26/06/1532
<130 verso>
Remission pour Yvon et Jehan du Dresnay,
la
verification aux juges de Karhaez.
[1] Francois,
etc,
savoir faisons, a touz
presents et a venir, nous
[2] avoir receu l'humble
supplicacion et requeste des
parens
<131 recto>
[3] et amys consanguyns de Yvon et
Jehan du Dresnay,
[4] freres, jeunes
gentilhommes, natifs et originaires
[5] de
notre juridiction de
Karhaez,
ledit Yvon estant
homme
[6] d'armes de noz ordonnances,
Contenant que le lundi des
[7] feries de la Pentecoste
derniere passee, y eut ung an,
ledit
[8] Yvon du Dresnay, sa
femme et
compaigne espouse, et
[9] autres gentilzhommes et damoiselles en
leur compaignye,
[10] allerent
ensemblement au
pardon en une chapelle appellee
[11] la chapelle de
Saint Heloy situee en la
paroisse de Paoul
[12] en l'evesché de Cournouaille, auquel jour y a
par chacun
[13] an grosse assemblee. Et envyron une heure ou deux
[14] apres, aryva
oudit Saint Heloy
ledit Jehan du Dresnay,
[15] frere
dudit Yvon lequel avoit esté disner au manoir
[16] de
Kervegues en la compaignie du
Sr du Vieulx Chastel,
[17] sa compaigne et
autres bas
personnaiges y estans,
[18] et de la s'en vint en ladite chapelle boullant et se bastant
[19] par les chemyns. Et a son arryvee
audit Saint Heloy, alla
[20] visiter
ladite chapelle et
fere sa devotion et
pareillement
[21] les
autres qui estoint en sa
compaignie, et a la sortye
[22] dicelle chapelle, trouva
illecques plusieurs jeunes
[23] gens qui s'ebastoint a gecter la pierre de feix avec
[24] lesqueulx
par maniere d'esbat et passetemps se mist
ledit
[25] Jehan du Dresnay en pourpoint pour myeulx ruer
[26] ladite pierre, n'ayant
ledit Jehan point lors avec luy aucune
[27] espee ne autre baston. Et ainsi
que ledit Jehan et
autres
[28] de la compaignie s'esbatoint
audit jeu, arryva illec
[29] avec eulx
Jehan du Pampoullou,
Sr de
Saint Avazone,
[30] frere aisné de Loys du Pampollo, greffier d'office
dudit
[31] Karhez, quel
Jehan du Pempollou se mist a regarder
[32] le jeu et s'entre salluerent
honnestement luy et
ledit
[33] Jehan du Dresnay
come gentilhomes ont acoustumé de
[34] fere. Et tost apres survint en
ladite compaignie ung
[35] nommé Pierres Audren,
surnommé Le Bragart,
homme
[36] de baz estat, ayant une espee au costé, lequel ne
[37] daigna salluer la compaignie ne oster son bonnet.
[38] Et voyant
ledit Jehan du Dresnay la gloyre et
presumption
[39] dudit Audren, luy
demandast il ne savoit autre bien ne
[40] autrement ses
contenances et qu'il voyoit les
autres gentilhomes
[41] s'entre salluer
honnestement et hoster leurs bonnetz ce qu'il
[42] n'avoit faict ; auquel du Dresnay respondit
ledit Audren
<131 verso>
[43] que il n'eust point osté le bonnet
pour luy. A raison
[44] de quoy se
approcha ledit Jehan du Dresnay
dudit Audrain et
[45] luy donna ung soufflet de sa main nue sur la joue,
[46] luy disant :
« Villain portable que tu es ! je te apprandré
[47] les contenances. » Et sur ce, se
departit ledit Audren,
[48] et
ledit Jehan du Dresnay demoura
illecques regardant
[49] audit jeu de
pierre en pourpoint en la
compaignie
[50] dudit Jehan du Penpoullou,
frere dudit Loys et de
plusieurs
[51] autres. Et asses tost apres,
ledit Loys du Pempoullou
[52] qui estoit en une taverne asses pres de
ladite chapelle,
[53] ayant en sa compaignie
plusieurs gentilhomes et
[54] autres gens
portables adverty
que ledit Jehan du Dresnay
[55] avoit donné ung soufflet
audit Audren
que ledit du
Pempoullo
[56] avouoit son serviteur, se leva de table, gecta sa
[57] robe ayant son espee au cousté, tout efrené, esmeu
[58] et changé de couleur, disant
ausdits gens
portables
[59] et autres qui estoit en sa compaignie :
« Ayons des
[60] pierres et courons sur luy ! » en
parlant dudit Jehan
[61] du Dresnay :
« Je voyré s'il eschapera ! » s'en vint tout
[62] droict au lieu auquel estoit
ledit Jehan du Dresnay
[63] en pourpoint, gectant
ladite pierre et il ainsi esmeu
[64] et eschausfé dist
audit Jehan du Dresnay :
« Meschant,
[65] malheureux que tu es ! Pourquoy a-tu frappé mon
[66] serviteur ? » Auquel Loys du Pempoullou respondit ledit
[67] du Dresnay qu'il n'estoit point
meschant et
que si il eust
[68] eu une espee
comme luy
que il luy eust montré qu'il
[69] n'estoit point meschant, disant outre
oudit de Penpollo
[70] qu'il y avoit longtemps
que icelluy du Penpollo luy
[71] voulloit du mal et sans l'
avoir deservy vers luy.
[72] Duquel differant,
querelle et
parolle fut adverty
ledit
[73] Yvon du Dresnay, frere
dudit Jehan, qui lors estoit en
[74] une autre taverne
audit Saint Heloy, en la
compaignie
[75] de
plusieurs gentilhomes, damoiselles et autres gens.
[76] Et de peur
que ledit Loys de Penpollo n'eust outraigé ou
[77] mys a mort
sondit frere, se
partit ledit Yvon du Dresnay
[78] de la compaignie en laquelle il estoit a boyre et
commancza
[79] a aller la
part ou estoit
sondit frere. Et
come il estoit arryvé
[80] pres la croix estante au-devant de ladite chapelle, trouva
[81] illecques
ledit Loys du Pempoullo accompaigné de
plusieurs
[82] gens de baz estat et autres ayans bastons et
pierres en les
<132 recto>
[83] mains quel Loys du Pempollo injurioit
ledit Jehan
[84] du Dresnay qui illecques estoit en pourpoint et sans
[85] baston ne espee l'appellant :
« Coquyn ! » et
« Belistre ! »
[86] et luy disant :
« Je te trouveray ! » Et ainsi
que ledit du
[87] Pempollo s'esforczoit d'evaginer son espee laquelle
[88] ja il avoyt tiree jucques a demy, faisant
contenance
[89] de en voulloir frapper
ledit Jehan du Dresnay et
[90] l'outraiger,
ledit Yvon se doubtant
que ledit Loys
[91] du Pempollo n'eust illec tué
sondit frere, s'
aprocha
[92] dudit Loys et luy donna ung coup de poignart
[93] en la poictrine. Et
ledit Jehan qui estoit lors
[94] degarny d'espee, constitué en crainte et doubte
[95] de sa vie, ne saichant
que sondit frere eust frappé
[96] ledit Loys du Pempollo, trouva illec ung garson
[97] auquel de paravant il avoyt baillé sadite espee
[98] et la print et soy detourna vers
ledit Loys
[99] du Penpollo auquel il donna ainsi esmeu
[100] en chaulde colle ung coup ou deux d'estoc de
sadite
[101] espee, ne sceit en quel endroit de son corps :
[102] a raison desquelz coups,
ledit de Pempollo tomba
[103] a genoulx. Et sur ce, soy retirerent
lesdits Yvon et
[104] Jehan du Dresnay ausquelz est depuyx venu a
[105] congnoissance que a
occasion desdits coups,
ledit de
Pempollo
[106] estoit allé de vie a trespas. Et a celle
cause,
[107] lesdits Yvon et
Jehan du Dresnay ont esté
par plusieurs foiz
[109] adjournez et jugez
deffaults par notre court de
Karhez
[110] a
instance de
notre procureur dicelle. Nous remonstrans
[111] outre
lesdits suplians que lesdits Yvon et
Jehan du Dresnay
[112] sont jeunes
gentilhomes de bonne extraction
[113] soubz le age de vingt deux ans , enffans de
[114] famille doulx et paisible
non querelleux
[115] et bien vivans sans jamays
avoir faict
perpetré actaint
[116] ne
convaincuz d'aucun
autres mauvaix cas fors
celluy de
[117] present duquel
lesdits exposans nous ont supplyé et requis
[118] leur impartir noz
lettres de grace, remission et
pardon.
[119] Tres humblement les nous
requerans, pour quoy,
etc.
Mandart