06/07/1532
<139 verso>
Remission pour Raoullet Herneleu dont
la teneur ensuilt, adressee aux juges de
Rennes.
[1] Francois,
etc,
savoir faisons, a tous
presents et a venir, nous
avoir receu
[2] l'humble
supplicacion et requeste des parens et amys consanguins de
[3] Raoullet Herneleu de la
paroisse de Chevigné en l'evesché de Rennes,
Contenant
[4] que a jour et feste
Saint Eloy, vingt
cinquieme jour de juign l'an mil vc xxiiii,
[5] ledit Herneleu et Jehan Moncel retournans du bourg de Mouaisé
[6] envyron une heure ou demye heure avant soulleil cousché dicelluy
[7] jour auquel lieu ilz estoint allez a la foire et voyage de
Saint Eleoy
[8] qui estoit
ledit jour, eulx accompaignez de Ollivier Bedel et
plusieurs
[9] autres
personnes ; et eschauffez de vin, tirans leur chemyn a s'en
[10] aller
dudit bourg a leurs maisons et
demourances situees en
ladite
[11] paroisse de Chevigné pres et au-dessus
dudit bourg de Moaysé
comme
[12] envyron ung trect d'arc, trouverent Phelippes Boullaye et
[13] Jehan Jouannolles, clerc, qui iceluy jour avoit cité d'office
ledit
[14] Ollivier Bedel. Auquel Jouhannolles,
ledit Bedel demanda le double
[15] de la
citacion qu'il luy avoit
ledit jour
fecte disant
ledit Bedel et
[16] ung
nommé Alain
Prudhomme, dit Larcher, avoir celuy jour juré
[17] le nom de dieu. A quoy
ledit Jouannolles respondit
par plusieurs
[18] foiz
audit Bedel qu'il ne luy se auroit bailler le double de
[19] ladite citacion jucques a
avoir trouvé une escriptoire a raison
[20] qu'il disoit
avoir celuy jour
perdu la sienne. Et ce voyant
[21] lesdits Herneleu et Moncel et autres de leur
compagnye
[22] voullans
savoir si de faict
ledit Jouhannolles disoit vroy
[23] d'avoir
perdu sadite escriptoire sercherent
* ledit Jouannolles
[24] et ne luy trouverent aucune escriptoire. Et
par apres,
[25] sercherent
ledit Phelippes Boullaye qui
paroillement estoit
[26] clerc, assavoir s'il avoit escriptoire pour la prandre
[27] affin d'avoir et retirer
dudit Jouhannolles
ledit double
[28] de
citacion. Et en serchant,
ledit Boullaye l'abatirent les
[29] dessurdit et
que que soit tomba et cheut
ledit Boullaye
contre
[30] terre et jurant
lesdits Herneleu, Moncel et autres de
[31] leurdites compaignye le nom de dieu
que s'il trouvoint
[32] aucuns en leur chemyn il les bateroint
come villains. Et
[33] alors
ledit Allain
Preudhomme dit Larcher estant
oudit chemyn
[34] loign d'eulx
come envyron a ung gect de boulle, print une
[35] pierre en sa main et adressant ses
parolles ausdits Moncel, Herneleu,
[36] Jouhannolles et Boullaye et a ung autre
nommé Gerard
[37] qui
pareillement estoit avec eulx, dist telles ou semblables
[38] parolles :
« Qu'esse-la ? Qu'esse-la, Messrs ? Il ne fault point
[39] avoir de debat. Il est temps de s'en aller. » Et sur tant, les
[40] surnommez tirerent amont
ledit chemyn vers
ledit Preudhomme,
[41] aperceurent lors qu'il tenoit
ladite pierre en l'une de ses mains
<140 recto>
[42] sans toutesfoiz qu'il fist contenance d'en voulloir frapper
[43] aucun d'eux ; et lors qu'ilz furent a luy arivez,
ledit Herneleu
[44] demanda a
icelluy Preudhomme pourquoy il tenoit
ladite pierre et
[45] qu'il en voulloit
fere, disant qu'il la eust gectee contre
[46] terre ce que fist
ledit Prodhomme liberallement. Et sur tant,
[47] print
ledit Herneleu
ledit Prodhomme au poil, l'abatit et gecta
[48] contre
terre en une fosse pres
dudit chemyn. Et luy estant
[49] ainsi cheu,
lesdits Herneleu et Moncel prindrent ledit
[50] Prodhomme, le foullerent et trainerent
par ledit chemyn et luy
[51] donnerent
plusieurs coups et collees tant de pied
que de poing,
[52] puys luy fut aydé a soy relever
par aucuns des asistans ;
[53] et iceluy
Preudhomme relevé, fut dit
par ung
nommé dom
[54] Jehan Bezardaye qui arryva illec monté sur ung cheval
[55] telles ou semblables
parolles :
« Quoy, Chevignays, vous laissez
[56] vous baptre aux [?mellessays?] ! » Et sur tant
lesdits Moncel,
[57] Herneleu, Jouannolles et Gerard reprindrent et abatirent
[58] a
terre ledit Preudhomme, luy tirerent les cheveulx et luy
[59] donnerent du poing et des piedz
plusieurs coups et collees
[60] sur aucuns lieux et endroitz de son corps, ne sceit ledit
[61] Herneleu combien, et le trainerent
par le chemyn
come envyron
[62] ung gect de plataine
*. Et davantaige
ledit Moncel qui
[63] estoit lors eschauffé et emboitté de vin, donna
audit Prodhomme
[64] troys coups d'un petit cousteau tranchepain qu'il avoyt
[65] evaginé en sa main savoir : l'un
desdits coups au
ventre, l'autre
[66] en l'une des cuisses vers le jaret et l'autre en une espaule
[67] sur ung braz jucques a grand effusion de sange. Et outre
[68] ledit Herneleu foulla o les piedz et genoulx
ledit Prodhomme
[69] et le print au poil et luy aracha et luy donna de la main
[70] sur le visaige en jurant la chair dieu
[?c'est en despit
[71] de la chesvaille?] quel
Preudhomme fut derecheff
[72] relevé et cuidant s'en aller a sa maison, ne se peult
[73] soustenir et fut prins et porté en la
prochaine maison
[74] dudit debat. Et sur ce s'en allerent
lesdits Moncel, Herneleu,
[75] Jouannolles, Gerard, dom
Jehan Bezardaye et Ollivier Bedel
[76] ensemblement en leurs maisons. A raison
desquels
[77] coups et exceix, sortirent
audit Prodhomme partie desdits
[78] boyaulx hors de son corps et alla
ledit Prodhomme le
lendemain
[79] ensuyvant apres
avoir esté confessé,
par default de
[80] gouvernement, pensement ou
autrement de vie a trespas.
[81] A raison duquel cas et homicide s'est
ledit Herneleu
[82] retiré en franchise et rendu
desoncques puys hors
cedit
[83] pays et duché. Outre, nous ont
lesdits suplians remonstré
[84] que le neufiesme jour de may dernier a notre joyeusse venue
[85] et
premiere antree en la ville de
Foulgeres, fut
par nous
<140 verso>
[86] faict
fere ouverture des prisons dudit lieu et faict
[87] eslargir de
notre auctorité touz et
chacun les
prisonniers estans
[88] en icelles pour leur
fere grace et remission. Entre lesquelz
[89] y estoit
ledit Herneleu pour
ledit cas de meurdre sur
[90] declairé et de
notre commandement fut delivré et mis
[91] hors
desdites prisons. Et pour
fere expedier ses
lettres de
[92] remission et
pardon dudit cas en forme levé, luy fut
par
[93] nous donné et octroyé temps et terme de troys moys
[94] qui encore durent
come peut
aperoir pour l'acte de
relacion
[95] de ce faisant mention atachee acestes nos
presentes
[96] lettres de grace soubz le contreseel de
notre chancellerie
[97] de
cedit pays. Plus, nous ont
lesdits suplians remonstré
[98] que ledit Herneleu est jeune
home ayant charge de
femme
[99] et enffans, bien vivant, bon marchant et laboureur et
[100] bien
renommé, sans jamais
avoir esté reprins ne accusé
[101] d'aucun autre mauvays cas jucques a
celluy le
present
[102] qui luy advint
par malle fortune et en chaude colle
[103] sans y pansé. Et
auparavant ledit cas n'avoit
oncques
[104] eu debat ne querelle avec
ledit Prodhomme et ne
[105] le pensoit trouvé ne
rencontré en
sondit chemyn
come
[106] il fist d'avanture et de cas fortuit. A raison duquel
[107] cas craignent et doubtent
lesdits suplians que l'on vousust
[108] proceder vers ledit Hernelleu a rigueur de justice
[109] et pugnition corporelle si
par nous ne luy estoint
[110] imparty dudit cas noz
lettres de grace, remission
[111] et
pardon,
tré humblement nous
requerans icelles.
[112] Pour quoy,
etc.
Mandart