13/01/1531 [13/01/1532]
<6 verso>
Remission pour
Guillaume Perret de la
juridiction
de Quintin, la
verifficacion aux
juges de Dinan,
de laquelle la teneur ensuilt.
[1] Francois,
etc, a tous
presens et a venir, savoir
faisons,
[2] nous
avoir receu l'
humble supplicacion et requeste
<7 recto>
[3] des parens et amys
consanguins de
Guillaume Perret de la
juridiction
[4] de Quintin, a
present detenu prinsonnier es prinsons d'Yvignac,
[5] Contenant
comme le lundy des feriers de La Penthecoste
derroin
[6] passee,
ledit Guillaume se fust trouvé ou bourg d'Yvignac
[7] en la maison ou lors exposoit vin en vente Francoys
[8] Dangoulemier, pour prandre sa reffection en
ladite maison
[9] en laquelle il beut pinte de vin et mengea ung pain
[10] de deux deniers. Et bientost apres avoir prins sa reffection,
[11] sortit hors de
ladite taverne ayant une hacquebute
chargee
[12] sur son espaulle de laquelle il s'esbatoit souvant a tirer
[13] aux oyseaux et gybier sans avoir parolles ne differant
[14] a aulcune personne ne voulloir de ce faire. Au-devant
[15] de laquelle maison, il trouva ung
nommé Mathurin
Guillaume
[16] lequel dist
audit Guillaume Perre :
« Venez-vous en avecques
[17] moy ? je veulx donner pinte de vin a deux des cures qui
[18] sont en ce bourg, en la maison de La Bouyere. Je vieulx
[19] que en bevez votre part. » A quoy
ledit Guillaume Perret
[20] dist qu'il le voulloit et sur ce prindrent chemyn et
[21] s'en allerent a
ladite maison en laquelle ilz trouverent
[22] dom
Guillaume Gegu et dom
Guillaume Le Moenue qui bevoient
[23] ensemble, qu'ilz fisdrent boyre
ledit Guillaume Perret
[24] une foiz et apres
avoir beu, il sortit hors
ladite maison
[25] pour s'en aller a ses
afferes. Et sitost qu'il fut hors
ladite
[26] maison en l'endroit de la passee du
cymitiere de
ladite
[27] eglise d'Yvygnac, il trouva un
prebtre nommé dom
Jacques
[28] Gaultier du cartier du Jugon, l'un des subcurez de
ladite
[29] eglise auquel dom Jacques
ledit Guillaume dist :
[30] « Curé, vous estes cause de quoy je laisse la maison
[31] de Yvygnac, il me desplaise beaucoup que pour une
[32] pustain je laisse une si bonne maison. » Lequel
[33] dom Jacques, tout effrené, luy dist :
« Tu as menty comme
[34] ung meschant torcheux de cul de chevaulx. Elle n'est
[35] point pustain, mais toy tu es ung gars villain,
[36] infame. » A quoy
ledit Guillaume Perret luy dist :
[37] « Dom Jacques, ne me dictes milles injures ou
[38] aultrement vous me contraindrez a vous desmentir, car
<7 verso>
[39] je ne fuz james meschant, ne ne fis meschanceté, ne ne suys
[40] infame quel vous. » Et s'en alla
ledit Guillaume Perret de l'autre part
[41] dudit cymytiere fuyant les
parrolles et differant
dudit dom Jacques ;
[42] et
ledit dom Jacques traversa au travers
dudit cymytiere et
[43] entra en
ladite eglise. Et bientost apres, sortit hors
ladite
[44] eglise et
cymytiere au-devant
dudit Guillaume Perret quel
[45] avoit
sadite hacquebute et le feu en l'esmorche pour
[46] debvoir descharger
sadite hacquebute a coup perdu. Quel
[47] dom Jacques s'adrecza
audit Guillaume Perret et luy
[48] dist derechef
plusieurs injures. A quoy
ledit Guillaume
[49] Perret luy demanda s'il voulloit maintenir les
parrolles
[50] qu'il disoit
et qu'il luy avoit dit. A quoy
ledit dom
Jacques
[51] dist que ouylt et que il n'estoit de faict que ung
[52] meschant torcheur de cul de chevaulx, et qu'il ne
[53] le craignoit rien. A raison desquelles parrolles
[54] ledit Guillaume Perret, esmeu de challeur et ire
[55] contre
ledit dom
Jacques bessa
sadite hacquebute et
[56] toucha le feu, et la deschargea, et tira ung
[57] seul coup duquel il actaignyt et rencontra
[58] ledit dom Jacques en l'une de ses cuisses
tellement
[59] qu'il tomba a terre et
apres ce en fut
ledit dom
[60] Jacques mallade par l'espace de quarante et sept
[61] jours ou plus, mal pansé et ne eut aulcun
[62] barbier fors une femme qui le pensa mal et
[63] estoit
tousiours yvrecte. Et en deffault d'estre
[64] bien pansé
et bien troicté, il mourut et decebda. A l'
occasion
[65] duquel cas,
ledit Guillaume Perret es detenu
prinsonnier
[66] et doubte que on le veille a ceste
cause rigoureuse
[67] et par pugnicion
proceder contre luy. Nous suppliant
[68] que actandu ce que dessus et que
ledit dom Jacques
[69] estoit querelleux, debatiff et yvroigne,
[??]
[70] et
ledit Guillaume estoit et avoit esté tant
[71] auparavant que dempuix de bon rest
et gouvernement
[72] et n'
avoir jamais faict ne avoir esté accusé
[73] d'aulcun maulveix cas davantaige que durant
<8 recto>
[74] la maladie
dudit dom Jacques il a dict a
plusieurs personnes tant
[75] ses parens que aultres qu'il ne voulloit que on demandoit
[76] riens
audit Guillaume Perret pour tant que la playe qu'il
[77] avoit eue ce avoit esté par luy et son deffaut et
[78] que
ledit Guillaume n'en povoit mais et le luy pardonnoit
[79] et ne voulloit que jamais l'on en fist cas. Nous
suppliant
[80] qu'il nous plaise a tout ce
avoir regard et luy impartir
[81] noz
lettres de grace, remission et pardon
dudit cas
et crime,
[82] tres humblement, le nous requerant. Pourquoy nous
etc.
Pelerin