01/06/1532
<112 recto>
Remission pour
Jehan de La Barre,
filz bastard de
maitre Michel Le Bascle,
la
verificacion au
seneschal de Foulgeres
de laquelle remission la teneur ensuilt.
[1] Francois,
etc, a tous
presents et advenir, savoir faisons,
[2] nous
avoir receu l'humble
supplicacion et requeste de
[3] Jehan de La Barre, filz bastard de
maitre Michel Le Bascle,
[4] Sr de La Cormillaye, eagé d'envyron dix oinct ans, a
present
[5] detenu en noz prisons de Foulgeres,
Contenant que puis ung
[6] an dernier, il qui estoit demourant avec
sondit pere et le
[7] servant a l'
instigacion et pourchatz de feu maistre
Francois
[8] Le Bascle, frere de
sondit pere, pour hayne qu'il avoyt
conceue
[9] contre ledit supliant, fist mectre hors de la maison et
[10] du service
dudit maitre Michel
ledit suppliant, sans luy
[11] bailler aucun loyer de ses services et heures qu'il avoit
[12] eu durant le temps qu'il avoit esté ainsi en service. Et
[13] deux ou troys moys apres,
ledit supliant estant en
ladite ville
[14] et envyron Foulgeres esperant se reclamer et retourner
[15] au
service de
sondit pere ou
que sondit pere luy eust aydé
[16] de quelque argent pour vivre, fut
par ung serviteur
[17] de
sondit pere nommé Berthin,
desparties du Maine, induit
[18] et suadé pendant
que ledit Le Bascle estoit absent de
sadite
[19] maison a soy transporter en
ladite maison luy disant et
[20] promectant ledit Bertin qu'il seroit satisfaict de
sesdits
<112 verso>
[21] services, ce que fist
ledit supliant. Et en une
chambre
[22] haulte dicelle maison, il et
ledit Bertin ensemblement
[23] allerent et en ayde l'un de l'autre avec une hasche
[24] rompirent le couverele d'un coffre
apartenant au pere
[25] dudit supliant ouquel coffre trouverent une
gibeciere
[26] en laquelle y avoit une cleff d'une boitte quelle
[27] ilz prindrent et ouvrirent
ladite bouette. Et dicelle
[28] prindrent ung sac de cuyr ouquel y avoit
plusieurs
[29] bources de soye esquelles trouverent deux garnitures
[30] d'argent doré a sainctures a usaige de
femme,
[31] ung bleu d'argent doré, deux signetz d'or esmailles
[32] ayans deux
[?denczoies?] d'armairies, une petite
[33] [?bague?] d'or ayant une amatiste, une autre
[?bague?] d'or,
[34] ung dyamant, une turquoyse, ung petit ruby, ung
[35] autre petit dyamant, une autre
[?bague?] d'or a licorne,
[36] ung petit
[?genat?], ung curedent d'argent, troys
[37] petitz cloudz d'or esmailles, une
perle,
cinquante
[38] sept escuz d'or
solleil, troys nobles roze, deux
angelots,
[39] ung double ducat, cinq ducatz, cinq escuz
[?coroiere?] , trois
[40] mailles de trante iii
sols ixc deniers piecze, deux escuz a
[41] l'aigle, quatre
[?empirieres?] de xxii sols vi
deniers piecze,
[42] quarante cinq testons de dix
sols piecze, quatorze
testons
[43] de cinq
sols piecze,
trante deux gros de troys
[?sols?] piecze,
[44] un gros de deux
sols vi
deniers, six demiz-gros de xviii
deniers piecze,
[45] ung
[?marabes?] lyartz huit
sols ix
deniers, deux douzains quatre soubz
[46] douzains xiiii
livres viii
sols trezains xxxii
sols iii deniers dizains
[47] cinquante soubz
[?item?] cinq
escus solleil, une bague d'argent doré.
[48] Quelles especes et biens cy-dessus
lesdits supliant et
[49] Bertin prindrent et emporterent et s'en allerent juques
[50] en la ville d'
Avranches ou pays de
Normandie et
illecques
[51] furent prins et apprehendez de leurs
personnes et
[52] constituez prisonniers es prisons de
ladite ville d'
Avranches
[53] et dempuis renduz aux officiers de Foulgeres quelz
[54] officiers les ont
constituez prisonniers en
notre chasteau
[55] dudit Foulgeres. Et dempuis a celuy
maitre Michel
[56] Le Bascle,
pere dudit supliant, recouvert
sesdits biens
[57] fors quelque pece
que lesdits supliant et Bertin ont
[58] despencez. Et veullent les officiers
dudit Foulgeres
[59] proceder a rigueur de justice
allencontre dudit
[60] supliant. Nous remonstre
ledit supliant que
<113 recto>
[61] auparavant ledit cas, il avoyt tousiours bien servy
[62] sondit pere, sans
que jamays il eust a luy ne a
autres
[63] faict ne
commis autre cas digne de
reproche
[64] et
par les inductions et
persuasions dudit Bertin,
[65] il se condescendit a
fere et
commectre ledit cas
[66] tant
par ce
que dist est
que aussi
que icelluy Bertin luy
[67] disoit
que c'estoit son pere et qu'il ne l'avoit
[68] jamais satisfaict de ses
services. Aussi disoit
ledit
[69] Bertin et faisoit entendre
audit supliant qui est
[70] de petit et rude
entendement que il ne luy en pouroit
[71] jamais mal venir. Et a ceste
cause nous a
[72] de
par ledit maistre Michel Le Bascle,
sondit pere,
[73] tres humblement faict requerir
dudit cas luy
impartir
[74] noz
lettres de grace, remission et
pardon. Pourquoy
[75] nous,
etc.
Morice