerent
plusieurs coups
[40] et incontinant sortit de
ladite maison
ledit Lemyntier lequel voyant le debat evagina
[41] son espee pour debvoir les empescher de s'entreouttraiger
et a celle fin abatit
plusieurs
[42] coups d'espee que jectoint
lesdits Dollo
et de Rosmadec l'un a l'autre et en ce faisant ledit
[43] Lemyntier rua aucuns coups d'espee pensant departir
ladite noyse et eulx troys
[44] estans ainsi ensemble ruantz de
leursdites espees, coups d'estoc
et de taille l'un
contre
[45] l'autre furent bleczer
et se trouva ledit Dollo bleczé du coup destoc duquel
[46] il fut actaint au bas du ventre pres des genitoyres par
ledit Lemyntier
[47] ou
par ledit de Rosmadec qui ruerent
chacun son coup destoc
audit Dollo en l'endroit
[48] ou ledit coup fut trouvé. A raison de laquelle bleczeure, celuy Dollo a peu
[49] d'heure appres, alla celle nuyct de vie a trespas. Si nous ont outre
lesdits
[50] supplians remonstré davantaige que
ledit de Rosmadec est jeune
gentilhomme, bien
[51] apparenté
et homme bien dispos pour nous
servir et a la chose publicque de
cedit pois
[52] et que il estoit grant amy dudit Dollo que
paroillement estoit noble homme
et onques
[53] n'avoit eu debat ne querelle a luy
auparavant ledit premier jour de
janvier derroin
[54] que advint
ledit cas de malle fortune,
et tousiours
auparavant avoit
esté ledit de Rosmadec
[55] vivant bien
et honnestement sant jamais avoir esté
reproché ne actaint d'aucun mauvais cas
[56] blasme ou reproche lors de celuy de
present, nous
suppliant lesdits exposans
audit regard et
[57] dudit cas
impartir,
avoir de Rosmadec noz
lettres de grace, remission
et pardon tres humblement
[58] le nous requerant. Pourquoy nous,
etc.
Mandart