22/01/1531 [22/01/1532]
<13 recto>
Remission pour Gregoire Le Merle, la
verifficacion
aux juges de Nantes dont la teneur ensuilt.
[1] Francois,
etc, a tous
presens et a venir, savoir faisons, nous
[2] avoir recu l'
humble supplicacion et requeste des pares et
[3] amys
consanguins de
notre pouvre subgect Gregoire Le
[4] Merle,
sergent tant des courtz de Nantes que des doyen
[5] et
chappitre dudit lieu,
Contenant que le mercredy quart
[6] jour d'octobre
derroin sur le bruyt
et scandal qui estoit en la
[7] rue de
Saint Clemens pres
dudit Nantes, que ung
[8] nommé Jacques Billon, estrangier de la comté
dudit
[9] Nantes, acompaigné d'une
nommee Perrine estimee en
[10] la rue
dudit Saint Clement meschante de son corps
[11] estoient venuz logier en
ladite rue de
Saint Clement
[12] en une maison
apartenant a Thoumas
Bourgeoys, claveurier,
[13] demeurant en
ladite parroisse dudit Saint Clemens en la
[14] rue
dudit lieu en une
aultre maison de l'autre cousté
[15] de
ladite rue quasi vis-a-vis de
ladite aultre maison luy
[16] apartenant.
Et que aulcuns disoint en
ladite rue
Saint Clemens
[17] que il n'y avoit propos ne raison de souffrir paillardie,
[18] ne meschanceté en icelle rue habitee de gens de bien
[19] et bien vivans fut a divysé en
[?tourbe?] par aulcuns de
ladite
[20] rue que
ledit Le Merle,
sergent, de ladite
court desdits doyen
et chappitre,
[21] soubz laquelle
court et juridicion est
ladite rue de
Saint Clement,
[22] feust allé intimé ausdits Jacques Billon et Perrine
[23] qu'ilz eussent vuydé
ladite maison. Et
ledit Le Merle
[24] estant
ledit jour environ l'heure de cinq heures apres
<13 verso>
[25] medy en la maison Thoumas Colin en
ladite rue
Saint
[26] Clement, passerent par devant icelle maison
lesdits Jacques
[27] Billon et Perrine queulx venoient devers la ville
dudit
[28] Nantes et entrerent en la prochaine maison de celle dudit
[29] Thoumas Colin
apartenant audit Bourgeoys en laquelle
[30] demouroit Perrine,
femme Guillaumette Colin.
Et apres qu'ilz y
[31] furent entrez,
ledit Le Merle qui estoit quelque peu
[32] prins de vin dist par telles parolles :
« Par dieu, ilz ne
[33] logeront pas ceans ! » parlant desdits Jacques Billon et Perrine,
[34] « ilz yront loger aux champs ! » et lors sortit celluy Le
[35] Merle hors la maison
dudit Thoumas Colin et entra
[36] en celle ou
lesdits Jacques et Perrine avoient entré en
[37] une chambre haulte du devant de
ladite maison ou estoit
[38] lesdits Jacques et Perrine. Ausqueulx
ledit Le Merle dist
[39] de premier arrivee :
« Je vous intyme que vous ayez a
[40] sortir et desloger de ceste chambre. » Auquel
[41] Le Merle,
ledit Jacques
respondit qu'il ne sortiroit
[42] et qu'il estoit en sa chambre
et qu'il l'avoit louee
[43] de
ladite femme Guillaumette Colin. Et alors
ledit Le Merle print
[44] ledit Jacques par la robbe, le voullant mectre hors
[45] ladite chambre et sur
insistance et reffuz
que faisoit
[46] ledit Jacques de sortir dicelle chambre,
ledit Le
[47] Merle print
ledit Jacques au poil, et aussi
lesdits Jacques
[48] et Perrine prindrent au poil
ledit Le Merle en
maniere
[49] que
ledit Le Merle tomba soulz eulx. Et sur le bruyt
[50] et cry de force au roy qu'il estoit en
ladite maison,
[51] y alla
ledit Thoumas Colin quel les
departit et apres
[52] ledit Le Merle avoit esté relevé, il desplaisant
[53] et courroussé de l'exces que luy avoit faict
ladite Perrinne
[54] et sur ce que elle luy dist qu'il s'en repentiroit,
[55] luy bailla deux souffletz a l'occasion desquelz elle
[56] saigna du neix. Et se print apres et incontinent
[57] descendit
ledit Le Merle de
ladite chambre, s'en alla
[58] ches luy et print une espee et en retournant a la
[sic]
[59] ou estoint
lesdits Billon
et femme, trouva
ledit Thoumas
[60] Bourgeoys auquel il dist que ung homme avoit
<14 recto>
[61] amené en une chambre de maison
apartenant audit Bourgeoys
[62] situee en la rue
dudit Saint Clement en laquelle estoient
[63] demourans Ligier Bonhourt et Perrine Desse,
femme Guillaumette Colin
[64] et
aultres louaigiers, une meschante femme
et que c'estoit grant
[65] scandales demourans en
ladite rue de
Saint Clement et que
[66] a ce que il estoit allé en
ladite chambre ou ilz estoient pour
[67] les debvoir
fere vuyder, ilz l'avoient prins es cheveux,
[68] l'avoint baptu disant oultre
ledit Le Merle
audit Bourgeoys
[69] que comme officier il luy faisoit
commandement de
fere vuyder
[70] de
sadite maison
lesdits homme
et femme demandant
audit Bourgeoys
[71] s'il vouloit souffrir une meschante en sa maison. Quelles
[72] parolles ouyes par
ledit Bourgeoys, alla
avecques ledit Le Merle
[73] en
ladite maison ayant en l'une de ses mains une paire de tenaille
[74] et une chandelle en l'aultre pour dire
esdits homme
et femme
[75] qu'ilz eussent a vuyder
sadite chambre pour ce mesmes
[76] que celluy Bourgeoys disoit que en icelle chambre
[77] il avoit ung lict et n'y en avoit aultre que le sien
[78] et ne voulloit qu'ilz eussent
comis leur putacerie en
sadite
[79] chambre ne sur son lict.
Et comme ilz furent arrivez
[80] en
ladite chambre, ilz trouverent
lesdits homme
et femme
[81] quel homme estoit assis sur le lict qui estoit en
ladite
[82] chambre embrassant une quenoille du charlict
[83] et illecques pres estoit
ladite femme qui saignoit
[84] et plouroit disante
que ledit Le Merle luy avoit baillé
[85] deux coups ou souffletz sur le visaige. Ausquelz Billon
[86] et femme,
ledit le Merle dist qu'ilz eussent deslogé
[87] dicelle chambre et maison
et que ilz n'estoint
[88] acoustrez ne ressembloient en gens de bien et
[89] pareillement
ledit Bourgeoys leur dist
qu'ilz eussent
[90] sorty de
sadite chambre
et que le lict qui y estoit
[91] estoit sien. A quoy
ledit home dist assez arrogantes
[92] que ilz n'eussent sorty de
ladite chambre et que il
[93] l'avoit loué de la femme
Guillaumette Colin disant
qu'il
[94] n'avoit que
fere o
ledit Bourgeoys qu'il n'en eust
[95] sorty pour personne s'il n'en eust esté mis hors
[96] par les piedz et par la teste. Et sur ce
ledit Bourgeoys
<14 verso>
[97] fist esfort de tirer celuy
homme qui tenoit
ladite quenouille
[98] de charlict embrassee o ung braz ainsi que devant est
[99] dit, ce que touteffoiz
ledit Bourgeoys ne peult faire
[100] pour lors et se mist
ledit Le Merle et ung
nommé
[101] Laurens Ronceau qui arriva sur
ledit faict et a ayder
[102] audit Bourgeoys et eulx troys
assemblement destacerent
[103] celluy homme de
ladite quenoille de lict en telle
maniere
[104] qu'ilz le osterent hors le dessus
ledit lict et le misdre
[105] hors
ladite chambre et
apres ce, ferma
ledit Bourgeoys
[106] o clef l'huys dicelle de laquelle
pareillement auparavant
[107] estoit yssue
ladite femme qui estoit o
ledit Billon. Et
[108] ce faict,
ledit Le Merle voyant que celluy homme
[109] qui estoit en l'huisserie de celle chambre et
[110] regardoit devers icelle doubtant qu'il eust
encores
[111] voulu entrer en
ladite chambre, donna du pommeau
[112] de
sadite espee ung seul coup sur le visage
dudit homme
[113] lequel tomba lors a terre. Ne scet si ce fut
[114] a raison
dudit coup ou bien
comme on le poussoit
[115] en le mectant hors de
ladite chambre, a l'
occasion
[116] duquel coup, celluy Billon
grandement saignoit
[117] et
ledit suppliant desplaisant de ce et aussi
[118] qu'il voyoit celluy homme ainsi saigner
[119] et que
ladite femme pareillement saignoit
par le neix
[120] sce retourna en
sadite maison ou il estoit
demourant
[121] et en se descendant par le vir de
ladite chambre
[122] ouquel estoit ladite
femme ainsi que
ledit Le Merle
[123] passa par aupres d'elle, se print
ladite femme
[124] crier sans
touteffoiz qu'il luy touchast ne luy
[125] feist aulcun mal ne baillé aulcuns aultres
[126] coups a
ladite femme ne
audit homme fors
[?les sur?] remonstrer.
[127] Et depuix, luy est venu a
congnoissance que les
[128] dixme ou dozeme jours
apres celluy debat
et conflict
[129] celle
femme est morte et decebdee en l'aulmonnerye de
[130] Toussainctz es forsbourgs
dudit Nantes ou elle
[131] et
ledit Jacques s'estoient retirez, ne sceit si ce fut
<15 recto>
[132] a raison des deux coups ou souffleictz que elle disoit
[133] celluy Le Merle luy avoir baillé ou bien de maladie
[134] contagieuse qui lors regnoit tant en
ladite aulmosnerie que
[135] ailleurs ou bourg de Vretays pres lequel est
ladite aulmonnerie,
[136] situee ainsi qu'il est notoire
et commun. Combien que
[137] icelle
femme apres avoir esté ainsi par
ledit Le Merle
[138] frappee, feust aller
et venue querir vivres
et provisions
[139] pour
ledit Jacques et par divers
jours sans qu'elle se doleist
[140] depuis celluy jour quelquessoit filloit sa quenoille et
[141] menoit
ledit Jacques par devers les gens de la justice
[142] pour se plaindre
desdits exceix. Quel deceix de
ladite feme
[143] venu a notice
dudit Le Merle pour ce que c'estoit au
[144] dedans des quarante jours du
conflict craignant estre
[145] apprehendé de sa persone, s'est rendu fugitif, laissé
[146] sa feme et mesnaige et a esté
ledit le Merle en vertu
[147] d'un mandement evocatoire en
notre court dudit Nantes
[148] de nous obtenu par
plusieurs foiz ajourné tant a son
[149] domicille que a ban ausquelz aiournemens il n'a
comparu et
[150] que
notre personnel dudit Nantes
[151] dudit chappitre procedent allencontre dudit Le Merle
[152] tendans par
contumaces le
convaincre et mectre a forban.
[153] A raison de quoy
audit Le Merle abandonner le pays, sa
femme
[154] et mesnaige si par nous ne luy est sur ce
pourveu
[155] quel le Merle
auparavant ledit cas avenu de tout temps
[156] a esté de bon rest, gouvernement, bien famé et
renommé,
[157] hantant
et frequentant les gens de bien sans jamais
[158] avoir esté actainct ne
convaincu d'aulcun mauvaix cas et digne
[159] de
reproche. Nous
suppliant qu'il nous plaise a tout ce que
[160] dessus avoir esgard et de
notre benigne grace
dudit cas
[161] impartir audit Le Merle noz
lettres de grace, remission
[162] et pardon, tres
humblement le nous requerans. Pourquoy
[163] nous,
lesdites choses
considerees.
Darande