16/08/1532
<165 verso>
Remission pour Thomas Hubert, la
verificacion
au juges de Rennes.
[1] Francois,
etc, a tous
presens et advenir,
savoir faisons, nous
[2] avoir receu l'humble
supplicacion des femme, enfans et amys
[3] consanguins de notre subgect Thomas Hubert a
present detenu
[4] prisonnier es prisons de Martigne Ferchault soubz
notre
[5] juridicion de Rennes,
Contenant come ou moys de
janvier mil
[6] cinq cens vingt huit, apres
que ledit Thomas Hubert quel
[7] est maczon et tillaceur
*, fust allé besongner de
sondit mestier
[8] en la
paroisse de Villepotz ou diocese de
Rennes ; et y
avoir esté
[9] par quelque temps, il s'en retourna en la ville et bourg
dudit
[10] Martigné ou il et sa femme estoint et sont
demourants,
[11] et a son aryvee
audit Martigné qui fut envyron le vingt
[12] jour
dudit moys de
janvier sur le vespre, il s'en alla a la maison
[13] d'un
nommé Jehan Geslin
demourant en
ladite ville de Martigné,
[14] en laquelle maison
lesdits Thomas Hubert et Geslin beurent
[15] assemblement deux ou troys pintes de cydre
que ledit Hubert
[16] poya. Et apres qu'ilz eurent ainsi beu estant lors une
[17] heure de nuyct,
ledit Thomas prya
ledit Geslin d'aller
[18] jucques a sa maison et demourance veoirs sa
femme et
[19] qu'il eust aporter ung pot de cydre pour boyre avec
[20] sadite femme ce
que ilz firent. Et a
leur aryvee,
trouverent
[21] les femme et enffans
dudit Hubert couchez, laquelle
[22] se leva et alluma de la chandelle et leur mist une serviette
[23] et du pain et de la chandelle sur la table. Et apres
avoir eu
[24] entreulx quelques parolles de devises, envyron une demye
<166 recto>
[25] heure apres, arryva et entra en icelle maison feu
Guillaume
[26] Guillou
demourant oudit Martigné lequel
[?autre?] en
ladite maison
[27] commencza a deviser et dist
audit Thomas Hubert entre
aultres choses :
[28] « Mon compere, j'ay saeze soubz a vous si voullez [?tennoyre?] au vin ! »
[29] Et en l'endroict,
ledit Hubert luy respondit :
« Vous m'en debvez
[30] plus ! » Fort disant et confessant
ledit Guillou qu'il pouroit
[31] bien y
avoir troys ou quattre soubz davantaige. Et lors
[32] ledit Thomas Hubert dist
audit Guillou qu'il avoyt une
[33] obligacion sur luy de vingt soubz quattre
deniers. En l'endroit
[34] desquelles
parolles desdits Hubert et Guillou, entrerent
[35] en
ladite maison
dudit Hubert,
maistre Pierres Gasnerel
[36] et
Nicolas Pyvert
dudit Martigné ausquelz
ledit Hubert
[37] montra
certaine obligacion signee de dom
Jehan Garnache.
[38] Et apres
avoir les
dessusdits leu
ladite obligacion, disdrent
[39] audit Hubert
que icelle
obligacion n'estoit gueres bien formee.
[40] Sur quoy dist
ledit Guillou
audit Hubert
par telles ou
[41] semblables
parolles :
« Je scay bien que je vous doy xvi
[42] soubz et non plus je ne foys pas cas de vous [?obligacions?] ! »
[43] De quoy
ledit Hubert deplesant dist
audit Guillou :
« Je te
[44] rendré excommunié dedans dimanche ! » Et
ledit Guillou
respondit
[45] audit Hubert
par telles parolles :
« Ce ne sera pas vous Hubert !
[46] Vous n'estes que un faulx tesmoing ! » A quoy
ledit Hubert dist
[47] audit Guillou :
« Encouraige-moy, come estoit a presumer !
[48] Va-t-en hors ma maison ! » Et en ce
disant, hurta
ledit Guillou
[49] et le fist brucher sur
ladite femme dicelluy Hubert qui s'ecrya
[50] disant
avoir ung braz afollé
*. Et apres
icelluy Guillou
[51] estre relevé, passa de l'autre costé de la table estant
[52] ledit Hubert devers le feu et dist icelluy Guillou
audit
[53] Hubert :
« Pourquoy me dites-vous que je sorte hors votre
[54] maison ? La maison n'est pas votre, elle est a votre femme ! »
[55] Et levant la main vers
ledit Hubert, luy dist derechef :
[56] « Vous estes ung faulx tesmoin ! Si je vous eusse voullu croyre,
[57] le greffier de ceste ville, Jehan Bonnyer, eust esté mené
[58] au gibet et a tort ! » Et lors
ledit Hubert, irrité
desdites injures,
[59] evagina ung grant cousteau en
maniere de malcus
* qu'il
[60] portoit a sa saincture duquel
ledit Hubert en frappa
ledit
[61] Guillou deux ou troys coups sur la teste et sur l'espaule.
[62] Et en l'instant,
lesdits Nicolas Geslin, Guillou et Hubert s'en
[63] yssirent hors
ladite maison et eulx estans hors et pres
[64] de l'huys dicelle,
ledit Guillou s'adressa
audit Hubert le
[65] prenant et saesisant au corps, luy
disant :
« Je te foys prisonnier
[66] de par le roy, tu es ung faulx tesmoin ! » Et
ledit Hubert se escouyt
*
[67] d'avec
ledit Guillou tirant son chemyn
vers la rue Valloyse,
[68] ledit Guillou le poursuyvant et le prenant encores au corps
[69] et disant :
« Je te prans prisonnier come faulx tesmoin ! » Quoy voyant,
ledit
[70] Hubert poussa derechef
ledit Guillou disant
telles parolles :
« Tu
[71] ne cesseras meshuy* de me pourchassez ! » Et ce
disant evagina
[72] evagina[sic] ledit Hubert
ledit cousteau et en frappa ung seul
<166 verso>
[73] coup d'estoc
ledit Guillou envyron la poictrine et ne scauroit
[74] autrement dire en quel endroict obstant qu'il estoit nuyct. Et bien
[75] tost apres avoir dit :
« Ha ! mon compere, tu m'as tué ! » ledit Guillou
[76] pour raison
dudit coup,
par faulte de
pensement ou autrement,
[77] alla sur le lieu de vie a trespas. A l'
occasion de quoy,
ledit
[78] Hubert des lors s'absenta et craignant rigueur de justice,
[79] fest
par quelque temps tenu fugitiff durant lequel il a
[80] esté
par plusieurs foys
convenu par la court
dudit Martigné
[81] sur
ledit cas ou il n'a ozé
comparoir, ains y a tousiours
[82] deffailly et prest a mectre a forban. Nous remonstrans
[83] lesdits suplians que ledit Hubert estant a
present detenu
prisonnier
[84] come dit est en grande misere et calamité est pouvre
home,
[85] chargé de femme et
plusieurs petitz enffans, et
que auparavant
[86] ledit cas advenu
par cas fortuit
et inoppiné, il s'est tousiours
[87] bien troicté et gouverné sellon son estat sans jamays
[88] avoir esté actaint ne accusé d'aucun mauvaix cas
[89] digne de
reprehension. Bien est vroy
que depuys
notre antree
[90] en la ville de Martigné et
avoir delivré
ledit Hubert
desdites
[91] prisons icelluy Hubert et
autres manuvriers estans
audit
[92] lieu besongnans de
leur mestier en la maison du
Sr
[93] dudit Martigné et pour tant
que lesdits manuvriers
trouverent
[94] du vin es caves et celliers de
ladite maison en tillant
*
[95] sur l'un desdicts celiers, ilz prindrent et beurent
dudit vin
[96] sans le congié
* ne
licence dudit Seigneur de Martigné ne de
[97] ses gens
jucques a envyron vingt ou trante potz
[98] duquel vin toutesfoiz
par eulx ainsi beu
ledit Hubert
[99] et
autres ont depuix composé et satisfaict
icelluy Sr de Broin.
[100] Et
que le xiime jour de may
dernier faisant notre joyeuse
[101] et nouvelle antree en
ladite ville de Martigné en ce
[102] notredit pays, aurions faict ouvrir les prisons et carceres
*
[103] dudit lieu et en
icelles trouvé
ledit Hubert lequel aurions
[104] faict mectre hors et luy donné
terme de lever ses
lettres de
[105] grace
jucques a troys moys,
tré humblement, nous
requerans
[106] luy conceder
et octroyer
nosdites lettres. Pour ce est-il,
etc,
[107] concedees a
venir.
de Kerguern