22/01/1531 [22/01/1532]
<12 recto>
Remission pour Hervé Le Jar, la
verifficacion au
senneschal de Lesneven.
[1] Francois,
etc, a tous
presens et a venir,
savoir faisons, nous
avoir receu
[2] l'humble
supplicacion et requeste des parens
et amys
consanguins de Hervé
[3] Le Jar, jeune gentilhomme de l'aige d'
environ xxii ans ou environ,
Contenant
[4] comme le vendredy au soir cinqme de ce moys
[?vigille?] des roys,
ledit
[5] Le Jar se feust trouvé ou bourge de Doulas en la maison Jehan Gouriou
[6] en laquelle contient hostellerie, acompaigné de Yvon Pezron,
[7] cousturier et
Guillaume Bleurchant,
ledit Pezron portant une
[8] espee a son costé et
ledit Bleurchant ung baston a deux boutz,
[9] allant et tirant celluy Le Jar chemyn vers la maison et
[10] manoir de Trecayn, le
Sr duquel lieu est marié o
Katherine
[11] Aucuff, mere
dudit Le Jar, fisdrent
ledit Le Jar et
aultres de sa
[12] compaignie celle nuyt bonne chere. Et
comme estoient prestz
[13] et sur le poinct d'eulx aller couscher et reposer,
[14] environ unze a doze heures apres
avoir faict leur
compte
[15] a l'hostesse et faict sur
ledit compte tirer chopine de vin,
[16] arriverent illecques Olivier Treanna,
Pierre Ponfle, Le Bau, Deruand,
[17] Le Tapardeur et ung
serviteur qu'on disoit
estre audit Le Baud
[18] queulx entrerent en la chambre
dudit Le Jar lequel
[19] estant lors en says, leur fist tirer quarte de vin pour
[20] les festoyer et se assisdrent a une table
estant en
ladite
[21] chambre.
Et illecques beurent
et fisdrent encores
[22] apporter d'aultre vin tellement qu'ilz se trouverent
[23] fort emboytez et lors sourdit different
et question
[24] entre
lesdits Druand et Pezron a raison que
ledit Pezron
[25] portoit
ladite espee a son costé dont
ledit Druand
[26] s'en demonstrant courroucé, blasmoit
ledit Pezron.
[27] Sur quoy
ledit Le Jar dist
audit Druand telles ou semblables
[28] parrolles :
« Si avez affere a mes gens, vous aurez affere a moy ! »
[29] et voulut lors desgayner son espee qu'il avoit
[30] a son costé. Et sur ce
ledit Treanna qui estoit vis-a-vis
[31] de luy, luy dist :
« Ne vous soucyez, il n'y aura rien. »
[32] Et a tant demourerent encores quelque peu a table
[33] en pacience et peu de temps apres recommancza
[34] ledit Druand derechef parolles de noayse
[35] et querelle o
ledit Pezron quel Pezron luy dist
<12 verso>
[36] et respondit
parrolles de tel effect :
« Pourquoy ne
[37] porteroige baston en la compaignie de mon maistre ?
[38] Voz parens ont esté avecques moy apprendre mestier
[39] et n'en ont pas esté pires. » Sur quoy se courroucza
[40] ledit Druand et s'esmeut et leva de table et s'adressa
[41] incontinent
ledit Pezron, le souffleta et voulut
[42] rompre
ladite espee qu'il portoit en
[?my?] le
foureau
[43] dicelle pour a quoy obvyer, trouva
ledit Pezron moien
[44] de gecter
et caicher
ladite espee soulz ung lict
[45] illecques estant et sur ce
ledit Druand print
ledit
[46] Pezron par les cheveulx et le traisna par
ladite
[47] chambre. Et a tant,
ledit Le Jar
desplaisoit les
[48] injures
et exces qu'on faisoit
audit Pezron, se
[49] leva de
ladite table
et alla vers l'uys de l'entree
[50] de
ladite chambre et desgayna son espee et
ledit
[51] Treanna s'esforcza devoir hoster
audit Bleurchant
[52] ledit baston a deux boulz. Et en ce debat,
conflit
[53] et meislee,
s'aprocherent ledit Le Jar ayant
sadite
[54] espee desgaynee de laquelle rua ung coup
[55] d'estoc et atteignyt, ainsi qu'on dit,
ledit Treanna
[56] au-dessoulz l'oreille du costé dextre duquel
[57] coup et dedans une heure
apres alla
ledit Treanna
[58] de vie a deceix. Si nous remonstrent
lesdits supliants
[59] que
ledit Le Jar ne penczoit en aulcun mal lors
[60] que
ledit Treanna
et aultres arriverent en
sadite
[61] chambre, allerent il
et ses gens eulx reposer
[62] et mectre en lict et n'avoit
auparavant ledit Le Jar
[63] eu aulcune question, different ne noyse
[64] avecques
ledit Treanna, ains estoient parrens et
[65] bons amys ; et
tousiours ledit Le Jar bien et honnestement
[66] vescu sans avoir esté accusé ne actainct d'aulcun
[67] aultre mauvaix cas fors celluy de
present pour raison duquel
[68] fut le lendemain matin
dudit jour prins prinsonnier par
[69] les officiers de la
court de Doulas
apartenant au segneur de
[70] Rohan. Nous
suppliant qu'il nous plaise a tout ce que
<13 recto>
[71] dessus
avoir esgard et actandu la jeunesse
dudit Le Jar quel
[72] dispos
pour povoir
fere service tant a nous que a la chose
[73] publicque
et que
ledit cas doyt plustost
estre censé fortuyt que
[74] malicieux luy octroyer
dudit cas noz
lettres de grace, remission
[75] et
pardon, a ce
convenables, tres
humblement, le nous
[76] requerant. Pourquoy nous,
etc.
Darande