10/01/1531 [10/01/1532]
<3 verso>
Remission pour Jehan Blanchet
et Mathurin Reverst, la
verificacion
au
seneschal de
Nantes.
<4 recto>
[1] Francois,
etc, a tous
presents et a venir, savoir faisons, nous avoir
[2] receu l'
humble supplicacion et requeste des parens
et amys de
[3] noz tres
humbles subgectz Jehan Blanchet et Mathurin Revers,
[4] Contenant leur estre venu a
congnoissance que le
sabmedy
[5] xvime jour de decembre
derroin et quequessoit
[6] oudit moys eulx venans du lieu d'Ancenys ayans leurs charettes
[7] chargees de vin d'Anjou, tyrans a La
Poyteumiere eulx estans
[8] entre le villaige du Creux Chemyn et le ruyseau de Guysambart
[9] en la
parroisse de Teillé,
conduysans leursdits beufz et charectes environ
[10] soleil recousé, ouyrent grant bruyt de gens au-
derriere d'eulx ou
[11] grant chemyn par lequel ilz avoient passé a
distance d'
environ ung
[12] troict d'arc. Lors eurent propos
ensemble quel bruyt s'estoit
[13] et que ce pouroyt
estre. A quoy fut dyt par ung
nommé
[14] Michel Jolyveaulx quel estoit le
livreur conduisant sa charecte,
[15] que l'on baptoit les varlectz de La Guybourgere
et aultres leurs
[16] compaignons qu'estoient avecques eulx, quelz
pareillement estoint
[17] charroyans du vin pour le mener
avecques eulx
audit lieu
[18] de La Poyteumiere disant
ledit Jolyveaux par telles
parrolles
[19] ou semblables :
« Il fault les aller secourir, ilz sont bons
[20] garsons, leur maistre n'eszoit pas content que l'on les
[21] laissast oultraiger. » Disant
ausdits Blanchet et Revers qu'ilz
[22] allassent les secourir. Quelz Blanchet et Revers
[23] apres ce prindrent
chacun son levyer de boys estans
[24] en leurs charectes, desqueulx levyers ils levoient les
[25] pipes de vin lorsqu'il en estoit besoing
et alla
ledit
[26] Blanchet le
premier au lieu ou il ouyt bruyt et
ledit
[27] Revers quelque peu de temps apres. Et
audit lieu, trouva
[28] ung
nommé Jehan Trachet, ung
aultre nommé René Baudouyn,
[29] ung
aultre nommé Olivier Pyre
et ung
aultre nommé René
[30] Marpault embastonnez,
savoir ledit Marpault d'une
fourche
[31] de fer a troys doys,
ledit Baudouyn d'un boulge et
ledit
[32] Trachet d'une paubourde de boys quelz avoient grosses
parrolles,
[33] question et debat
avecques Mace Morie, Jehan Le Roux,
serviteurs
[34] du
Sr de La
Guybourgere, Jehan Paugeault, Mathurin Le Mercier
[35] et ung
nomé Mathurin Cavatain
leurs disans
plusieurs
[36] atroces et grosses injures, les appellans :
« Villains ! Larons !
<4 verso>
[37] Excroctz ! » et leur disant :
« Vous m'avez desrobé mon bien en l'endroit ! » Ledit
[38] Blanchet esmeu et eschauffé pour ce qu'il avoit laissé ses beufz et
[39] charecte chargez de vin tous seulz en dangier de perdicion
pour estre
[40] allé
audit bruyt, demanda aux
dessurdits Le Mercier et Paugeault
[41] quel debat ilz avoient ensemble. A quoy respondirent que c'estoient
[42] ces brigans la, en parlant des
dessurdits Trichet, Baudouyn, Pyre
[43] et Marpault qui avoient couppé la chesne, de quoy les beufs
[44] dudit Cavattan estoient attachez et actelez, et les avoient
[45] appellez larrons sans qu'ilz eussent prins ou emporté
[46] aulcuns de leurs biens et les accusoint d'
avoir prins une poulle.
[47] Lors
ledit Blanchet, courroussé et esmeu de l'oultraige et
[48] injures faictes et dictes
ausdits Morice, Cavattan, Paugeault
[49] et
aultres ses compaignons, courut apres
lesdits Trichet et
[50] Pyre, Baudouyn et Marpault quelz s'enfuyrent. Lors
ledit
[51] Blanchet ainsi eschauffé, venant a eulx et
aultres apres
[52] luy
[?reservé?] ledit Marpault quel se desmarcha ung peu
[53] voyant
ledit Blanchet venir vers luy ayant
ledit Marpault
[54] sadite fourche tendue vers
ledit Blanchet lors
ledit Blanchet
[55] eschauffé
et marry de l'exces quel on faisoit a
sesdits compaignons
[56] et estimant que
ledit Marpault eust voullu fraper
[57] de
ladite fourche, revyra
ladite fourche
et luy bailla ung coup
parr
[58] la teste et lors tomba
ledit Marpault par terre et derechef
[59] en tombant ou
apres estre tombé ne scet lequel luy bailla
[60] encore ung
aultre coup
dudit levyer par ung
aultre endroit
[61] de son corps sans ce que
ledit Blanchet eust touteffoiz
[62] intencion de occir ne tuer
ledit Marpault mais
seullement
[63] pour eviter a sa fureur
et qu'il ne l'eust oultraigé de
sadite
[64] fourche. Et ce voyant
ledit Marpault ainsi tombé et
[65] frappé, dist
audit Blanchet :
« Ne me frappe plus ! Villain !
[66] Excommunyé ! Meschant ! » Et se adrecza
et apres se adrecza[sic]
[67] ledit Blanchet vers
ledit Trichet quel Trichet derechef
[68] s'enfuyt et lors
ledit Mathurin Thaboué illecq estant,
[69] s'
aprocha dudit Marpault et luy osta sa
fourche de fer et
[70] print
ledit Marpault au collet et le poussa en une marre,
[71] marre
estant audit lieu de Guysambart qui n'estoit gueres
[72] creuse, et luy mist tout ung costé dedans et de l'
autre costé du
[73] ruxeau estoit la
femme dudit Marpault criante et huchante
[74] apres lesdits Blanchet, Thaboué et Revers les injuriant et
leurs dist :
[75] « Villains ! Larrons ! Excrocg ! Poullailliers ! Rendez-moy mes poulles ! »
<5 recto>
[76] Et
pour ce qu'ilz ne l'un deux sauf
ledit Thaboué, ne scavoint qu'il
[77] eust esté prins aulcunes poulles
audit Marpault ne a
sadite ferme
[78] et ne saichant l'
occasion pourquoy elle
proferoit telles injures
[79] desplaisant celluy Revers a
sesdites injures luy dist qu'elle avoit
[80] menty, faignant courir apres elle et luy gecter des
pierres
[81] et voyant ce
ledit Marpault
commencza derechef a injurier
[82] lesdits Blanchet, Thaboué et Revers, les appellans :
« Traistres !
[83] Meschans ! Excroig ! » Quoy voyant, celluy Revers indigné
[84] et couroucé
desdites injures, print derechef
ledit Marpault
[85] au collet et le poulsa ung peu plus avant
oudit ruxeau
[86] et le laisserent
lesdits Thaboué
et Revers et aussi
ledit Blanchet
[87] et s'en allerent incontinent. Sortit
ledit Marpault
[88] hors le russeau et mare et s'en alla, et fut emmené par
[89] sadite femme et
aultres de leur compaignye en sa maison. Et
[90] apres
lesdits Thaboué, Blanchet et Revers renduz au lieu ou
[91] estoint leurs beufz et charectes, demanda celluy Revers a ses
[92] compaignons dont estoit venu le debat ce pour quelle
[93] cause ce pourquoy avoit esté couppé la chesne
dudit Cavatain.
[94] Lors
ledit Le Mercier dist que ce avoit esté
ledit Baudouyn
[95] qui l'avoit couppee et leur demandoit une poulle et
[96] que l'
occasion dudit debat avoit esté pour
ladite poulle
[97] et ung poullet qui avoint esté tuez ou grant chemyn pres
[98] la maison
dudit Marpault. En l'
endroit,
ledit Thaboué dist
audit
[99] Revers et
aultres qu'il avoit prins une poulle pres la
[100] maison
dudit Marpault quelle il tira de son saingier
*, le leur
[101] monstra. De quoy
lesdits Blanchet et Revers blasmerent
ledit
[102] Thaboué et furent desplaisans de s'estre trouvez
audit debat
[103] pour ce mesmes que
ledit Thaboué ne leur en avoit rien dict,
[104] congnoissans bien que
ledit Marpault avoit en
matiere de se
[105] couroucer d'
avoir perdu
sesdites poulles. A quoy redit
ledit Thaboué
[106] que ce avoit esté Mathurin Bourcier qui avoit esté cause
[107] du debat a raison qu'il avoit le
premier ung poullet ou deux
[108] secrettement et qu'il n'avoit prins que la poulle et que
neantzmoins
[109] ilz l'accuserent du tout. Et sur ce s'en allerent tous
ensemble
[110] lesdits Thaboué, Revers
et aultres de leur
compaignye,
conduysant
[111] leursdits beufz, charectes et vin a La Poytenniere, ce
aulchunement
[112] avoir bleczé
ledit Marpault, ne qu'il en fust en dangier de mort.
[113] Et le lendemain ouyrent dire que
ledit Marpault avoit esté
[114] porté a sa maison et de la nuyt apres
ledit conflict par
[115] deffault de
pencement ou
aultrement estoit allé de vie a trespas.
<5 verso>
[116] A raison de quoy
apres avoir esté
procede aux enquestes
dudit
[117] cas, d'
auctorité des officiers du baron d'Ancenis ont esté
lesdits supplians
[118] constituez prinsonniers ou ilz sont encore a
present en grant misere
[119] et calamité. Si nous remonstrent
lesdits supplians que
lesdits Blanchet
[120] et Revers ont vescu tout le cours de leur vie bien et
honnestement,
[121] sans jamais
avoir commis aulcun cas digne de
reproche et que
[122] jamais ilz n'avoient eu haine ne debat
avecques ledit Marpault
[123] auparavant ledit cas, quel est sourvenu ainsi qu'il est apresumer
parr
[124] inconvenient et malle fortune et non par dol, veu qu'il
[125] n'entendoint pas
dudit conflict les
causes et raisons et que
[126] celluy jour ilz estoient partiz
dudit lieu d'Ancenys auquel lieu
[127] ilz avoient beu et par les chemyns
tellement qu'ilz estoint
[128] presque yvres et n'avoient bon sens ne entendement de
[129] raison. Aussi qu'ilz sont chargez de
femme et grant
nombre de
[130] petitz enfants ausquelz
conviendra aller mandicquer, si
[131] par nous ne leur est sur ce
pourveu. Nous suppliant
[132] qu'il nous plaise actandu ce que dessus, quicter
et pardonner
[133] ausdits Blanchet
et Revers les cas et crimes
dessusdits et
[134] leur en impartir noz lettres de grace, quictance
[135] et
pardon a ce
convenables, tres
humblement le nous requerant.
[136] Pourquoy nous, ce que dessur
consederé,
etc.
Pelerin