19/07/1532
<146 recto>
Lettre de pardon pour
Pierre Maufras, la
verifficacion et
adressee aux juges de
Foulgeres.
<146 verso>
[1] Francois,
etc, A tous ceulx qui ces
presentes lettres verront,
[2] Salut. Receue avons l'humble supplicacion et requeste
[3] de Pierre Maufras le jeune, tanneur, natiff de la
paroisse
[4] de
Saint George de Restambaus en
notre juridiction de
Foulgeres,
[5] Contenant que le jour et feste
Saint Laurens dernier, il estant
[6] ou bourg de Meslé envyron l'heure de vespres, voullant
[7] prandre chemyn a s'en retourner et en sa
compaignye
[8] dom Jehan Maufras, son frere, quelz assemblement
[9] estoint allez a la procession de leur
paroisse qui
audit
[10] jour estoit allee
audit Saint George, survynt ung
nommé
[11] Jehan Malles entre lequel et
ledit dom Jehan sourdit
[12] parolles rumoreuses,
tellement qui se voullurent
[13] combatre l'un
contre l'autre en ung endroit
dudit
[14] bourg pres la maison ou lors demouroit Jehan Loque
[15] et en laquelle Guillaume Dupont, tavernier, est a
present
[16] demourant assez pres du bout du hault
dudit bourg.
[17] Et en ensuyvant ce deplacement,
savoir le
frere dudit
[18] suppliant qui alloit le
premier et
ledit Malles apres,
[19] et tirerent vers le lieu ou ilz avoynt assigné
[20] de se combatre, garniz
chacun de son espee ; et
[21] voyant
ledit supliant pria
ledit Malles de ne
[22] suyvre point
ledit dom Jehan luy disant et
[23] remonstrant que
ledit dom
Jehan estoit emboité
[24] et
que ledit Malles ne print esgard a ses
parolles.
[25] Et sur ce
ledit Malles sans autre
occasion evagina
[26] son espee et en frappa
ledit supliant ung coup
[27] sus la teste
tellement que son chappeau et
[28] bonnet cheurent a
terre. Et voyant
ledit supliant
[29] evagina une mandoucine quelle lors il avoyt
[30] a son cousté et dicelle receut ung coup
que
[31] ledit Malles luy donna de son espee tellement
[32] que
ladite mendocze cheut a
terre. Et alors
ledit
[33] dom Jehan qui ja avoyt chemyné devant, se retourna vers
[34] ledit Malles et supliant, et evagina
celluy dom Jehan une espee
[35] qu'il avoit et il et
ledit Malles ruerent
ruerent[sic] de
leursdites
[36] espees
plusieurs coups les ungs sus les autres et aussi
ledit
[37] supliant de sa mendouce pour ayder a
sondit frere qui l'avoyt
[38] secouru de la mallivolance
* dudit Malles
tellement que ledit
[39] Malles fut
oudit debat bleczé jucques a effusion de
[40] sancg en la teste et
autres endroictz de son corps. Et
[41] alors survynt
par cas fortuit et inoppiné au regard
[42] dudit supliant, ung
nommé Jehan Bernard quel avoyt une
[43] espee evaginee dont
pareillement frappa
ledit Malles.
[44] Et en l'instant furent departiz
dudit debat et s'en
[45] alla
ledit supliant dudit lieu tirant son chemyn vers
<147 recto>
[46] le hault
dudit bourg et avec luy, se acheminerent
[47] lesdits dom Jehan et Bernard. Et après
que eurent
[48] faict quelque chemyn
ensemblement, departirent
ledit
[49] dom Jehan et Bernard d'avec
ledit exposant qui s'en alla
[50] audit lieu du Plesseix ou estoit sa demourance. Et
[51] que depuis
ledit jour
ledit supliant a ouy dire et tenir
[52] tout
notoyrement que
ledit Bernard lors
que ainsi il survynt
[53] ou debat et en y survenant, avoyt frappé de son espee
[54] ung coup d'estoc en ung cousté Jehan Dupont
[55] le jeune
demourant lors metayer au lieu de La Haulte
[56] Vayrie
apartenant a
Francois Le Vayer, lors estant
audit
[57] bourg assez pres
dudit lieu ou avoyt esté
ledit debat,
[58] et
que ledit coup d'estoc avoyt esté donné
audit Dupont
[59] a raison d'un coup de pierre
que ledit Dupont avoit
[60] donné
audit Bernard d'
occasion duquel coup d'estoc
[61] ledit Dupont estoit envyron
quinze jours ou troys
[62] sepmenes apres allé de vie a deceix. Nous
remonstrant
[63] ledit supliant qu'il n'avoyt lors eu
auparavant debat
[64] ne hayne
audit Dupont, et
que il ne fut
participant,
[65] complixe ne adheré
dudit Bernard a l'exeix faict
[66] audit Dupont, ne luy donné port, faveur ne ayde ainsi
[67] ledit cas eutrement
comme dit est. Et
que a raison
dudit
[68] homicide ainsi advenu a la
personne dudit Dupont et
[69] que ledit supliant fut en la compaignye
dudit Bernard
come dit
[70] est et
autres sans toutesfoiz estre coupable
dudit conflict
[71] ne y
avoir asisté,
ledit supliant a esté a la requeste de
[72] notre procureur de Foulgeres faict adjourner, comparoir a
notredite
[73] court sus
ledit cas ausquelz
adjournemens il n'a osé
comparoir
[74] et y a deffailly craignant estre
emprisonné et detenu,
[75] et luy usé de rigueur de justice pour la telle coulpe
*
[76] qui luy pouroit estre imputee a raison de l'asociacion
[77] qu'il fist
audit Bernard apres
ledit exceix
par luy faict
[78] audit Dupont sans toutesfoiz
que ledit Mausfras eust
congnoissance
[79] dicelluy exceix ; quel supliant est pouvre
homme de
bonne
[80] vie, regime et
gouvernement sans jamais
avoir esté accusé
[81] ne actaint d'aucun mauvaix cas. Nous humblement
[82] requerant luy quicter et
pardonner ledit cas. Pour ce est-il,
etc.
Morice