08/06/1532
<115 verso>
Remission pour Jehan de Places, l'adressé
au
seneschal de Rennes, dont la
teneur ensuilt.
[1] Francois,
etc, a tous
presens et a venir,
savoir faisons,
[2] nous
avoir receu l'humble
supplicacion et requeste des
[3] parens et amys consanguins de Jehan de Places,
gentilhomme,
[4] de l'asge de vingt cinq ans ou environ,
Contenant que le
mardy
[5] des foiriers de Penthecoustes, vingt ungiesme
jour de
[6] may dernier,
ledit de Places
et ung nommé Burget se
[7] partirent
assemblement de la ville de Monfort ou
[8] ledit de Places estoit demourant, et prindrent chemyn
[9] pour aller en voyaige
* a Sainct Fiacre des Yfs. Et
[10] en passant par le bourg de Romilly trouverent
[11] Helenus Collet,
Sr de Bourpieu, mary d'une
[12] seur
dudit dudit de Places auquel celluy de Places
<116 recto>
[13] demanda ou estoit
sadite seur, a raison que
[14] auparavant luy avoit
promis de
audit jour aller
[15] audit Sainct Fiacre. Auquel celluy Collet
[16] respondit que elle n'y estoit pas
et que
[17] luy mesmes iroyt avecq
ledit de Places
[18] audit lieu des Yfs. Et sur ce propos, arriva
[19] a eulx ung nommé André de Vannoyse
[20] lequel demanda
audit de Places s'il
[21] avoit faict son proces qu'il avoit en charge
[22] de rapporter par la court de Monfort.
[23] A quoy
ledit de Places respondit que non, mais
[24] qu'il en avoit la merche
* et que si
ledit de
[25] Vannaise eust voulu
fere la mynute, que celluy
[26] de Places luy eust baillé
sadite merche et en
[27] retournant
dudit voyage qu'il la eust veue et
[28] signié
ledit proces ce que
ledit de Vannoyse acorda
[29] fere et print
ladite merche
dudit de Places. Et
[30] sur tant se partirent
lesdits de Places, Collet
[31] et Burget, lesquelz
assemblement allerent
audit lieu
[32] des Yfs et apres y
avoir ouy la messe, faict
leurs
[33] devotions
et prins
leur reffection a l'hostellerie
[34] ou ilz estoient logez, s'en partirent
pour eulx en
[35] retourner
audit Monfort.
Et derechef passerent
[36] par
ledit bourg de Romille pensant celluy de
[37] Places y trouver celluy de Vannoyse
pour avoir ladite
[38] mynute, papier de merche
dudit proces. Et
[39] pour ce que ne le trouverent eulx estans au
[40] devant de la maison Charles Ramart tenant
[41] vin en vente en icelluy bourg, firent tirer du
[42] vin qu'ilz beurent et le voulut
ledit de Places poyer,
[43] ce que
ledit Ramart reffuza disant qu'il
[44] donnoit
ledit vin
audit de Places affin de luy
estre
[45] aydant envers l'alloué
dudit Montfort, maistre
[46] dudit de Places, en quelque
affere que
ledit Ramart
[47] avoit avecq
ledit alloué. Et sur ces
parolles
<116 verso>
[48] arriverent ung
nommé Noel Regnart
[49] et Olivier de Bouquille
quelz donnerent quelques
[50] potz de vin
audit de Places et gens de
ladite compaignie.
[51] Et
apres avoir beu
ledit vin, s'en partirent
ensemblement
[52] lesdits de Places, Collet et Burget prenant chemyn
[53] a s'en venir
audit Montfort en
leur compaignie
[54] estoit
ledit de Bouquille. Et
comme furent
[55] en l'endroit d'une maison
nommee La Tousche
[56] situee a l'yssue
dudit bourg de Romille,
aperceurent
[57] Francois de Vannoyse,
Sr de Vannoyse, estant
[58] sur ung cheval grison qui estoit en ung jardrin
[59] ou courtil aupres dicelle maison de La Tousche
[60] ouquel jardin entrerent
lesdits de Places,
[61] Collet, Burget et Boucquille quelz estoient
[62] pareillement a cheval pour saluer
ledit Sr
[63] de Vannoyse
et deviser avecq luy. Et eulx estans
[64] audit jardrin, y arriva ung
nommé Olivier Gicquel
[65] et Allain Brillaud, apporta celluy Gicquel
[66] du vin qu'il
presenta audit de Places, s'
aprochant
[67] de luy, faisant semblant de voulloir
parler
[68] a luy. cet
comme ledit Gicquel estoit aupres
[69] dudit de Places se desmarcha le cheval
dudit
[70] de Places
et luy fist
fere quelques tours, et
[71] en tournant celluy cheval marcha sur ung
[72] des pieds
dudit Gicquel tellement que
[73] ledit Gicquel en tomba contre terre et tout
[74] incontinent se releva, demanda
audit de
[75] Places si c'estoit par mal que avoit faict
[76] marcher
oudit cheval sur luy. A quoy
ledit
[77] de Places respondit que non. Et en l'instant
[78] sans autres
parolles,
s'aprocha ledit Brillaud et
[79] donna ung soufflet de sa main sur la face
[80] et visaige
dudit Gicquel. Quoy voyant
[81] ledit de Places demanda
audit Brillaud
par telles
[82] parrolles :
« Avez-vous frapper Gicquel en despit
<117 recto>
[83] de moy ? » A quoy
ledit Brillaud respondit que ouy.
[84] Et sur ce evagina
ledit de Places son espee
[85] qu'il avoit a son costé
et dicelle frappa
[86] deux ou troys collees de taille
et de plat
[87] sur les braz
et teste
dudit Brillaud tellement
[88] qu'il fist prandre la fuyte
audit Brillaud et
[89] quelque peu d'
intervalle de temps apres,
[90] retourna celluy Brillaud vers
ledit de Places
[91] quel estoit encores sur son cheval
et par
[92] derriere celluy cheval celluy Brillaud print
[93] ledit de Places aux cheveux s'esforczant l'abatre
[94] et gecter a terre ce qu'il ne peut
fere. Et ce voyant
[95] ledit de Places quel estoit fort eschauffé
[96] et emboyté de vin, descendit dessus
sondit cheval et
[97] donna ung coup d'estoc de
sadite espee
audit
[98] Brillaud duquel il le actaignyt au bas du
[99] ventre tellement que en sortit effusion de sang.
[100] A quoy
ledit Brillaud s'escria, disant qu'il
[101] estoit mort. Et lors s'en alla celluy Brillaud
[102] en
ladite maison de La Tousche. Et est venu a
[103] congnoissance ausdits suppliantz que estant en
[104] ladite maison de
ladite playe
et blesseure yssoient
[105] des boyeaux. Et a raison
dudit coup par faulte
[106] de bon
pensement ou
autrement, le landemain
dudit conflict,
[107] ledit Brillaud apres
estre confessé alla de vie a deces.
[108] A raison duquel cas des lors
ledit de Places
[109] fut prins
et constitué prinsonnier es prinsons
[110] dudit Romille par les officiers de laquelle
court
[111] fut
procedé a enquestes
et informacions de la forme
[112] et maniere
dudit conflict et debat, quelle
court
[113] est inferrieure de
notre court de Rennes et
[114] depuix a esté
ledit de Places retiré par les
[115] officiers de la
court de Montfort dont il est
[116] subgect et mené es prinsons
dudit Montfort
<117 verso>
[117] ou il est encores a
present detenu. Nous
remonstrans
[118] lesdits supplians que
ledit Brillaud estoit de
[119] l'asge d'environ trante ans tenant
taverne
[120] parfoiz audit bourg de Romillé, lequel se
[121] disoit
gentilhome, ne ayant charge de
femme
[122] ny enfans. Et
auparavant ledit cas n'avoint
[123] eu debat ne querelle
ensemble et en
autres
[124] choses s'estre
ledit de Places bien troicté et
[125] gouverné sans
avoir esté actainct d'aulcun
[126] mauvays cas. Mais
neantzmoins craignent
et doubtent
[127] lesdits supplians que
lesdits officiers de la
court de
[128] Montfort veillent vers luy
procedé a
[129] rigueur de justice qui leur cederoit a
[130] grant scandal
et deshonneur. Nous suppliant
[131] qu'il nous plaise y
avoir esgard et
dudit
[132] cas
impartir audit de Places noz
lettres
[133] de grace
et remission sur ce
convenables,
[134] tres
humblement nous requerans icelles.
[135] Pourquoy nous ce que devant
consideré
[136] voullans,
etc.
Pelerin