Copyright (c) 1999 by Nicole Dufournaud
Cette transcription a été
réalisée par Nicole Dufournaud pour son
mémoire de maîtrise
et est consultable à l'URL suivant :
http://nicole.dufournaud.net/remission/.
Si vous utilisez ce document pour une publication, prière de
référencer le mémoire de maîtrise et si vous l'utilisez en ligne,
prière de référencer l'URL du document.
This transcription has been done by Nicole Dufournaud for her
Master's Thesis
and is available at:
http://nicole.dufournaud.net/remission/.
If you use this document for a publication, please add the Master's
Thesis in the citations; if you use it online, please reference this URL.
06/03/1531 [06/03/1532]
<51 recto>
Remission
pour Jehan de Lohan, l'adresse au
seneschal de Vennes.
[1] Francois,
etc, a tous
presens et a venir,
savoir faisons,
[2] nous
avoir receu l'
humble supplicacion et requeste
[3] des parens
et amys
consanguins de Jehan de Lohan,
[4] jeune
gentilhome, aigé de trante ans ou
environ,
[5] detenu prinsonnier en noz prinsons de la court
[6] de Vennes,
Contenant comme puis l'an, il se
<51 verso>
[7] trouve ou bourge de Guynyn en la maison ou
[8] demeurent
Guillaume de La Porte
et Jehan Jehannot,
[9] et dicelles print
et emporta
furtivement quartes
[10] platz
et escuelles
jucques au numbre de vingt
[11] cinq ou vingt six
livres estain avecq une tonoille
[12] de fin linge
et une paire de patenostres de vuivre.
[13] Et depuis auroit prins
furtivement une jument
[14] et son poullain
apartenant a
Guillaume Guegan de la
parroisse
[15] de Guern. Aussi, print
et desroba de dom
[16] Bertran Ropertz, curé de Sauve, deux tasses
[17] d'argent qui bien valloint trante livres
[18] ou
environ . Pour raison desquelz cas, il
[19] a esté mis
et constitué prinsonnier et sur
[20] iceulx
interrogé quelz sans torture il a
confessé
[21] et a esté vers luy decreté proces au
procureur
[22] de
ladite cour de Vennes, duquel decrect de
[23] proces, il s'en porta
pour contredisant qui
[24] n'a esté poursuyvy ains s'en est
ledit
[25] de Lohan depuix desisté. A raison de quoy,
[26] noz officiers de
ladite court de Vennes veullent
[27] proceder a rigueur de justice
contre luy. Nous
[28] remonstrant
lesdits supplians que
lesdites choses
[29] et cheveaulx ainsi prinses par
ledit de Lohan
[30] ont esté rendues aux
parties et gens a qui
[31] elles estoient et que icelluy de Lohan
[32] est
gentilhome apartenant a
plusieurs gentilz-
[33] hommes
et notables
personnaiges de
cedit
[34] pays, chargé de
femme et enfans et que
[35] lors qu'il fist
et commist
lesdits cas il estoit
[36] yvre
et emboyté de vin. Et s'il estoit
<52 recto>
[37] pour raison diceulx executé, seroit honte
[38] et deshonneur a jamais a
sesdits femme, enfans,
[39] parens et amys, quelz a ceste
cause nous ont a ceste
[40] cause supplyé
et requis
impartir audit de Lohan
[41] desdits cas noz
lettres de grace, remission
[42] et pardon. Pourquoy nous, ce que dit est
[43] consideré,
etc.
Morice