25/05/1532
<102 verso>
Remission
pour Jacques Digne, la
verifficacion au
seneschal de Foulgeres.
[1] Francois,
etc, a tous
presens et advenir, salut.
[2] Savoir faisons, nous avoir receue
[3] l'
humble supplicacion et requeste des
parens
[4] et amys
consanguins de
notre subgect Jacques
[5] Digne, originaire du bourg Digne de la
[6] parroisse de
Saint Leonard de Foulgeres,
[7] Contenant comme des le jour
et feste mon
Sr
[8] Saint Martin d'yver l'an mil cinq cens
[9] vingt ung, il se feust trouvé en la
[10] maison et
demourance de Francois Quenoart,
[11] escuyer,
Sr de Lequelec au lieu et
maison
[12] de La Sovyniere en la
parroisse de Beaucé
[13] ou alors il estoit resident
et demourant.
[14] Et auquel lieu
ledit Digne quel estoit
et est
[15] cousturier, hantoit
et frequentoit souventeffoiz
[16] tant pour
servir ledit Quenoart de son mestier
[17] de coustume que pour autres
afferes dudit Quenoart
<103 recto>,
[18] a raison que
ledit Digne estoit assez pres demourant
[19] oudit Quenouart, auquel lieu et maison
ledit jour
[20] se trouverent Raoul Le Porc, oncle
dudit Quenoart,
[21] Jacques
et Guyon les Porcs, ses cousins germains du pays
[22] du Mayne queulx estoint venuz le visiter et
[23] avecq eulx avoient amené Pierres Valleaux et
[24] ung
serviteur dudit Raoul
nommé Jehan Le Bastart,
[25] et estoit
pareillement en icelle maison Jehan
[26] Quenouart,
frere dudit Francois. Et apres
[27] avoir repeu
et faict bonne
chere y arriva
[28] ung messaigier
nommé Jehan Le Guay
[29] du quartier devers
Saint Aulbin du Cormier
[30] quel apporta des
lettres audit Francois
[31] Quenouart lesquelles il l'eut et faisoint
[32] mencion
comme ung
nommé Symon Desvres
[33] demourant lors au lieu de Beauvoys pres
[34] ledit Saint Aulbin escripvoit
audit Francois
[35] Quenouart qu'il fust
ledit jour allé a la ville
[36] de
Saint Aulbin du Cormier tant
pour communicquer
[37] entreulx et adviser du
partage de
ces biens
[38] meubles de deffuncte Francoyse Le Porc, mere
[39] dudit Francoys quelle puix deux moys
[40] lors
derroins estoit decedee
audit lieu
[41] de Beauvoys pres
ledit Saint Aulbin que mesmes
[42] pour paciffier de
certaines ventes des contracts
[43] d'acquestz faictz par
ledit Desvres et
ladite
[44] Francoyse Le Porc
ensemblement de heritages
[45] situez
audit lieu de Beauvoys soubz la
juridicion
[46] dudit Saint Aulbin. Et
apres avoir ledit Francois
[47] Quenouart
et sondit frere et aultres veu
lesdites lettres
<103 verso>
[48] et sur le faict
et contenu en communication adviserent
[49] et delibererent
lesdits Francoys
et Jehan Quenoart, Raoul,
[50] Jacques et Guyon Les Porcs,
et de y aller ; et menerent
[51] avecques eulx
lesdits Pierres Valleaux, Jehan le bastart
[52] et
ledit Jacques Digne pour iceulx le bastart
et Digne
[53] fere venir et amener les bestes et biens meubles
[54] dudit Francois Quenoar queulx il disoit estre oudit
[55] lieu de Beauvoys de la sucession de
sadite mere.
[56] Et sur tant se
partirent oudit lieu de La
Sovyniere
[57] et menerent deux chevaulx
dudit Quenoart
[58] sur lesqueulx monterent
lesdits Francoys
et Jehan
[59] Quenoar. Et avoient les
dessurdits des espees
[60] et bastons
comme gentilzhomes ont de coustume
[61] porter et les ungs d'eulx ne sceit lesqueulx
[62] avoint une ou deux arbalestres
comme luy
[63] ressemble. Et tant firent chemyn
qu'ilz arriverent
[64] audit lieu de Beauvays pres les boays de
Saint
[65] Aubin
et ville
dudit Saint Aubin environ soleil
[66] recouczant. Et pour ce que y avoit eu
quelque
[67] dangier
et contagion de peste
audit lieu de
[68] Beauvays, ne voulurent entrer es cours
[69] et maison dicelluy lieu, ains s'arresterent
[70] sur ung rochier aujoignant distant d'un
[71] gect de boulle ou ilz appellerent
ledit Symon
[72] Desvres n'est souvenant
ledit Jacques
lequel
[73] d'eulx fist
ledit appel. Sur quoy se trouva
[74] ledit Desvres a eulx ne scet de quelle
[75] part il vint
audit lieu
et rochier et
[76] apres avoir eu quelques
parrolles avecques
[77] lesdits Francois Quenoar et
sesdits parens
[78] touchant
lesdits biens et que ceulx parens
[79] dudit Francois Quenoar et
entre autres, ledit
[80] Raoul Le Porc dist
audit Desvres par telles
[81] ou
semblables parrolles qu'il ne y devoit riens
[82] prandre pour ce que à la vente celle deffuncte
[83] n'estoit poinct sa femme et que elle avoit
<104 recto>
[84] ung
autre mary et n'estoit
ledit Desvres que serviteur
[85] d'elle
et que il faisoit tort a
sesdits enfans.
Ledit
[86] Desvres insista que il y avoit son droict.
[87] Quoy voyans
lesdits nomez Les Porcs se
couroucerent
[88] contre luy et tira
ledit Raoul Le Porc a l'espee
[89] et en frappa deux coups l'un sur la teste, l'autre
[90] sur le braz
dudit Desvres duquel coup sur ladite
[91] teste sortoit grant effusion de sang. De quoy
[92] les autres assistans eurent paour
et aulcuns
[93] prindrent des orties qu'ilz estraignirent pour
[94] mectre sur la playe, couvrirent le tout d'un
[95] mouchet de linge
et firent monter
ledit Desvres
[96] sur le cheval que avoit mené
ledit Jehan Quenoar
[97] et en menerent de nuyt
ledit Desvres avecques
[98] eulx disans
lesdits Les Porcs qu'ilz le meneroient
[99] pencer de
sesdites playes
audit pays du Mayne. Et
[100] comme ainsi le en menoint, il s'escria
et lamenta
[101] plusieurs foiz disant qu'il estoit mort, requerant
[102] confession et que ilz l'eussent deslié
et desbandé
[103] dudit bandeau qu'ilz avoint mis sur sa playe
[104] que avoit en la teste
et que
ladite ortye que
[105] ilz avoint mist luy faisoit grant douleur. Et
[106] aulcuns de la compaignie luy disoint qu'il n'avoit
[107] nul mal, les autres juroint le nom de dieu
[108] en
diverses manieres qu'il estoit meschant
[109] homme
et qu'il en auroit encore s'il ne se
[110] tesoit
et qu'il en avoit trop peu, a raison
qu'il
[111] faisoit
perdre le bien
desdits les Quenoars.
[112] Et ainsi le menerent vers
ledit pays du Maine
[113] et passerent par
ledit lieu de La Solyniere
[114] de nuict, auquel lieu demourerent
lesdits
[115] Quenoars et
lesdits Jacques Digne, et les
[116] autres s'en allerent vers
ledit pays du Maine
[117] et en emmenerent
ledit Desvres
disant qu'ilz le
<104 verso>
[118] y feroint pancer et luy feroint guerir de
[119] sesdites playes, ne scet
ledit Digne quelle
parrt
[120] le menerent. Mais quelque peu de temps
[121] apres, il ouyt dire que
ledit Desvres avoit
[122] esté par eulx mené
oudit pays du Mayne
[123] et qu'il estoit decebdé a raison
desdits exces.
[124] A
cause de quoy
ledit Digne craignant
[125] en estre apprehendé de justice, se
absenta
[126] du pays et dempuix ouy dire qu'il avoit
[127] esté
contumace et mis a forban par
ladite
[128] court de
Foulgeres pour raison
dudit cas.
[129] Et que
auparavant icelluy, il estoit
[130] bien renommé, homme de bon rest et
[131] gouvernement, vivant de son exercice de
[132] cousturier, chargé de femme
et enfans,
[133] sans jamais avoir esté actainct ne convaincu
[134] d'aulcun autre cas. Et que le
neufiesme jour de may
[135] present moys a
notre joyeuse et nouvelle
[136] entree en
notre ville
dudit Foulgeres, aurions
[137] faict ouvrir les prinsons
dudit lieu et en
[138] icelles trouvé prinsonnier entre autres
[139] ledit Digne
pour raison
dudit cas lequel
[140] aurions faict delivrer et mectre hors
[141] icelles prinsons actendant avoir de nous
[142] pour ledit cas noz
lettres de grace, remission
et pardon requi
[143] sesdits parents
et amys supplians nous ont
[144] tres
humblement supplyé
et requis luy impartir
[145] pour ce est il que nous ces choses
considerees
[146] voullans misericorde,
etc.