03/08/1532
<156 verso>
Remission pour Pierre Crochart et Guillomecte Gallan,
sa femme, et la
verificacion aux juges de Ploermel.
[1] Francoys,
etc, savoir faisons a tous
presens et advenir,
[2] nous avoir receu l'humble
supplicacion et requeste des
[3] parens et amys consanguyns de Pierre Crochart et Guillemecte
<157 recto>
[4] Gallan, sa fenme,
Contenant que au jour de feste de
[5] Penthecouste par
chacun an y a feste et assemblee de gens
[6] ou bourg de Pleugriffet en
notre jurisdicion de Ploermel
[7] et que
dernierement a
ladite feste
entre autres se y trouverent
[8] Jehan Gallan
et ung
nommé Guillaume Berthelot, serviteur de
[9] Francoys Desboys et Loyse Caignart, sa femme, quel
[10] Gallan ne seyvent
lesdits Crochart et sa
femme pour quelle
cause
[11] et raison il bailla
audit Berthelot estant a
ladite feste
[12] et assemblee a danser ung soufflect de la main
[13] ouverte
tellement que dicelluy coup
ledit Berthelot cheut a
[14] terre, lequel incontinent se leva et s'en alla a la maison
[15] desdits Desboys et
sadite femme, ses maistre et maistresse
[16] estans
oudit bourg de Pleugriffet et il arrivé leur feist
[17] plaincte
et dolleance de l'injure et exces luy faict par
ledit
[18] Gallan en
ladite dance. Et sur ce
ladite Loyse Caignart
[19] se demonstrant fort courroucee yssit hors
sadite
[20] maison
et print son chemyn droict vers
lesdits Jehan
[21] Gallan et Guillemecte Gallan ausquelz elle dist
[22] par parolles injurieuses en s'efforcant les exeder :
[23] « Pourquoy avez-vous baptu mon serviteur ? » Sur quoy
lesdits
[24] Jehan
et Guillemecte Gallan se voyans ainsi pressez et
[25] injuriez par
ladite Loyse Caignart, l'abbatirent et
[26] ruerent a terre. Et alors ung
nommé Loys Crochard
[27] qui a
present estoit a leur debat et meslee, evagina son
[28] espee qu'il avoit a son cousté en intencion de les
[29] despartir
et separer d'ensemble, ce qu'il fist.
[30] Et ce faict, s'en alla
ladite Loyse Caignart a son logeix
[31] et luy fut par
ledit Loys Crochart rendu son couvrechef
[32] lequel
lesdits Jehan
et Guillemecte Gallan luy avoint
[33] fangé
et osté dessus la teste et que durant
[34] ledit debat d'
entre lesdits Jehan
et Guillemecte Gallan et
[35] ladite Loyse Caignart.
Et longtemps apres,
lesdits Francois
<157 verso>
[36] Desboys
et Berthelot estoint en ung petit jardrin pres
[37] la maison
dudit Desboys
et assez pres du lieu en placistre
*
[38] ou se faisoit
ladite feste
et assemblee et gectoint et
[39] ruoint pierres et cailloutz en habondance aux gens
[40] estans a
ladite feste
et assemblee lesquelz se
[41] voyans ainsi assailliz se misdrent en
deffense et
[42] pareillement tirerent des pierres vers
lesdits Desboys,
[43] Berthelot, leurs complixes
et adherez tellement qu'ilz
[44] les contraignirent s'enfuir et retirer en leurs
[45] maisons. Au moyen de quoy demourerent
lesdits Gallans,
[46] Crochart
et autres assistans a
ladite feste et assemblee
[47] en pacience
et transquillité ; et depuys au
despartement
[48] dicelle feste
et que
chacun se voullut retirer,
[49] s'en alla
ledit Jehan Gallan ou
cimytiere du bourg
[50] de
ladite pairroesse de Pleugriffet esperant entrer
[51] en l'
eglise pairrochial
dudit lieu ce qu'il feist.
[52] Et par apres s'en aller en sa maison
estante en
[53] ladite parroesse, et comme il sortoit hors
[54] ladite eglise, vit
et apperceut
ledit Desboys par ung
[55] des pas
* dudit cymitiere vers le logeix
dudit
[56] Desboys et s'adressa
ledit Gallain
audit Desboys
[57] et eurent
plusieurs parolles
et propos ensemble
[58] durant lesquelz
ledit Berthelot rua et gecta une
[59] pierre
et caillot
audit Gallan qui l'attaignit a la
[60] poictrine. Quoy voyant
ledit Gallan yssit hors
[61] ledit cymitiere et tira une mandoce qu'il avoit,
[62] esperant se venger
dudit Berthelot de l'exes
[63] qu'il luy avoit faict ; et ainsi que
ledit Gallan
[64] fut hors
ledit cimitiere, fut par
ledit Desboys
[65] et
sadite femme, enffens Berthelot et
autres leurs
[66] complices, assailly tant de pierres que
[67] bastons invasiffs et l'abatirent a terre
[68] et luy firent
plusieurs exes et crierent
lesdits
<158 recto>
[69] Desboys,
sadite femme, enffens Berthelot
et chacun force
[70] a nous. Sur lequel cry, se trouverent
illecques
[71] plusieurs personnes entre autres Guillaume Gallan, Laurens
[72] Crochart, Loys Crochart
et chacun. Et bientost
[73] apres, se y rendirent
et trouverent
pareillement
[74] lesdits Pierre Crochart et Guillemecte Gallan,
[75] sadite femme, lesquelz s'approcherent pres
[76] des pas
dudit cymitiere ou estoit
ledit debat
[77] et cry de force,
et eulx y arrivez dirent
ausdits
[78] Gallans, Laurens et Loys Crochart par telles
[79] ou semblables
parolles :
« Sus garsailles*, vous ne
[80] faictes riens. Frappez ! tuez ! tuez ce villain larron
[81] Desboys, meurtrier et brulleur de maisons ! » Et
[82] sur ce s'entrebatirent d'un cousté
et d'autre
[83] tellement que le landemain
dudit jour
ledit Desboys
[84] a raison
desdits exces luy faictz
audit conflict,
[85] par faulte de bon appareil, pensement ou
[86] autrement alla de vie a deces. Nous
suppliants
[87] a tout ce que dissus avoir esgard, et actendu
[88] que ledit Pierre Crochart
et Guillemecte Gallan,
[89] sadite femme, estoint
auparavant ledit cas ainsi
[90] de mallefortune advenu bien
et honnestement
[91] vivants, sans jamais avoir esté reprins
[92] ne accusez d'aucun autre mauveix cas digne de
[93] pugnicion fors
celluy et
present, il nous plaise
dudit
[94] cas impartir
et octroyer
ausdits Pierre
[95] Crochart et Guillemecte Gallan,
sadite femme, noz
[96] lettres et grace, remission
et pardon, tres
humblement
[97] le nous requerant. Pour quoy,
etc.
Darande