03/08/1532
<159 recto>
Abolucion pour Jehan Pelion, originaire du pays
de Normandie dont lacteneur ensuilt.
[1] Francois,
etc, a tous
ceulx qui ces
presentes lettres
[2] verront, Salut. Savoir faisons, nous avoir receu
[3] l'humble
supplicacion et requeste des parens et amys
[4] de Jehan Pelion,
originaire du pays de Normandie,
[5] demourant en
parroisse de Laignelet en
notre jurisdicion
[6] et Srie de Foulgeres,
Contenant que puis deux ans
[7] derroins,
ledit Pelion quel estoit et se portoit
sergent
[8] de la court et seigneurie de Sainct Brice en ung
[9] fié
et baillaige
nommé La Vaherye de Mallehere,
[10] fust allé ou moys de juign l'an mil cinq cens
[11] trante ung a ung jour de dimanche, en sa
[12] compaignie Geffroy Pelion, son filz, devers Jehanne
[13] Bagelin demourant en ung villaige
nommé La
[14] Tuchemerye en la parroesse de Flourogne,
[15] tenu dudit
seigneur de Sainct Brice en
ladite
[16] Vaerie
et soubz la verge
* dudit sergent, luy
[17] demander les rentes que elle devoit par
[18] raison de
certaine maison en laquelle elle
[19] estoit demourante
oudit villaige. Et apres
[20] la avoir sommee de luy faire
poyement desdites
[21] rentes qu'elle devoit, en fut dolleante et refusante.
[22] Quoy voyant
ledit Pelion,
sergent surdit, print
[23] par execucion en la maison et
demourance de
ladite
[24] Jehanne une petite paelle d'arain de la
valleur
[25] de troys soulz ou environ, et ce faict
ledit Pelion
[26] sortit hors
ladite maison pour s'en aller vendre
[27] et esplecter
* a l'encant
* ladite paelle d'arain au lieu
[28] acoustumé pour ce faire. Et incontinent apres,
[29] ladite Jehanne Bagnelin poursuyvant
ledit Pelion,
<159 verso>
[30] tenante celle Jehanne
ladite paelle d'un cousté
[31] taschant la ouster
oudit Pellion et comme furent
[32] sur une petite bute de terre pierreuse jouxte
[33] ladite maison,
lesdits Pelion
et Jehanne tenans
[34] assemblement ladite paelle, icelle Jehanne Bagnelin
[35] en recullant et tirant a soy
ladite paelle
[36] et ledit Pelion tirant de sa part,
ladite Jehanne
[37] cheut et tomba a la renverse sur
ladite butte
[38] et
ledit Pelion cheut et tomba sur elle. Et
[39] en tumbant de la
maniere, le couvrechef de
[40] ladite Jehanne luy sortit hors de dessur sa
[41] teste quel couvrecheff fut prins par
[42] ledit Geffroy Pelion par
commandement dudit
[43] Jehan Pelion, son
pere, quel bailla
audit
[44] Geffroy, son filz,
ladite paelle. Auquel
[45] conflict,
ladite Jehanne crya
plusieurs fois
[46] a
notre ayde. Et voyant
ledit Pelion que
[47] contre raison elle luy voulloit faire
[48] escouisse
* de
ladite paelle, il print et saesit
[49] au poil avecques une main
ladite Jehanne
[50] Bagnelin et luy tira quelque peu la trecze
[51] de ses cheveulx esperant la faire cesser
[52] de plus crier
et empescher
ledit Pelion
[53] de
sadite execucion, quel Pelion par chaleur jura
[54] et blaphema le nom de dieu par
plusieurs
[55] foiz qu'il
seroit poyé de ce qu'elle luy devoit.
[56] Et apres avoir esté
ledit Pelion relevé
[57] et delaissé
ladite Jehanne, il print chemyn a s'en
[58] aller
et sondit filz avecques luy en emportant
[59] ladite paelle
et couvrechef auquel
ladite
[60] Jehanne dist que il l'avoit tuee. Et
<160 recto>
[61] fut
ledit Pelion meut de prandre
et faire
[62] emporter a
sondit filz
ledit couvrechef pour ce
[63] qu'il luy ressembloit que
ladite paelle n'estoit
[64] d'assez et grant valleur pour satiffaire a ce
[65] qu'elle luy devoit comme
surdit sergent.
[66] Et estimoit
ledit Pelion pourvu bien
prandre
[67] ledit couvrecheff par execucion en
semblable
[68] maniere [?comme?] ladite paelle puis
que ledit
[69] couvrechef estoit hors de sa teste. Et
[70] dempuis a entendu qu'il ne povoit ne
[71] luy estoit licite prandre
ledit couvrechef
[72] par execucion quel Pelion est homme
[73] sumple de bas estat et petit
entendement
[74] non congnoissant en droictz ne en coustumes.
[75] Et apres
ledit conflict et debat cy-dessus,
[76] ladite Jehanne Bagnelin se porte jucques
[77] au vendredi prochain ensuyvant,
neantmoins
[78] qu'elle se complaignist
dudit Pelion disant
[79] qu'il la avoit exedee a raison de ladite
[80] prinse
desdits paelle
et couvrecheff
[81] comme est
vroysemblable. Et
ledit vendredi
[82] ensuyvant,
ladite Jehanne Bagnelin tumba
[83] au lit ou elle fut gisante,
[84] malade jucques a environ huict jours
[85] apres
qu'elle deceda. Durant laquelle
[86] maladie, elle disoit ainsi que ce
[87] venu a
congnoissance dudit Pelion qu'elle
[88] ne mourroit que par raison des
[89] exces
que luy avoit faictz. Combien que
<160 verso>
[90] que[sic] au temps de son deces auparavant et
[91] dempuix y avoit grant cours de malladie
[92] de peste esparties assez propincques
[93] dudit lieu et que lors
dicelluy deces,
[94] elle fut par plusieurs visitee tant parr
[95] auctorité de justice
que autrement et fut
[96] trouvé qu'elle estoit merchee
* de taiches
[97] et intersignes
* qui
seullement ont de coustume
[98] venir
et apparoistre a
ceulx qui meurent
[99] de peste, qui est par tant a inferez
[100] que
ladite Jehanne n'est mort a
occasion
[101] desdits exces ne par le faict
dudit Pelion
[102] autrement qu'est cy-dessus
decleré. Nous
[103] remonstrant
lesdits supplians que par
notre
[104] court
dudit Foulgeres, il fut des les
[105] temps aiourné respondre a
notre
[106] procureur dicelle sur
ledit cas et craignant
[107] rigueur de justice ne ozé y
comparoir.
[108] Ains fist rendu fugitiff et abscent
[109] du pays jucques a ce que a
notre nouvelle
[110] venue
et joyeuse entree en
notre ville
[111] dudit Foulgeres ou il a esté trouvé prisonnier
[112] ou
chateau dicelle
et par nous delivré et
[113] mis hors actendant avoir de nous
[114] lettres a ce convenables. Nous
supplians
[115] quel nous plaise eu esgard a ce que
[116] dessus qu'est ung cas innopiné,
[117] quicter
et pardonner audit Pelion
ledit cas
[118] cy
dessus quel
auparavant s'estoit bien
<161 recto>
[119] gouverné selon son estat, sans jamais
[120] avoir esté atainct, reprins ne accusé
[121] d'aucun autre cas et est pouvre homme
[122] eaigé de soixante ans et plus qui
parr
[123] inconvenient a bruslé et embraisé sa
[124] maison
et biens
tellement qu'il est
[125] reduict presque a totalle povreté,
[126] tres
humblement requerant
icelluy.
[127] Pour ce est il,
etc.