25/05/1532
<98 verso>
Remission pour Jehan Hubert, marchant, de la
parroisse
de Trelles, la
verificacion au
seneschal de Rennes.
[1] Francois,
etc,
savoir faisons, nous
avoir receue l'humble
[2] supplicacion des parens et amys consanguins de
Jehan Hubert,
[3] pouvre marchant de la
paroisse de Trelles, chargé de femme et ensfant,
[4] eaigé de vingt sept ans ou envyron,
demourant soubz
notre juridicion de
[5] Rennes,
Contenant que de longtemps et ancieneté
pour chacun premier jour
[6] de l'an, apres l'issue de vespres
dudit jour, se gecte au bourg de Trelles
[7] soubz
ladite juridicion, une soulle qui est une grosse pelote de cuyr
[8] remplye de feing
* et bourre, apres et avecques laquelle se
[9] jouent et courent
plusieurs jeunes gens de diverses
paroisses
[10] pour esbat et joyeuseté a qui guaingnera et emportera
ladite
[11] pelote et soulle. Et
que le
premier jour de l'an
derroin passé, sey trouva
[12] entre aultres
ledit Hubert pour veoir jouer a
ladite soulle laquelle
[13] ne fut pour
ledit jour guaignee
[?de nully?] pour ce qu'elle fut
[14] en jouant crevee et rompue. Et apres
avoir esté icelle soulle
[15] jouee, se trouva et rendit
ledit Hubert au soir
dudit jour en
[16] la maison et demourance d'un
nommé Jehan Martin ou villaige
[17] du Ragot en
ladite paroisse Trelles, et avec luy
Pierre Martin
[18] et
Pierre Maczon, Jacques Raoulliet et
Guillaume Le Comte esperant
[19] iceluy Le Comte aller veoir une fille
dudit Jehan Martin que
[20] ledit Le Comte
pretendoit a
avoir en mariage. Et soupperent
[21] en icelle maison et en souppant diviserent diceluy mariage
[22] et de
pluseurs autres choses. Puix apres
avoir souppé, aviserent
[23] et
delibererent eulx aller coucher ches
ledit Pierre Martin au
[24] villaige de Haustebaste en
ladite paroisse de Trelles et s'en
[25] partirent ensemblement pour y aller
ledit Hubert,
[26] Raoulliet, Le Comte et
Francois Pani ayant
ledit Raoulliet
<99 recto>
[27] ung broc de fer et lesserent encore en
ladite maison
[28] lesdits Pierre Martin et Maczon disans qu'ilz s'en alloint devant.
[29] Et en
faisant leur chemyn droict a la maison
dudit Martin
estans
[30] pres d'un villaige
nommé La
Borardiere,
aperceurent en une
[31] piecze de
terre anjoignant de
leurdit chemyn aucunes
[32] gens portans du feu qu'ilz ne
congnoissoint fors
qu'ilz
[33] ymaginerent
que c'estoint preneurs de oyseaulx et pour ce
[34] qu'il estoit heure tard, se adviserent de aller veoirs
[35] quels gens s'estoint ; et desfaict y allerent et passerent
[36] en la piecze de
terre ou ilz estoint pres
ledit chemyn
[37] tirant a la maison
dudit Pierre Martin et se misdrent
[38] derriere une haye pour regarder qu'ilz faisoint et
[39] quelz gens c'estoint et
que ne peurent
congnoistre mays
[40] veirent au feu qu'ilz estoint oysilleux et qu'ilz avoint
[41] grant
numbre de gens. A raison de quoy, ilz n'osoint
[42] se
approcher d'eulx, mays furent
aperceuz par l'un de
[43] eulx, gens
incongneuz qui dist aux aultres
par telles
[44] parolles :
« Voyez des gens la derriere ! » et craignant
[45] ledit Hubert et
dessurdits estre assailliz
par derriere,
[46] marcherent avant et fut
ledit feu estainct et
par l'un
[47] desdits Raoullet, Pany ou Le Comte disant en l'endroict
[48] ledit Raoullyet pour
constituer les
autres en crainte
telles
[49] parolles :
« Tuez, tuez! » Et en ce disant,
commancerent a
[50] frapper les ungs sus les autres et s'
entredonnerent
[51] plusieurs coups et collees de bastons de boys et
dudit broc
[52] dont
ledit Rollier estoit garny sans en
avoir congneu aulcun
[53] d'eulx pour ce qu'il estoit nuyct et qu'il faisoit fort
[54] obscur et povoit estre lors envyron deux ou troys
heures
[55] de nuyct en faisans
oudit conflict bruict et jurans
[56] par pluseurs foiz le nom de dieu
disans :
« Tuez, tuez ! qu'il
[57] reschappe pas ung ! » Et apres se, departirent et
[58] emporterent
ledit Hubert et
dessurdits le
[?cloiouere?] a
[59] prandre oyseaux que
lesdits incongneus avoynt.
[60] Or est advenu
que ung
nommé Jehan Broschard qui estoit
[61] de la bande
desdits oysilleux incongnuz, au moyen de
quelqeus
[62] coups qu'ils ruerent
oudit conflict le landemain ainsi
[63] que l'on dit
par faulte de
pensement,
gouvernement ou
autrement,
[64] alla de vie a trespas. Pour raison duquel cas et
[65] homicide,
ledit Hubert doubtant rigueur de justice,
[66] s'est absenté du pays auquel ne ailleurs il n'oseroit
[67] bonnement ne
surement converser ne soy tenir si noz
[68] grace de remision et misericorde ne luy estoint
[69] sur ce
imparties. En nous
humblement requerant
<99 verso>
[70] que actendu la forme du faict qui est advenu
par cas
[71] fortuit et inopiné sans aucune
precogitacion et
[72] mesures
que en touz ses affaires
ledit Hubert a esté
[73] bien famé et
renommé sans jamais
avoir esté
[74] actaint ne
convaincu d'autre villain cas, blasme
[75] ou
reproche qu'il nous plaise sur ce luy
impartir
[76] noz
lettres de grace de remission,
tres humblement
[77] requerant icelles. Pourquoy nous,
etc.
De Kerguern