12/06/1532
<112 verso>
Remission
pour Jehan Martin, l'adressé aux juges de
ressort de Gouello.
[1] Francois,
etc, savoir faisons, nous avoir receu l'
humble suplicacion
[2] et requeste des parens et amys consenguins de
Jehan Martin,
[3] pouvre jeune
gentilhome de le age d'envyron vingt oint ans,
[4] chargé de
femme et petitz ensfans, a
present prisonnier detenu
[5] en noz prisons du ressort de Gouello,
Contenant que le mardy
[6] de Pasques dernier passé,
ledit Martin alla au
pardon a la
[7] chapelle mon
Sr Saint Jehan a
Kerdaniel en
ladite juridicion du
[8] ressort ouquel lieu y avoit grant assemblee de gens
[9] pour gaigner
ledit pardon. Et apres
avoir ledit Martin faict
[10] son
oblucion en
ladite chapelle et gaigné
ledit pardon, se trouva
[11] a boyre et
fere bonne chere avec
Pierres Plusquellec,
[12] Pierre de Vesle,
Jehan Plusquellec, Tugdual
Dannoual,
[?Kerdibequetz?]
[13] et
autres. Et apres
avoir fort beu et faict grant chere,
[14] ledit Dannoual dist
ausdit Martin et
autres dessusdits en
[15] poyant une pinte de vin :
« Me laisserez-vous mourir yci
<120 recto>
[16] avec ung villain ? » A quoy luy fut respondu
par lesdits
[17] assistans qu'il n'y avoit villain a l'asemblee qui luy eust
[18] faict desplaisir en
leur compaignye. Et lors
ledit Martin
[19] qui estoit fort troublé, prins et emboyté de vin,
demanda
[20] audit Danoual qu'il eust a luy monstrer
ledit homme et
[21] pour ce
fere,
ledit Dannoual mena celluy Martin en une
[22] maison
illecques pres en laquelle
ledit Dannoual
[23] rompit l'huys d'une chambre haulte pour y entrer
[24] esperant trouver celuy homme dont il s'estoit plainct
[25] sans
autrement l'avoir
nommé pour lors, mays depuis
ledit
[26] Denoual dist qu'il avoit nom Jehan Le Corbellec,
[27] lequel ne fut trouvé ne
rencontré. Et en sortant
[28] de
ladite maison, pres d'une taverne
que tenoit Yvon Le
[29] Cren pres
ladite chapelle, trouverent ung
nommé Guillaume
[30] de
Kergoual qui estoit maryé a une seur
dudit Dannoual
[31] qui tenoit au corps ung
nommé Yvon Le Beveillon
[32] faisans
contenance de s'entrevoulloir baptre en la
presence
[33] desdits Pierre de Vesle, Pierre du Plusquellec, Dannoual et
[34] Martin. Et lors
ledit Plusquellec evagina son espee
[35] et en donna ung coup de plat sur la teste
dudit Beveillon.
[36] Et
ledit Martin ayant peur
que ledit Plusquellec feist plus
[37] grant oultrage
audit Beveillon qu'ilz avoynt illec
[38] trouvé davanture, evagina son espee pour
departir
[39] la nouayse et retiré
ledit Beveillon
dudit debat
[40] luy asurant qu'il n'auroit point de mal en sa
[41] compaignye. Quoy voyant
lesdits de Plusquellec, Le
[42] Vesle et Dannoual
reprocherent audit Martin
que il
[43] tenoit le party
dudit Beveillon luy donnans a
congnoistre
[44] qu'ilz n'en estoint point contans. Quoy voyant
ledit Martin
[45] fort eschausfé et emboité de vin, craignant
que lesdits nomez
[46] luy eussent fait desplaisir pour leur donner a
congnoistre
[47] qu'il n'estoit point du
party dudit Beveillon et a la fin de les
[48] contanter,
donna audit Beveillon
pluseurs coups de plat de
[49] sadite espee sur la teste, espaulles et
autres endroitz de son
[50] corps sans espoir de le mectre a mort ne
fere playe
[51] ouverte. Et sur ce
ledit Beveillon print
ledit Martin
[52] aux cheveulx et l'abatit a
terre, et en icelluy
conflict
[53] et debat ayant celuy Martin
sadite espee nue, blecza
[54] ledit Martin
ledit Beveillon ou gras de l'une de ses
[55] jambes esperant
fere laisser prinse
audit Beveillon
[56] sans avoir
autrement intencion de le mectre a mort. A raison
[57] duquel coup arryvé de malle fortune
par default de bon
[58] troictement ou autrement alla
ledit Beveillon
des
<120 verso>
[59] vingt quatre
heures apres de vie a deceix. Et sur ce
[60] que lors ont dist
audit Martin que
ledit Beveillon estoit pres
[61] que mort a
cause dudit coup,
ledit Martin tout esmeu et
[62] eschauffé de vin et desplaisant d'
avoir ainsi esté prins
[63] aux cheveulx
par ledit Beveillon et gecté
par terre, dist en
[64] fureur et challeur
que si
ledit Beveillon n'estoit mort qu'il
[65] l'eust
parachevé. Combien toutesfois qu'il ne luy toucha
[66] desonques puys et
que il n'esperoit pas
que ledit deceix fust
[67] advenu, actendu
que ladite bleczeure n'estoit pas en lieu
[68] mortel. Si nous remonstrent
lesdits suplians
que
[69] jamais
ledit Martin n'avoit eu querelle ne debat
[70] avec
ledit Beveillon et ne le cherchoit lors qu'il le
[71] rencontra de malle fortune, et
que ledit Martin est
[72] jeune
homme doulx et paisible sans jamais
avoir
[73] esté actaint ne
convaincu d'aucun autre
mauvais
[74] cas fors de celuy de
present arryver de fortune
comme dit
[75] est, et
que les officiers de
ladite court du ressort
[76] veullent
proceder vers luy a rigueur de justice, si
[77] par nous ne luy est
imparty noz
lettres de grace,
[78] remission et
pardon ce
que tres
humblement nous suplient
[79] et requierent
lesdits parens et amys. Pourquoy
[80] nous,
etc.
Mandart