15/05/1532
<92 verso>
Remission pour Robert Gigory, la
verificacion
au
seneschal de Rennes.
[1] Francois,
etc, a tous
presens et advenir,
savoir faisons, nous
avoir
[2] receu l'
humble supplicacion et requeste des parens et amys
[3] consanguins de Robert Gigory du diocese de Dol,
Contenant
[4] que ung
jour de dimanche
auparavant la feste de Pasques
[5] derroine, il, Thiennot Claran, Jehan Hovitte, Pierres
[6] Lizanno
et autres, estans a boire
ensemble ou
bourg de
Saint
[7] Brolade chez Gilles Barbot, tavernier, ou bas de
ladite maison
[8] et y eussent esté dempuix deux heures apres
<93 recto>
[9] medy juc environ une heure de nuyt
et eussent fort beu
[10] et faict bonne
chere tellement qu'ilz estoient emboytez et
[11] eschauffez de vin, a eulx se trouva Guillaume Mynoys
[12] quel se assist et mist a boire avecq eulx et y fut
[13] environ une heure ou demye. Puix sans prandre
[14] congé d'eulx print ung ou deux des voirres estans sur
[15] la table ou ilz bevoient queulx sans
leur sceu, il mist
[16] en l'une de ses manches et apres ce, print chemyn
[17] a aller en une chambre haulte de
ladite maison et
[18] en y allant ainsi qu'il montoit par une eschalle,
[19] heurta contre l'un des braz dicelle eschalle ou
[20] bien contre la
paroys de
ladite maison tellement
qu'il
[21] rompit et briza
lesdits voirres qu'il avoit ainsi
[22] prins sur
ladite table ou bevoient
lesdits Gigory,
[23] Claran, Lizanno, Hovitte
et autres. Et au bruit que
[24] firent
lesdits voirres a
ladite fraction,
ledit Gygory et
[25] autres ainsi estant a boire en ouyrent le son et
[26] en l'instant,
ledit Mynoys se descendit de
ladite eschelle
[27] et vint au bas de
ladite maison ou estoint les
[28] devant dits a boyre. Et lors celluy Gigory qui
comme
[29] dit est, estoit eschauffé de vin, dist qu'il falloit
[30] lyer en ung ban
ledit Mynoys et le mener a
[31] justice
et qu'il poyroit treze
deniers pour une pinte
[32] de vin qu'ilz avoient beue dont ilz avoient voulu
[33] que
ledit Gigory fist l'escot,
disant oultre
qu'il
[34] seroit senneschal et qu'il jugeroyt ou jugeoyt
[35] celluy Mynoys a estre pendu, fouetté
et essorillé.
[36] A quoy
ledit Claran qui encore estoit a
ladite table,
[37] assys, dist en soy en joyeuseté que ce n'estoit
[38] pas bien jugé, que
ledit Mynoys fust pendu, foueté
[39] et exorillé
et qu'il
feroit senneschal sa foiz et
[40] ne condamneroit
ledit Mynoys que a estre fouetté
[41] et exorillé. Et pour ce que
ledit Mynoys fut
[42] resfuzant de boyre
ladite pinte de vin, celluy Gigory
<93 verso>
[43] de ce
desplaisant, donna de sa main quelques
[44] coupps
audit Mynoys
tellement qu'il tomba a terre
par
[45] deux foiz, ne sceyt
bonnement ledit Gygory en quelz
[46] endroitz il frappa
ledit Mynoys pour ce que la
[47] chandelle qui estoit sur la table fut par deux ou
[48] troiz foiz estaincte par
ledit Claran puis ralumer
[49] fors qu'il est memoratif de luy
avoir donné deux
[50] coups de sa main sur le visage et voyant celluy
[51] Gygory le resfus
dudit Mynoys de poyer
ladite pinte
[52] de vin, dist celluy Gygory que se feroit, se print
[53] avecq
ledit Mynoys voullant luy oster son seon
[54] affin de le mectre en gaige de
ladite pinte de
[55] vin ou le contraindre a la poyer
contre quoy s'esforczoit
[56] ledit Mynoys tendant y resister et enfin
ledit
[57] Gygory o l'ayde que aulcun illecq estant luy fist,
[58] osta le seon
dudit Mynoys qui bien valloit trante
[59] soulz ou
environ et le gecta
par une trappe en ung
[60] soullier estant au-dessur du lieu ou ilz estoient
[61] a boyre disant celluy Gygory qu'il failloit
[62] soupper. Et apres
plusieurs parolles lesdits Gygory,
[63] Lizanno
et autres surnomez fors
ledit Mynoys qui
[64] estoit sur piedz pres la chemynee desvestu de
sondit
[65] seon n'ayant fors ses pourpoint et chemyse se
[66] mysdrent et assidrent a
ladite table avecq
ledit
[67] Claran qui point n'en avoit bougé disans
[68] qu'il failloit soupper. Et a la verité y soupperent
[69] et despendirent dix grans blancs et
apres avoir
[70] ainsi souppé
et faict bonne
chere, sortirent
lesdits
[71] Gygory, Claran, Hovitte, Mynoys et Lizanno hors
[72] ladite maison disans
et disdrent entre autres
[73] ledit Gygory au
serviteur dudit tavernier qu'il allast
[74] querir
ledit seon
oudit sollier et qu'ilz le luy
[75] laissoint et bailloint en gaige
desdits dix
[76] grans blancs ainsi despenduz. Dempuix quoy
<94 recto>
[77] et
pour l'occasion que
dessus a esté
ledit Gygory
[?d'avoir?]
[78] du
lieutenant dicelle court de Dol
constitué prinsonnier
[79] es prinsons
dudit Dol a
instance du
procureur dicelle ou
[80] ja il a esté
longuement detenu en grant misere,
[81] destresse
et calamité et
combien que le vouloir
[82] dudit Gygory ne fust de voulloir rober ne
[83] fere perdre a icelluy Mynoys
sondit seon. Ce
neantzmoins
[84] les officiers
dudit Dol veullent
contre luy
proceder
[85] a toute
rigueur de justice et pugnicion corporelle.
[86] Nous supplians
lesdits parent et amys qu'il nous
[87] plaise a tout ce
que dessus avoir esgard et dudit
[88] cas impartir
audit Gigory noz
lettres
[89] de grace, remission et
pardon, tres humblement
[90] requerant icelles. Pourquoy nous
etc.
Darande