25/05/1532
<100 verso>
Remission pour
Jehan Quenouar, escuyer,
de la
paroisse de Beaucé soulz Foulgeres.
[1] Francois,
etc, a tous
presens et advenir,
savoir faisons,
[2] nous
avoir receu l'humble
supplicacion et requeste
[3] des parens et amys consanguins de Jehan Guenouar,
[4] escuyer, de la
paroisse de Beaucé soubz
notre juridicion de Foulgeres,
[5] Contenant
comme damoyselle Francoise Le Porc eust esté
[6] conjoincte
par mariage en
premieres nopces avec
Guillaume
[7] Quenouar, escuyer en son temps,
Sr de Lequellec, pere et mere
[8] dudit Jehan
Quenouar ; et apres le deceix
dudit Guillaume Quenouar,
[9] celle Francoise eust esté en secondes nopces conjoincte
[10] par mariage a
Pierre Mariette, escuyer, seigneur de Illiers
[11] ou pays de Normandie. Neantmoins lequel second mariage,
[12] ung
nommé Symon Desvres quel estoit varlet et serviteur
[13] famillier de
ladite Francoise la persuada et subvertit
[14] ainsi qu'est vroysemblable, de se separer d'avec
ledit Mariette
[15] sondit mary et icelluy delessez et abandonnez pour se adherez
[16] avec
ledit Desvres. Et a la verité, delaissa et habandonna
[17] ledit Mariette,
sondit mary, et elle et
ledit Desvres dempuis
[18] soy retirerent, demourerent et
[?enquerent?] ensemble en
[19] ung lieu
nommé Beauvoys pres le boys de
Saint Aubin
[20] auquel lieu ilz furent ensemble
par le temps de
[21] sept ou huit ans et juc au deceix de
ladite Francoise
[22] et se ventoit
ledit Desvres tout
notoyrement que elle
[23] estoit sa femme, espouze, quel deceix fut en l'an mil
[24] vcxxi. Apres lequel deceix,
ledit Symon Desvres
[25] demouru
audit lieu de Beauvays sus les biens
[26] meubles de
ladite Francoise quelle estoit estimee
[27] riche en biens meubles et herithages a
<101 recto>
[28] grosse valeur et
estimaction. Dempuis lequel deceix,
[29] a ung jour de feste de
Saint Martin d'yver
oudit an mil vc
[30] ving ung,
ledit Desvres estant encore
audit lieu de
[31] Beauvays sur
lesdits biens de
ladite Francoise
comme dit est,
[32] manda et fist
savoir par ung
nommé Jehan Le Gay a
[33] Francoys Quenouar, seigneur de Lequellec, filz aisné de
ladite
[34] defuncte
que fust allé
audit lieu de
Saint Aubin du Cormyer
[35] pour
partaiger lesdits biens meubles estans
audit lieu
[36] entre il et
ledit Desvres, et mesmes pour pacifiez
[37] ledit Quenoar de certaines ventes des acquestz
et heritaige
[38] que avoynt
lesdits Desvres et Francoise Le Porc faictz
[39] audit lieu de Beauvoys, combien
que a la vente il n'y
[40] eust aucun droict pour ce que il n'estoit
que serviteur
[41] d'elle et non pas son mary espoux, ainsi qu'il se
vantoit
[42] et glorifioyt. Et estoit lors
dudit message et
lettres que
[43] en apporta
ledit Le Gay
audit Francoys Quenouar au
[44] lieu de La Sovyniere ou
[?pour?] lors si residoit en
[45] ladite paroisse de Beaucé et estant avec luy
ledit Jehan
[46] Quenouar, son
frere, Raoul Le Porc, son oncle, frere de
[47] ladite deffuncte, Jacques Le Porc et Guyon Le Porc, leurs
[48] cousins germains, nepveuz de
ladite deffuncte, et
[49] pareillement estoint illecques arrivez
Pierre Valleaux
[50] et ung serviteur
dudit Raoul Le Porc,
nommé Le Bastard,
[51] desparties du Maine, queulx et
chacun estant venuz
[52] veoirs et visitez
ledit Francois
Quenouar, parent
desdits
[53] Les Porcs et avoyent de coustume y venir souventes foiz ;
[54] ausqueulx
ledit Francois
Quenouar declera et
[?criqua?]
[55] l'effect
desdites lettres et qu'il luy estoit requis
ledit jour
[56] aller couscher
audit lieu de Beauvays pour recuillir
[57] lesdits biens de
sadite mere. Et sur tant,
ledit Jehan Quenouar
[58] quel estoit jeune de le age de quatorze ou
quinze ans
[59] au plus, dist qu'il iroit avec
ledit Francois, son frere aisné,
[60] pour l'acompaigner et
comment avoyt de coustume aller
[61] avec
sondit frere aisné quant il alloit hors sa
[62] maison pour aucuns ses affaires. Et
lesdits autres
[63] surnommez dirent
pareillement qu'ilz accompaigneroient
[64] et
[?proint?] avec eulx et se trouva en leur
compaignye
[65] ung
nommé Jacques Digne, cousturier, qui pour lors
<101 verso>
[66] hantoyt et
frequantoit souventesfoiz avec
ledit Francoys
[67] Quenouar. Et prindrent
lesdits Francoys et
Jehan Quenouar
[68] deux chevaux appartenans
audit Francoys sur lesqueulx
[69] monterent et s'en allerent
audit lieu de Beauvoys a
distance
[70] de troys lieux ou envyron en leur
compaignye lesdits
[71] Les Porcs, le bastard et Digne ayans aucuns d'eulx
[72] espees et bastons ainsi
que gentilzhomes ont de coustume
[73] porter ; et estime
ledit Jehan Quenouar
que luy ou aucun
[74] d'eulx avoit une ou deux arbalestres pour tirer au gibier.
[75] Et ainsi, arryverent
audit lieu de Beauvays envyron
[76] soulleil recousant
dudit jour
Saint Martin. Et pour ce que
[77] y avoit eu dangier de
contagion de peste, n'entrerent en
[78] icelle et fut
par aucun de la compaignye dont n'est
[?membre?]
[79] ledit Jehan Quenouar icely Desvres appellé auquel
[80] appeau se rendit
ledit Desvre ne sceit dont il sortit.
[81] Et apres
que fut arryve fut, eurent quelques
parolles
[82] ledit Desvres et autres
surnommez parens
dudit Jehan
touchant
[83] lesdits biens meubles. Sur quoy fut respondu
audit Desvres
[84] par ledit Raoul Le Porc qu'il estoit le plus eaigé de la
[85] compaignye et frere aisné de
ladite deffuncte
que ledit Desvres
[86] n'avoyt riens
esdits biens meubles et qu'ilz estoint a
ladite
[87] deffuncte, sa seur, et
que ledit Desvres faisoit tort a
sesdits
[88] enffans de les occupez. Et sur l'
insistance que fist
ledit Desvres
[89] qu'il en auroit son droict et
que ladite Francoise estoit sa
femme,
[90] ledit Raoul Le Porc et
autres dessurdits Les Porctz, parens d'elle,
[91] meuz de ire pour l'injure qu'il faisoit et avoyt faict
[92] a leur
parenté tira iceluy Raoul a l'espee qu'il avoit
[93] a son cousté et en frappa ung coup sur la teste
[94] dudit Desvres et ung autre coup sur ung braz. Et fut
[95] par l'un
desdits Les Porcs
audit Desvres osté ung poignart
[96] qu'il avoyt, le firent monter sur le cheval
que avoyt
[97] mesné
ledit Jehan
Quenouart et l'en emmenerent
[98] avec eulx disans qu'ilz le feroint pancer de la playe
[99] qu'il avoyt sur la teste sur laquelle pour icelle
[100] estancher mysdrent
quelques peu d'orthies estrainctes
[101] et ung mouchet dessus pour les tenir et pour garder
[102] son sancg, et le
conduisirent et en menerent ceulx Raoul,
[103] Jacques et Guyon Les Porcs
oudit pays du Maine disans
[104] qu'ilz le feroint pancez de
sesdites playes, ce qu'est vroy
[105] semblable pour ce que s'ilz l'eussent voulleu tuer et occire
[106] ilz l'eussent peu
fere plus aisement
promptement et
<102 recto>
[107] sur le lieu ou le trouverent qui estoit pres
lesdits
[108] boys de
Saint Aulbin ou ailleurs. En le conduisant et
[109] en s'en allans, passerent les
dessurdits ensemblement
[110] par ledit lieu de La Sovyniere pour ce
que c'estoit leur
[111] droit chemyn a s'en aller et y demeurerent
lesdits
[112] Francoys et
Jehan Quenouar, et
ledit Digne et les
[113] autres s'en allerent
vers ledit pays du Maine ou ilz
[114] menesrent
ledit Desvres ainsi qu'il a ouy dire et
[115] est tout notoyre. Et
que en
conduisant ledit Desvres
[116] depuis
ledit lieu de Beauvays
vers ledit lieu de La
Sovyniere
[117] ledit Desvres
par plusieurs foiz, se lamantoit et cryoit
[118] disant qu'il estoit mort et
requeroit confession
[119] et disoit aussi
que on l'eust debandé et deslié le
[120] bandeau quel avoyt esté mys et lyé sur
ladite
[121] playe estante sur sa teste pour ce
que ladite playe
[122] luy faisoit grande douleur. Et auquel
par aucuns
[123] estoit respondu qu'il n'auroict point de mal et
[124] par autres dont
ledit Jehan ne se remenbre, estoit
[125] respondu en jurant et blaphemant le nom de
[126] dieu qu'il estoit mauveix garson et qu'il avoyt bien
[127] merité ce qu'il avoyt et
plusieurs autres parolles
[128] de menaces et
outraiges, de quoy
ledit Jehan ne se
[129] remembre
pour raison de la
[?tierrieur?] et crainte qu'il
[130] avoyt et de son jeune eage. Et mesmes du laps
[131] du temps dempuix escheu dempuys quoy
ledit Jehan
[132] Quenart ouyt dire
que de
ces quinze jours apres il estoit
[133] allé de vie a deceix a l'
occasion desdits exceix qui luy
[134] avoynt esté faictz. A raison et crainte de quoy,
ledit
[135] Jehan Quenouar s'est rendu fugitiff et absent dempuys
[136] ledit temps et a ouy dire qu'il avoit esté
contumace
[137] et mys a forban
par la court
dudit Foulgeres touchant
ledit
[138] cas.
Auparavant lequel advenu, iceluy
Jehan Quenouart
[139] et depuys a vescu
honnestement, hanté les gens de
[140] bien et bonnes
compaignie sans jamais
avoir esté
[141] noté ne
reproché d'aucun autre mauvaix cas. Et
[142] que le neufiesme jour de may,
present moys, a
notre nouvelle
[143] et joyeuse entree en
notre ville
dudit Foulgeres aurions
[144] faict ouvrir les prisons
dudit lieu et en icelles
<102 verso>
[145] trouvé prisonnier entre autres
ledit Jehan Quenouar
[146] pour raison
dudit cas lequel aurions faict delivrer
[147] et mectre hors icelles prisons actendant
avoir
[148] de nous pour
ledit cas noz
lettres de grace,
[149] remission et
pardon ; ce que
lesdits parens
[150] et amys
supplians nous ont
humblement
[151] supplié
et requis luy
impartir pour ce est et
[152] que nous ces choses considerees, voullans misericorde
[153] conferer rigueur de justice, a nous en
faveur de
[154] notredite joyeuse et nouvelle entree
[155] en
notredite ville de
Foulgeres, remis, quicté et
[156] pardonné,
etc.
Morice